헬라어 문장 검색 - Διοδορ́Λιβραρψ́10́44́

(디오도로스 시켈로스, Library, book xvii, chapter 79)

κατὰ δὲ τούτουσ τοὺσ καιροὺσ περιέπεσε πράξει μοχθηρᾷ καὶ τῆσ ἰδίασ χρηστότητοσ ἀλλοτρίᾳ. τῶν γὰρ φίλων τισ τοῦ βασιλέωσ ὄνομα Δίμνοσ, μεμψιμοιρήσασ τῷ βασιλεῖ περί τινων καὶ τῷ θυμῷ προπεσών, ἐπιβουλὴν συνεστήσατο κατ’ αὐτοῦ. ἔχων δ’ ἐρώμενον Νικόμαχον τοῦτον ἔπεισε κοινωνῆσαι τῆσ ἐπιβουλῆσ.

οὗτοσ δὲ νέοσ ὢν παντελῶσ ἀνεκοινώσατο τὴν πρᾶξιν τῷ ἀδελφῷ Κεβαλίνῳ. ὁ δὲ φοβηθεὶσ μὴ φθάσῃ τισ τῶν συνειδότων καὶ δηλώσῃ τὴν ἐπιβουλὴν τῷ βασιλεῖ, αὐτὸσ ἔκρινε μηνῦσαι. παρελθὼν οὖν ἐπὶ τὴν αὐτὴν καὶ συντυχὼν Φιλώτᾳ καὶ διαλεχθεὶσ παρεκελεύετο τὴν ταχίστην ἀπαγγεῖλαι τῷ βασιλεῖ τὴν πρᾶξιν.

ὁ δὲ Φιλώτασ εἴτε καὶ διὰ τὸ κοινωνεῖν τῆσ ἐπιβουλῆσ εἴτε καὶ διὰ ῥᾳθυμίαν τὸν ῥηθέντα λόγον ἀργῶσ ἐδέξατο καὶ παρελθὼν πρὸσ τὸν Ἀλέξανδρον καὶ πολλῆσ καὶ παντοδαπῆσ κοινολογίασ μετασχὼν οὐδὲν τῶν ὑπὸ Κεβαλίνου ῥηθέντων ἀπήγγειλεν. ἐξελθὼν δὲ πρὸσ τὸν Κεβαλῖνον εἶπεν ὅτι καιρὸν ἐπιτήδειον οὐκ ἔσχε διασαφῆσαι, ἐπηγγέλλετο δὲ τῇ ὑστεραίᾳ συντεύξεσθαι μόνῳ τῷ βασιλεῖ καὶ πάντα δηλώσειν τὰ ῥηθέντα.

τὸ δὲ αὐτὸ πράξαντοσ τοῦ Φιλώτου καὶ τῇ ὑστεραίᾳ ὁ Κεβαλῖνοσ, εὐλαβηθεὶσ μὴ δι’ ἑτέρου μηνύσεωσ γενομένησ αὐτὸσ κινδυνεύσῃ, τὸν μὲν Φιλώταν παρέπεμψε, τῶν τὲ βασιλικῶν τινι παίδων προσελθὼν καὶ τὰ κατὰ μέροσ ἀπαγγείλασ ἠξίωσε τὴν ταχίστην ἀπαγγεῖλαι τῷ βασιλεῖ. ὁ δὲ τὸν μὲν Κεβαλῖνον εἰσ τὴν ὁπλοθήκην εἰσαγαγὼν ἀπέκρυψεν, αὐτὸσ δὲ τῷ βασιλεῖ μεταξὺ λουομένῳ προσελθὼν ἀπήγγειλε τὰ ῥηθέντα καὶ διότι τὸν Κεβαλῖνον παρ’ ἑαυτῷ φυλάττει.

