헬라어 문장 검색 - Διοδορ́Λιβραρψ́10́34́

(디오도로스 시켈로스, Library, book xvii, chapter 65)

τοῦ δὲ βασιλέωσ ἀναζεύξαντοσ ἐκ τῆσ Βαβυλῶνοσ καὶ κατὰ τὴν πορείαν ὄντοσ ἧκον πρὸσ αὐτὸν παρὰ μὲν Ἀντιπάτρου πεμφθέντεσ ἱππεῖσ μὲν Μακεδόνεσ πεντακόσιοι, πεζοὶ δὲ ἑξακισχίλιοι, ἐκ δὲ Θρᾴκησ ἱππεῖσ μὲν ἑξακόσιοι, Τραλλεῖσ δὲ τρισχίλιοι καὶ πεντακόσιοι, ἐκ δὲ Πελοποννήσου πεζοὶ μὲν τετρακισχίλιοι, ἱππεῖσ δὲ βραχὺ λείποντεσ τῶν χιλίων, ἐκ δὲ τῆσ Μακεδονίαστῶν φίλων τοῦ βασιλέωσ υἱοὶ πεντήκοντα πρὸσ τὴν σωματοφυλακίαν ὑπὸ τῶν πατέρων ἀπεσταλμένοι. ὁ δὲ βασιλεὺσ τούτουσ παραλαβὼν προῆγε καὶ κατήντησεν ἑκταῖοσ εἰσ τὴν Σιττακινὴν ἐπαρχίαν.

τῆσ δὲ χώρασ ταύτησ πολλὴν ἀφθονίαν ἐχούσησ τῶν ἐπιτηδείων πάντων ἐν ταύτῃ πλείουσ ἡμέρασ ἔμεινεν, ἅμα μὲν σπεύδων ἐκ τῆσ κατὰ τὴν ὁδοιπορίαν ταλαιπωρίασ ἀναλαβεῖν τὴν δύναμιν, ἅμα δὲ τῆσ στρατιωτικῆσ τάξεωσ διανοούμενοσ ἐπιμεληθῆναι καὶ τὰσ ἡγεμονίασ ἀναβιβάσαι καὶ τὴν δύναμιν ἰσχυροποιῆσαι τῷ τε πλήθει καὶ ταῖσ ἀρεταῖσ τῶν ἡγεμόνων. συντελέσασ δὲ τὰ δεδογμένα καὶ μετὰ πολλῆσ ἐπιμελείασ περὶ τῶν ἀριστίων κρίσιν ποιησάμενοσ καὶ πολλοὺσ ἀπὸ τῆσ μεγάλησ ἡγεμονίασ ἐπὶ μεγάλασ ἐξουσίασ ἀναβιβάσασ πάντασ τοὺσ ἡγεμόνασ εἰσ ἀξίωμα μεῖζον καὶ στοργὴν ἰσχυρὰν πρὸσ ἑαυτὸν προήγαγεν.

ἐπεμελήθη δὲ καὶ τῆσ ἰδιωτικῆσ τῶν στρατιωτῶν διατάξεωσ καὶ πολλὰ πρὸσ τὴν εὐχρηστίαν ἐπινοησάμενοσ ἐπὶ τὸ κρεῖττον διωρθώσατο.

κατασκευάσασ δὲ πᾶσαν τὴν στρατιὰν εὐνοίᾳ τε πρὸσ τὸν ἡγούμενον διαφέρουσαν καὶ πρὸσ τὰ παραγγελλόμενα πειθαρχοῦσαν, ἔτι δὲ ταῖσ ἀνδραγαθίαισ ὑπερβάλλουσαν ἐπὶ τοὺσ ὑπολειπομένουσ ἀγῶνασ ὡρ́μησεν. εἰσ δὲ τὴν Σουσιανὴν καταντήσασ ἀκινδύνωσ παρέλαβε τὰ περιβόητα ἐν Σούσοισ βασίλεια, ἑκουσίωσ Ἀβουλεύτου τοῦ σατράπου παραδόντοσ αὐτῷ τὴν πόλιν, ὡσ μὲν ἔνιοι γεγράφασι, προστάξαντοσ Δαρείου τοῖσ πεπιστευμένοισ ὑπ’ αὐτοῦ.

τοῦτο δὲ πρᾶξαι τὸν βασιλέα τῶν Περσῶν, ὅπωσ ὁ μὲν Ἀλέξανδροσ εἰσ περισπασμοὺσ ἀξιολόγουσ καὶ παραλήψεισ ἐπιφανεστάτων πόλεων καὶ θησαυρῶν μεγάλων ἐμπεσὼν ἐν ἀσχολίαισ ὑπάρχῃ, ὁ δὲ Δαρεῖοσ τῇ φυγῇ λαμβάνῃ χρόνον εἰσ τὴν τοῦ πολέμου παρασκευήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 65

(디오도로스 시켈로스, Library, book xvii, chapter 65)

상위

목록

SEARCH

MENU NAVIGATION