Diodorus Siculus, Library, book xvii, chapter 66

(디오도로스 시켈로스, Library, book xvii, chapter 66)

ὁ δὲ Ἀλέξανδροσ παραλαβὼν τὴν πόλιν καὶ τοὺσ ἐν τοῖσ βασιλείοισ θησαυροὺσ εὑρ͂εν ἀσήμου χρυσοῦ καὶ ἀργύρου πλείω τῶν τετρακισμυρίων ταλάντων. ταῦτα δὲ ἐκ πολλῶν χρόνων οἱ βασιλεῖσ ἄθικτα διετήρησαν, πρὸσ τὰ παράλογα τῆσ τύχησ ἀπολιπόντεσ αὑτοῖσ καταφυγάσ.

χωρὶσ δὲ τούτων ὑπῆρχεν ἐνακισχίλια τάλαντα χρυσοῦ χαρακτῆρα δαρεικὸν ἔχοντα. ἴδιον δέ τι συνέβη γενέσθαι τῷ βασιλεῖ κατὰ τὴν παράληψιν τῶν χρημάτων.

καθίσαντοσ γὰρ αὐτοῦ ἐπὶ τὸν βασιλικὸν θρόνον καὶ τούτου μείζονοσ ὄντοσ ἢ κατὰ τὴν συμμετρίαν τοῦ σώματοσ, τῶν παίδων τισ ἰδὼν τοὺσ πόδασ ἀπολείποντασ πολὺ τοῦ κατὰ τὸν θρόνον ὑποβάθρου βαστάσασ τὴν Δαρείου τράπεζαν ὑπέθηκε τοῖσ ποσὶν αἰωρουμένοισ. ἁρμοστῆσ δὲ γενομένησ ὁ μὲν βασιλεὺσ ἀπεδέξατο τὴν τοῦ πράξαντοσ εὐστοχίαν, τῶν δὲ παρεστώτων τισ τῷ θρόνῳ εὐνοῦχοσ κινηθεὶσ τὴν ψυχὴν τῇ μεταβολῇ τῆσ τύχησ ἐδάκρυσεν.

ὃν ἰδὼν ὁ Ἀλέξανδροσ ἤρετο, τί κακὸν ἰδὼν γεγονὸσ κλαίεισ;

ὁ δὲ εὐνοῦχοσ ἔφησε, νῦν μὲν σόσ εἰμι δοῦλοσ, πρότερον δὲ Δαρείου, καὶ φύσει φιλοδέσποτοσ ὢν ἤλγηκα ἰδὼν τὸ παρ’ ἐκείνῳ μάλιστα τιμώμενον νῦν ἄτιμον γεγονὸσ σκεῦοσ. ὁ δὲ βασιλεὺσ διὰ τῆσ ἀποκρίσεωσ λαβὼν ἔννοιαν τῆσ ὅλησ κατὰ τὴν Περσικὴν βασιλείαν μεταβολῆσ ὑπέλαβεν ἑαυτὸν ὑπερήφανόν τι πεποιηκέναι καὶ τῆσ πρὸσ τὰσ αἰχμαλωτίδασ ἐπιεικείασ ἀλλοτριώτατον.

διόπερ προσκαλεσάμενοσ τὸν θέντα τὴν τράπεζαν ἐπέταξεν ἆραι πάλιν.

ἐνταῦθα παρεστὼσ Φιλώτασ, ἀλλ’ οὐχ ὕβρισ ἐστίν, εἶπεν, τὸ μὴ ὑπὸ σοῦ προσταχθέν, ἀλλὰ δαίμονόσ τινοσ ἀγαθοῦ προνοίᾳ καὶ βουλήσει. ὁ δὲ βασιλεὺσ οἰωνισάμενοσ τὸ ῥηθὲν προσέταξεν ἐᾶν κειμένην ὑπὸ τῷ θρόνῳ τὴν τράπεζαν.

일치하는 문장이 없습니다.

SEARCH

MENU NAVIGATION