ὁ δὲ βασιλεὺσ καταπλαγεὶσ εὐθὺσ τόν τε Δίμνον συνέλαβε καὶ μαθὼν ἅπαντα μετεπέμψατο τόν τε Κεβαλῖνον καὶ τὸν Φιλώταν. ἀνακρινομένων δ’ ἁπάντων καὶ τῆσ πράξεωσ ἐξεταζομένησ ὁ μὲν Δίμνοσ ἑαυτὸν κατέσφαξε, τοῦ δὲ Φιλώτου ῥᾳθυμίαν μὲν ἑαυτοῦ προσομολογήσαντοσ, τὴν δ’ ἐπιβουλὴν ἀπαρνουμένου τὴν κρίσιν ὑπὲρ τούτου τοῖσ Μακεδόσιν ἐπέτρεψεν.

πολλῶν δὲ ῥηθέντων λόγων οἱ Μακεδόνεσ κατέγνωσαν τοῦ Φιλώτου καὶ τῶν συγκαταιτιαθέντων θάνατον·

ἐν οἷσ ὑπῆρχε Παρμενίων ὁ πρῶτοσ εἶναι δοκῶν τῶν Ἀλεξάνδρου φίλων, τότε δὲ οὐ παρών, ἀλλὰ δόξασ διὰ τοῦ ἰδίου υἱοῦ Φιλώτου πεποιῆσθαι τὴν ἐπιβουλήν. ὁ μὲν οὖν Φιλώτασ, βασανισθεὶσ πρότερον καὶ ὁμολογήσασ τὴν ἐπιβουλήν, κατὰ τὸ τῶν Μακεδόνων ἔθοσ μετὰ τῶν συγκαταγνωσθέντων ἐθανατώθη.

ὁμοίωσ δὲ τούτῳ καὶ ὁ Λυγκιστὴσ Ἀλέξανδροσ, αἰτίαν ἔχων ἐπιβεβουλευκέναι τῷ βασιλεῖ, τριετῆ μὲν χρόνον ἐν φυλακῇ τηρούμενοσ διετέλεσε, διὰ τὴν πρὸσ Ἀντίγονον οἰκειότητα τετευχὼσ ἀναβολῆσ, τότε δ’ εἰσ τὴν τῶν Μακεδόνων κρίσιν παραχθεὶσ καὶ κατὰ τὴν ἀπολογίαν ἀπορηθεὶσ λόγων ἐθανατώθη. ὁ δ’ Ἀλέξανδροσ ἐκπέμψασ τινὰσ ἐπὶ δρομάδων καμήλων καὶ φθάσασ τὴν φήμην τῆσ περὶ τὸν Φιλώταν τιμωρίασ τὸν πατέρα τοῦ Φιλώτου Παρμενίωνα ἐδολοφόνησε, τεταγμένον μὲν τῆσ Μηδείασ ἄρχοντα, πεπιστευμένον δὲ τοὺσ βασιλικοὺσ θησαυροὺσ ἐν Ἐκβατάνοισ, ἔχοντασ ταλάντων ὀκτωκαίδεκα μυριάδασ.

ὁ δ’ Ἀλέξανδροσ ἐπιλεξάμενοσ ἐκ τῶν Μακεδόνων τοὺσ ἀλλοτρίασ κατ’ αὐτοῦ προϊεμένουσ φωνὰσ καὶ τοὺσ ἠγανακτηκότασ ἐπὶ τῷ τοῦ Παρμενίωνοσ θανάτῳ, πρὸσ δὲ τούτοισ τοὺσ ἐν ταῖσ ἀποσταλείσασ εἰσ Μακεδονίαν ἐπιστολαῖσ ἀλλότριόν τι γεγραφότασ τοῖσ οἰκείοισ περὶ τῶν τῷ βασιλεῖ συμφερόντων εἰσ ἓν κατέλεξε σύστημα καὶ προσηγόρευσεν ἀτάκτων τάγμα, ὅπωσ μὴ διὰ τὰσ τούτων ἀκαίρουσ φωνὰσ καὶ παρρησίασ τὸ λοιπὸν πλῆθοσ τῶν Μακεδόνων συνδιαφθείρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 79

(디오도로스 시켈로스, Library, book xvii, chapter 79)

상위

목록

SEARCH

MENU NAVIGATION