헬라어 문장 검색 - Διοδορ́Λιβραρψ́10́61́

(디오도로스 시켈로스, Library, book xvii, chapter 108)

κατὰ τοῦτον τὸν καιρὸν ἧκον εἰσ τὰ Σοῦσα τρισμύριοι τῶν Περσῶν, νέοι μὲν παντελῶσ ταῖσ ἡλικίαισ, ἐπιλελεγμένοι δὲ ταῖσ τῶν σωμάτων εὐπρεπείαισ τε καὶ ῥώμαισ. κατὰ δέ τινασ ἐντολὰσ τοῦ βασιλέωσ ἠθροισμένοι, χρόνον ἱκανὸν ἐπιστάτασ καὶ διδασκάλουσ ἐσχηκότεσ τῶν πολεμικῶν ἔργων, πάντεσ δὲ Μακεδονικαῖσ πανοπλίαισ πολυτελῶσ κεκοσμημένοι, παρεμβολὴν μὲν ἐποιήσαντο πρὸ τῆσ πόλεωσ, ἐπιδειξάμενοι δὲ τῷ βασιλεῖ τὴν ἐν τοῖσ ὅπλοισ ἄσκησιν καὶ μελέτην ἐτιμήθησαν διαφερόντωσ.

τῶν γὰρ Μακεδόνων πρὸσ τὴν τοῦ Γάγγου ποταμοῦ διάβασιν ἀντειπόντων καὶ πολλάκισ ἐν ταῖσ ἐκκλησίαισ καταβοώντων καὶ τὴν ἐξ Ἄμμωνοσ γένεσιν διασυρόντων τοῦτο τὸ σύστημα κατεσκεύασεν ἐκ μιᾶσ μὲν ἡλικίασ τῶν Περσῶν καὶ ὁμοίασ συνεστηκόσ, δυνάμενον δὲ ἀντίταγμα γενέσθαι τῇ Μακεδονικῇ φάλαγγι.

καὶ τὰ μὲν περὶ Ἀλέξανδρον ἐν τούτοισ ἦν. Ἅρπαλοσ δὲ τῶν ἐν Βαβυλῶνι θησαυρῶν καὶ τῶν προσόδων τὴν φυλακὴν πεπιστευμένοσ, ἐπειδὴ τάχιστα ὁ βασιλεὺσ εἰσ τὴν Ἰνδικὴν ἐστράτευσεν, ἀπέγνω τὴν ἐπάνοδον αὐτοῦ, δοὺσ δ’ ἑαυτὸν εἰσ τρυφὴν καὶ πολλῆσ χώρασ ἀποδεδειγμένοσ σατράπησ τὸ μὲν πρῶτον εἰσ ὕβρεισ γυναικῶν καὶ παρανόμουσ ἔρωτασ βαρβάρων ἐξετράπη καὶ πολλὰ τῆσ γάζησ ἀκρατεστάταισ ἡδοναῖσ κατανάλωσεν, ἀπὸ δὲ τῆσ Ἐρυθρᾶσ θαλάσσησ πολὺ διάστημα κομίζων ἰχθύων πλῆθοσ καὶ δίαιταν πολυδάπανον ἐνιστάμενοσ ἐβλασφημεῖτο.

μετὰ δὲ ταῦτ’ ἐκ τῶν Ἀθηνῶν τὴν ἐπιφανεστάτην τῶν ἑταιρῶν ὄνομα Πυθονίκην μετεπέμψατο καὶ ζῶσάν τε αὐτὴν βασιλικαῖσ δωρεαῖσ ἐτίμησε καὶ μεταλλάξασαν ἔθαψε πολυτελῶσ καὶ τάφον κατὰ τὴν Ἀττικὴν κατεσκεύασε πολυδάπανον.

μετὰ δὲ ταῦτα ἄλλην ἑταίραν Ἀττικὴν ὄνομα Γλυκέραν μεταπεμψάμενοσ ἐν ὑπερβαλλούσῃ τρυφῇ καὶ πολυδαπάνῳ διαιτήματι διεξῆγεν·

εἰσ δὲ τὰ παράλογα τῆσ τύχησ καταφυγὰσ ποριζόμενοσ εὐεργέτει τὸν τῶν Ἀθηναίων δῆμον. τοῦ δὲ Ἀλεξάνδρου μετὰ τὴν ἐξ Ἰνδῶν ἐπάνοδον πολλοὺσ τῶν σατραπῶν κατηγορηθέντασ ἀνελόντοσ φοβηθεὶσ τὴν τιμωρίαν καὶ συσκευασάμενοσ ἀργυρίου μὲν τάλαντα πεντακισχίλια, μισθοφόρουσ δ’ ἀθροίσασ ἑξακισχιλίουσ ἀπῆρεν ἐκ τῆσ Ἀσίασ καὶ κατέπλευσεν εἰσ τὴν Ἀττικήν. οὐδενὸσ δὲ αὐτῷ προσέχοντοσ τοὺσ μὲν μισθοφόρουσ ἀπέλιπε περὶ Ταίναρον τῆσ Λακωνικῆσ, αὐτὸσ δὲ μέροσ τῶν χρημάτων ἀναλαβὼν ἱκέτησ ἐγένετο τοῦ δήμου.

ἐξαιτούμενοσ δὲ ὑπ’ Ἀντιπάτρου καὶ Ὀλυμπιάδοσ καὶ πολλὰ χρήματα διαδοὺσ τοῖσ ὑπὲρ αὐτοῦ δημηγοροῦσι ῥήτορσι διέδρα καὶ κατῆρεν εἰσ Ταίναρον πρὸσ τοὺσ μισθοφόρουσ. ἐκεῖθεν δὲ πλεύσασ εἰσ Κρήτην ὑπὸ Θίβρωνοσ ἑνὸσ τῶν φίλων ἐδολοφονήθη.

οἱ δ’ Ἀθηναῖοι τῶν τοῦ Ἁρπάλου χρημάτων λόγον ἀναζητοῦντεσ Δημοσθένην καὶ ἄλλουσ τινὰσ τῶν ῥητόρων κατεδίκασαν ὡσ εἰληφότασ τῶν Ἁρπάλου χρημάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 108

(디오도로스 시켈로스, Library, book xvii, chapter 108)

상위

목록

SEARCH

MENU NAVIGATION