헬라어 문장 검색 - Διοδορ́Λιβραρψ́10́20́

(디오도로스 시켈로스, Library, book xvii, chapter 42)

μετὰ δὲ ταῦτα οἱ μὲν Τύριοι τὴν αὔξησιν τοῦ χώματοσ εὐλαβηθέντεσ ἐπλήρωσαν πολλὰ τῶν ἐλαττόνων σκαφῶν ὀξυβελῶν τε καταπελτῶν καὶ τοξοτῶν καὶ σφενδονητῶν ἀνδρῶν καὶ προσπλεύσαντεσ τοῖσ ἐργαζομένοισ τὸ χῶμα πολλοὺσ μὲν κατέτρωσαν, οὐκ ὀλίγουσ δὲ ἀπέκτειναν· εἰσ ἀνόπλουσ γὰρ καὶ πυκνοὺσ πολλῶν καὶ παντοίων βελῶν φερομένων οὐδεὶσ ἡμάρτανεν, ἑτοίμων καὶ ἀφυλάκτων τῶν σκοπῶν κειμένων.

συνέβαινε γὰρ οὐ μόνον κατὰ πρόσωπον τὰ φερόμενα βέλη προσπίπτειν, ἀλλὰ καὶ πρὸσ τὰ νῶτα τῶν ἀντιπροσώπων ὄντων ἐν στενῷ χώματι διικνεῖσθαι καὶ μηδένα δύνασθαι διαφυλάξασθαι τοὺσ ἐξ ἀμφοτέρων τῶν μερῶν κατατιτρώσκοντασ. ὁ δ’ Ἀλέξανδροσ τὸ παράλογον τῆσ συμφορᾶσ βουλόμενοσ ὀξέωσ διορθώσασθαι, πληρώσασ πάσασ τὰσ ναῦσ καὶ καθηγούμενοσ αὐτὸσ ἔπλει κατὰ σπουδὴν ἐπὶ τὸν λιμένα τῶν Τυρίων καὶ τὴν ἐπάνοδον τῶν Φοινίκων ὑπετέμνετο.

οἱ δὲ βάρβαροι φοβηθέντεσ μήποτε κυριεύσασ τῶν λιμένων καταλάβηται τὴν πόλιν ἔρημον οὖσαν στρατιωτῶν, κατὰ πολλὴν σπουδὴν ἀνέπλεον εἰσ τὴν Τύρον.

ἀμφοτέρων δὲ διὰ τὴν ὑπερβολὴν τῆσ φιλοτιμίασ ταῖσ εἰρεσίαισ πυκναῖσ χρωμένων καὶ τῶν Μακεδόνων ἤδη πλησιαζόντων τοῖσ λιμέσιν οἱ Φοίνικεσ παρ’ ὀλίγον μὲν ἦλθον τοῦ πάντεσ ἀπολέσθαι, παρεισπεσόντεσ δ’ ὅμωσ τῇ βίᾳ καὶ τὰσ τελευταίασ ναῦσ ἀποβαλόντεσ διεσώθησαν εἰσ τὴν πόλιν. ὁ δὲ βασιλεὺσ μεγάλησ ἐπιβολῆσ ἀποτυχὼν πάλιν προσεκαρτέρει τῷ χώματι καὶ τῷ πλήθει τῶν νεῶν παρείχετο τοῖσ ἐργαζομένοισ τὴν ἀσφάλειαν.

τῶν δ’ ἔργων πλησιαζόντων τῇ πόλει καὶ τῆσ ἁλώσεωσ προσδοκωμένησ ἀργέστησ ἄνεμοσ μέγασ ἐπεγένετο καὶ τοῦ χώματοσ πολὺ μέροσ ἐλυμήνατο. ὁ δ’ Ἀλέξανδροσ εἰσ ἀμηχανίαν ἐμπίπτων διὰ τὴν αὐτόματον τῶν ἔργων φθορὰν μετεμέλετο μὲν ἐπὶ τῇ τῆσ πολιορκίασ ἐπιβολῇ, ὅμωσ δὲ τῇ φιλοτιμίᾳ προαγόμενοσ ἐκ τῆσ ὀρεινῆσ ἐκκόπτων ὑπερμεγέθη δένδρα παρεκόμιζε καὶ σὺν αὐτοῖσ τοῖσ κλάδοισ ἐγχώσασ ἐνέφραξε τὴν βίαν τοῦ κλύδωνοσ.

ταχὺ δ’ ἀποκαταστήσασ τὰ πεπονηκότα τοῦ χώματοσ καὶ τῇ πολυχειρίᾳ προκόψασ εἰσ βέλουσ ἄφεσιν ἐπέστησε τὰσ μηχανὰσ ἐπ’ ἄκρον τὸ χῶμα καὶ τοῖσ μὲν πετροβόλοισ κατέβαλλε τὰ τείχη, τοῖσ δ’ ὀξυβελέσιν ἀνεῖργε τοὺσ ἐπὶ τῶν ἐπάλξεων ἐφεστῶτασ·

συνηγωνίζοντο δὲ τούτοισ οἵ τε τοξόται καὶ σφενδονῆται καὶ πολλοὺσ τῶν ἐν τῇ πόλει παραβοηθοῦντασ κατετίτρωσκον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 42

(디오도로스 시켈로스, Library, book xvii, chapter 42)

상위

목록

SEARCH

MENU NAVIGATION