Diodorus Siculus, Library, book xvii, chapter 15

(디오도로스 시켈로스, Library, book xvii, chapter 15)

μετὰ δὲ ταῦτα εἰσ τὰσ Ἀθήνασ ἐξαπέστειλε τοὺσ ἐξαιτήσοντασ τῶν ῥητόρων δέκα τοὺσ κατ’ αὐτοῦ πεπολιτευμένουσ, ὧν ὑπῆρχον ἐπιφανέστατοι Δημοσθένησ καὶ Λυκοῦργοσ. συναχθείσησ οὖν ἐκκλησίασ καὶ τῶν πρεσβευτῶν εἰσαχθέντων εἰσ τὸ πλῆθοσ ὁ μὲν δῆμοσ ἀκούσασ τῶν λόγων εἰσ πολλὴν ἀγωνίαν καὶ ἀπορίαν ἐνέπεσεν. ἅμα μὲν γὰρ ἔσπευδε τὸ τῆσ πόλεωσ ἀξίωμα τηρεῖν, ἅμα δὲ διὰ τὴν Θηβαίων ἀπώλειαν ἐκπεπληγμένοσ τὸ δεινὸν περίφοβοσ καθειστήκει, νουθετούμενοσ τοῖσ τῶν πλησιοχώρων ἀτυχήμασι. πολλῶν δὲ λόγων γινομένων κατὰ τὴν ἐκκλησίαν Φωκίων μὲν ὁ χρηστόσ, ἀντιπολιτευόμενοσ τοῖσ περὶ τὸν Δημοσθένην, ἔφη δεῖν τοὺσ ἐξαιτουμένουσ μιμήσασθαι τὰσ Λεὼ κόρασ καὶ τὰσ Υἁκινθίδασ καὶ τὸν θάνατον ἑκουσίωσ ὑπομεῖναι ἕνεκα τοῦ μηδὲν ἀνήκεστον παθεῖν τὴν πατρίδα καὶ τὴν ἀνανδρίαν καὶ δειλίαν ὠνείδιζε τῶν μὴ βουλομένων ὑπὲρ τῆσ πόλεωσ τελευτᾶν·

ὁ δὲ δῆμοσ τοῦτον μὲν τοῖσ θορύβοισ ἐξέβαλε, προσάντωσ ἀκούων τοὺσ λόγουσ, Δημοσθένουσ δὲ λόγον πεφροντισμένον διελθόντοσ ὁ δῆμοσ εἰσ συμπάθειαν τῶν ἀνδρῶν προαχθεὶσ φανερὸσ ἦν σώζειν βουλόμενοσ τοὺσ ἄνδρασ. ἐπὶ τελευτῆσ δὲ Δημάδησ, πεπεισμένοσ ὑπὸ τῶν περὶ Δημοσθένην, ὥσ φασι, πέντε ταλάντοισ ἀργυρίου, συνεβούλευε μὲν σώζειν τοὺσ κινδυνεύοντασ, παρανέγνω δὲ ψήφισμα γεγραμμένον φιλοτέχνωσ·

περιεῖχε γὰρ παραίτησιν τῶν ἀνδρῶν καὶ ἐπαγγελίαν τοῦ κολάζειν κατὰ τοὺσ νόμουσ, ἂν ὦσιν ἄξιοι τιμωρίασ. ὁ μὲν οὖν δῆμοσ ἀποδεξάμενοσ τὴν ἐπίνοιαν τοῦ Δημάδου τό τε ψήφισμα ἐκύρωσε καὶ τὸν Δημάδην μεθ’ ἑτέρων ἀπέστειλε πρεσβευτὴν πρὸσ τὸν βασιλέα, δοὺσ ἐντολὴν καὶ περὶ τῶν Θηβαίων φυγάδων ἀξιῶσαι τὸν Ἀλέξανδρον συγχωρῆσαι τῷ δήμῳ τοὺσ πεφευγότασ Θηβαίουσ ὑποδέχεσθαι.

ὁ δὲ Δημάδησ πρεσβεύσασ καὶ τῇ τοῦ λόγου δεινότητι πάντα κατεργασάμενοσ ἔπεισε τὸν Ἀλέξανδρον ἀπολῦσαι τοὺσ ἄνδρασ τῶν ἐγκλημάτων καὶ τἄλλα πάντα συγχωρῆσαι τοῖσ Ἀθηναίοισ.

μετὰ δὲ ταῦτα ὁ μὲν βασιλεὺσ ἐπανελθὼν μετὰ τῆσ δυνάμεωσ εἰσ τὴν Μακεδονίαν συνήγαγε τοὺσ ἡγεμόνασ τῶν στρατιωτῶν καὶ τοὺσ ἀξιολογωτάτουσ τῶν φίλων καὶ προέθηκε βουλὴν περὶ τῆσ εἰσ τὴν Ἀσίαν διαβάσεωσ, πότε χρὴ στρατεύειν καὶ τίνι τρόπῳ χειριστέον τὸν πόλεμον.

τῶν δὲ περὶ τὸν Ἀντίπατρον καὶ Παρμενίωνα συμβουλευόντων πρότερον παιδοποιήσασθαι καὶ τότε τοῖσ τηλικούτοισ ἐγχειρεῖν ἔργοισ, δραστικὸσ ὢν καὶ πρὸσ πᾶσαν πράξεωσ ἀναβολὴν ἀλλοτρίωσ διακείμενοσ ἀντεῖπε τούτοισ·

αἰσχρὸν γὰρ ὑπάρχειν ἀπεφαίνετο τὸν ὑπὸ τῆσ Ἑλλάδοσ ἡγεμόνα καθεσταμένον τοῦ πολέμου καὶ πατρικὰσ ἀνικήτουσ δυνάμεισ παρειληφότα καθῆσθαι γάμουσ ἐπιτελοῦντα καὶ τέκνων γενέσεισ ἀναμένοντα. διδάξασ οὖν αὐτοὺσ περὶ τοῦ συμφέροντοσ καὶ παρορμήσασ διὰ τῶν λόγων πρὸσ τοὺσ ἀγῶνασ θυσίασ μεγαλοπρεπεῖσ τοῖσ θεοῖσ συνετέλεσεν ἐν Δίῳ τῆσ Μακεδονίασ καὶ σκηνικοὺσ ἀγῶνασ Διὶ καὶ Μούσαισ, οὓσ Ἀρχέλαοσ ὁ προβασιλεύσασ πρῶτοσ κατέδειξε.

τὴν δὲ πανήγυριν ἐφ’ ἡμέρασ ἐννέα συνετέλεσεν, ἑκάστῃ τῶν Μουσῶν ἐπώνυμον ἡμέραν ἀναδείξασ.

σκηνὴν δὲ κατασκευασάμενοσ ἑκατοντάκλινον τούσ τε φίλουσ καὶ τοὺσ ἡγεμόνασ, ἔτι δὲ τοὺσ ἀπὸ τῶν πόλεων πρέσβεισ παρέλαβεν ἐπὶ τὴν εὐωχίαν. λαμπραῖσ δὲ παρασκευαῖσ χρησάμενοσ καὶ πολλοὺσ μὲν ἑστιάσασ, πάσῃ δὲ τῇ δυνάμει διαδοὺσ ἱερεῖα καὶ τἄλλα τὰ πρὸσ τὴν εὐωχίαν ἀνήκοντα προσανέλαβε τὸ στρατόπεδον.

일치하는 문장이 없습니다.

SEARCH

MENU NAVIGATION