헬라어 문장 검색 - Διοδορ́Λιβραρψ́10́18́

(디오도로스 시켈로스, Library, book xvii, chapter 38)

περιέθηκε γὰρ αὐτῇ κόσμον τε βασιλικὸν καὶ τὸ προγεγονὸσ ἀξίωμα ταῖσ προσηκούσαισ τιμαῖσ ἀποκατέστησε· τὴν μὲν γὰρ θεραπείαν αὐτῇ πᾶσαν τὴν δοθεῖσαν ὑπὸ Δαρείου παρέδωκεν, ἰδίαν δ’ ἄλλην οὐκ ἐλάττονα τῆσ προϋπαρχούσησ προσεδωρήσατο καὶ τῆσ μὲν τῶν παρθένων ἐκδόσεωσ βέλτιον τῆσ Δαρείου κρίσεωσ ἐπηγγείλατο προνοήσεσθαι, τὸν παῖδα δὲ θρέψειν ὡσ υἱὸν ἴδιον καὶ βασιλικῆσ τιμῆσ ἀξιώσειν. προσκαλεσάμενοσ δ’ αὐτὸν καὶ φιλήσασ, ὡσ εἶδεν ἀδεῶσ βλέψαντα καὶ μηδὲν ὅλωσ καταπλαγέντα, πρὸσ τοὺσ περὶ τὸν Ἡφαιστίωνα εἶπεν ὅτι ὁ παῖσ ὢν ἓξ ἐτῶν καὶ τὴν ἀρετὴν ὑπὲρ τὴν ἡλικίαν προφαίνων πολλῷ βελτίων ἐστὶ τοῦ πατρόσ.

περὶ δὲ τῆσ Δαρείου γυναικὸσ καὶ τῆσ περὶ αὐτὴν σεμνότητοσ πρόνοιαν ἕξειν ἔφησεν ὅπωσ μηδὲν ἀνάξιον πάθῃ τῆσ προγεγενημένησ εὐδαιμονίασ. πολλὰ δὲ καὶ ἄλλα πρὸσ ἔλεον καὶ φιλανθρωπίαν διαλεχθεὶσ ἐποίησε τὰσ γυναῖκασ διὰ τὸ μέγεθοσ τῆσ ἀνελπίστου χαρᾶσ εἰσ ἀκατάσχετα προπεσεῖν δάκρυα.

ἐπὶ δὲ πᾶσι τοῖσ προειρημένοισ δοὺσ τὴν δεξιὰν οὐ μόνον ὑπὸ τῶν εὖ παθόντων ἐπαίνων ἐτύγχανεν, ἀλλὰ καὶ παρὰ πᾶσι τοῖσ συστρατευομένοισ περιβόητον ἔσχε τὴν ὑπερβολὴν τῆσ ἐπιεικείασ. καθόλου δ’ ἔγωγε νομίζω πολλῶν καὶ καλῶν ἔργων ὑπ’ Ἀλεξάνδρου συντετελεσμένων μηδὲν τούτων μεῖζον ὑπάρχειν μηδὲ μᾶλλον ἄξιον ἀναγραφῆσ καὶ μνήμησ ἱστορικῆσ εἶναι.

αἱ μὲν γὰρ τῶν πόλεων πολιορκίαι καὶ παρατάξεισ καὶ τὰ ἄλλα τὰ κατὰ τὸν πόλεμον προτερήματα τὰ πλείονα διὰ τύχην ἢ δι’ ἀρετὴν ἐπιτυγχάνεται, ὁ δ’ ἐν ταῖσ ἐξουσίαισ εἰσ τοὺσ ἐπταικότασ ἔλεοσ μεριζόμενοσ διὰ μόνησ τῆσ φρονήσεωσ γίνεται.

οἱ πλεῖστοι γὰρ διὰ τὴν εὐτυχίαν ἐπαίρονται μὲν ταῖσ εὐπραξίαισ, ὑπερήφανοι δ’ ἐν ταῖσ εὐτυχίαισ γινόμενοι τῆσ ἀνθρωπίνησ καὶ κοινῆσ ἀσθενείασ ἐπιλανθάνονται·

διὸ καὶ τοὺσ πλείστουσ ὁρᾶν ἔστι τὴν εὐτυχίαν ὥσπερ τι βαρὺ φορτίον φέρειν ἀδυνατοῦντασ. Ἀλέξανδροσ μὲν οὖν, καίπερ πολλαῖσ γενεαῖσ προγεγονὼσ τοῦ καθ’ ἡμᾶσ βίου, τυγχανέτω καὶ παρὰ τῶν μεταγενεστέρων δικαίου καὶ πρέποντοσ ταῖσ ἰδίαισ ἀρεταῖσ ἐπαίνου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 38

(디오도로스 시켈로스, Library, book xvii, chapter 38)

상위

목록

SEARCH

MENU NAVIGATION