헬라어 문장 검색 - Διοδορ́Λιβραρψ́10́01́00́

(디오도로스 시켈로스, Library, book xvii, τῶν Διοδώρου βύβλων τῆσ ἑπτακαιδεκάτησ εἰσ δύο διῃρημένησ ἡ πρώτη περιέχει τάδε.)

ὡσ Ἀλέξανδροσ διαδεξάμενοσ τὴν βασιλείαν κατέστησε τὰ κατὰ τὴν ἀρχήν. ὡσ τὰ νεωτερίζοντα τῶν ἐθνῶν ἀνεκτήσατο. ὡσ Θήβασ κατασκάψασ καὶ φόβον ἐπιστήσασ τοῖσ Ἕλλησι στρατηγὸσ αὐτοκράτωρ τῆσ Ἑλλάδοσ ᾑρέθη. ὡσ διαβὰσ εἰσ τὴν Ἀσίαν τοὺσ σατράπασ ἐνίκησε περὶ τὸν ἐν Φρυγίᾳ Γρανικὸν ποταμόν. ὡσ Μίλητον καὶ Ἁλικαρνασσὸν ἐξεπολιόρκησεν. μάχη Δαρείου πρὸσ Ἀλέξανδρον ἐν Ἰσσῷ τῆσ Κιλικίασ καὶ νίκη Ἀλεξάνδρου. Τύρου πολιορκία καὶ Αἰγύπτου παράληψισ καὶ πάροδοσ εἰσ Ἄμμωνα τοῦ βασιλέωσ. παράταξισ ἐν Ἀρβήλοισ Ἀλεξάνδρου πρὸσ Δαρεῖον καὶ νίκη Ἀλεξάνδρου. μάχη Ἀντιπάτρου πρὸσ Λακεδαιμονίουσ καὶ νίκη Ἀντιπάτρου. ἡ δευτέρα περιέχει τάδε. Ἀρβήλων ἅλωσισ ὑπ’ Ἀλεξάνδρου καὶ κατάληψισ πολλῶν χρημάτων. ἀνάληψισ τῆσ δυνάμεωσ ἐν Βαβυλῶνι καὶ δωρεαὶ τοῖσ ἀνδραγαθήσασι. παρουσία τῶν ἀποσταλέντων μισθοφόρων καὶ συμμάχων. διάταξισ καὶ κατασκευὴ τῆσ δυνάμεωσ. ὡσ Ἀλέξανδροσ παρέλαβε Σοῦσαν καὶ τοὺσ ἐν αὐτῇ θησαυρούσ. ὡσ τῶν παρόδων ἐγκρατὴσ ἐγένετο καὶ τῶν ὀνομαζομένων Σουσιάδων Πυλῶν ἐκράτησεν. ὡσ τοὺσ ἀκρωτηριασθέντασ Ἑλλήνων εὐεργέτησε καὶ τὴν Περσέπολιν παραλαβὼν διήρπασεν. ὡσ κωμάσασ ἐνέπρησε τὰ βασίλεια. Δαρείου θάνατοσ ὑπὸ Βήσσου. Ἀλεξάνδρου στρατεία εἰσ τὴν Ὑρκανίαν καὶ τῶν ἐν αὐτῇ φυομένων παραδόξων ἀπαγγελία. ὡσ Ἀλέξανδροσ ἐπὶ Μάρδουσ στρατεύσασ κατεπολέμησε τὸ ἔθνοσ. ὡσ Θάληστρισ ἡ τῶν Ἀμαζονίδων βασιλεύουσα συνέμιξεν Ἀλεξάνδρῳ. ὡσ ὁ βασιλεὺσ ἀνίκητον ἑαυτὸν εἶναι νομίσασ ἐζήλωσε τὴν τῶν Περσῶν τρυφήν. στρατεία Ἀλεξάνδρου πρὸσ τοὺσ ἀφεστηκότασ Ἀρείουσ καὶ ἅλωσισ τῆσ Πέτρασ. ἐπιβουλὴ τοῦ βασιλέωσ καὶ κόλασισ τῶν ἐπιθεμένων, ὧν οἱ ἐπιφανέστατοι Παρμενίων καὶ Φιλώτασ. στρατεία Ἀλεξάνδρου εἰσ τοὺσ Παροπανισάδασ καὶ τὰ πραχθέντα κατ’ αὐτήν. ἡ γενομένη ἐν Ἀρείοισ μονομαχία καὶ παράληψισ τοῦ ἔθνουσ. Βήσσου τοῦ ἀνελόντοσ Δαρεῖον θάνατοσ. ὡσ Ἀλέξανδροσ διὰ τῆσ ἀνύδρου πορευθεὶσ πολλοὺσ ἀπέβαλε τῶν στρατιωτῶν. ὡσ τοὺσ Βραγχίδασ τὸ παλαιὸν ὑπὸ Περσῶν μετοικισθέντασ εἰσ τὰ ἔσχατα τῆσ βασιλείασ ὡσ προδότασ τῶν Ἑλλήνων ἀνεῖλεν Ἀλέξανδροσ. ὡσ ὁ βασιλεὺσ ἐπὶ Σογδιανοὺσ καὶ Σκύθασ ἐστράτευσεν. ὡσ οἱ πρωτεύοντεσ Σογδιανῶν ἀπαγόμενοι πρὸσ τὸν θάνατον παραδόξωσ ἐσώθησαν. ὡσ Ἀλέξανδροσ ἀποστάντασ τοὺσ Σογδιανοὺσ κατεπολέμησε καὶ κατέσφαξεν αὐτῶν πλείουσ τῶν δώδεκα μυριάδων. ὡσ Βακτριανοὺσ ἐκόλασε καὶ Σογδιανοὺσ τὸ δεύτερον ἐχειρώσατο καὶ πόλεισ ἔκτισεν εὐκαίρωσ πρὸσ τὰσ τῶν ἀφισταμένων κολάσεισ. ἀπόστασισ τρίτη Σογδιανῶν καὶ ἅλωσισ τῶν εἰσ τὴν Πέτραν καταφυγόντων. περὶ τοῦ ἐν Βασίστοισ κυνηγίου καὶ τοῦ πλήθουσ τῶν ἐν αὐτῷ θηρίων. περὶ τῆσ εἰσ τὸν Διόνυσον ἁμαρτίασ καὶ τῆσ παρὰ τὸν πότον ἀναιρέσεωσ Κλείτου. περὶ τῆσ Καλλισθένουσ τελευτῆσ. στρατεία τοῦ βασιλέωσ εἰσ τοὺσ καλουμένουσ Ναύτακασ καὶ φθορὰ τῆσ δυνάμεωσ ὑπὸ πολλῆσ χιόνοσ. ὡσ Ἀλέξανδροσ ἐρασθεὶσ Ῥωξάνησ τῆσ Ὀξυάρτου ἔγημεν αὐτὴν καὶ τῶν φίλων πολλοὺσ ἔπεισε γῆμαι τὰσ τῶν ἐπισήμων βαρβάρων θυγατέρασ. παρασκευὴ τῆσ ἐπὶ Ἰνδοὺσ στρατείασ. ἐμβολὴ εἰσ τὴν Ἰνδικὴν καὶ ἀναίρεσισ ἄρδην τοῦ πρώτου ἔθνουσ πρὸσ κατάπληξιν τῶν ἄλλων. ὡσ τὴν Νυσίαν ὀνομαζομένην πόλιν εὐεργέτησε διὰ τὴν ἀπὸ Διονύσου συγγένειαν. ὡσ Μάσσακα πόλιν ὀχυρὰν ἐκπορθήσασ τοὺσ μισθοφόρουσ ἅπαντασ λαμπρῶσ ἀγωνισαμένουσ κατέκοψεν. ὡσ τὴν Αὄρνον καλουμένην Πέτραν, ἀνάλωτον ἀεὶ γεγενημένην, ἐξεπολιόρκησεν. ὡσ Ταξίλην μὲν τὸν βασιλέα τῶν Ἰνδῶν προσηγάγετο, Πῶρον δὲ μεγάλῃ παρατάξει νικήσασ καὶ τοῦ σώματοσ κρατήσασ, ἀπέδωκε τὴν βασιλείαν αὐτῷ δι’ ἀνδραγαθίαν. ἀπαγγελία τῶν κατὰ τὴν χώραν παραδόξων ὄφεών τε καὶ τῶν φυομένων καρπῶν. ὡσ τὰ πλησιόχωρα τῶν ἐθνῶν τὰ μὲν προσηγάγετο, τὰ δὲ κατεπολέμησεν. ὡσ τὴν ὑπὸ Σωπείθην τεταγμένην ἐχειρώσατο. περὶ τῆσ εὐνομίασ τῶν ἐν ταύτῃ τῇ χώρᾳ πόλεων. περὶ τῆσ ἀρετῆσ τῶν δωρηθέντων Ἀλεξάνδρῳ κυνῶν. περὶ τῆσ ἀφηγήσεωσ τοῦ Ἰνδῶν βασιλέωσ. ὡσ τοῦ Ἀλεξάνδρου βουλομένου διαβῆναι τὸν Γάγγην ποταμὸν καὶ στρατεύειν ἐπὶ τοὺσ Γανδαρίδασ ὀνομαζομένουσ οἱ Μακεδόνεσ οὐχ ὑπήκουσαν. ὡσ ὁρ́ια θέμενοσ τῆσ στρατείασ ὁ βασιλεὺσ ἐπῆλθε τὰ λοιπὰ τῶν Ἰνδῶν. ὡσ διὰ τοῦ Ἰνδοῦ ποταμοῦ κατέπλευσεν ἐπὶ τὸν κατὰ μεσημβρίαν Ὠκεανόν, καὶ τοξευθεὶσ ἐκινδύνευσεν. περὶ τῆσ γενομένησ μονομαχίασ ἐκ προκλήσεωσ. περὶ τῶν καταπολεμηθέντων Ἰνδῶν ἐξ ἀμφοτέρων τῶν μερῶν τοῦ ποταμοῦ μέχρι τοῦ Ὠκεανοῦ. περὶ τῶν παραδόξων καὶ νομίμων παρὰ τοῖσ ἐγχωρίοισ καὶ τῶν θηριώδη βίον ἐχόντων. ὡσ οἱ τὸν Ὠκεανὸν πλεύσαντεσ συνέμιξαν Ἀλεξάνδρῳ παρὰ θάλατταν ἐστρατοπεδευκότι καὶ τὰ κατὰ τὸν πλοῦν ἀπήγγειλαν. ὡσ πάλιν ἐκπλεύσαντεσ πολλὴν τῆσ παραθαλαττίασ χώρασ παρέπλευσαν. ὡσ τῶν Περσῶν τρισμυρίουσ νεανίσκουσ ἐπιλέξασ καὶ παιδεύσασ τὰ πολεμικὰ τῶν ἔργων ἀντίταγμα κατεσκεύασε τῇ Μακεδονικῇ φάλαγγι. ὡσ Ἅρπαλοσ διὰ τὴν τρυφὴν καὶ τὰσ ὑπερβολὰσ τῶν δαπανημάτων διαβληθεὶσ ἔφυγεν ἐκ Βαβυλῶνοσ καὶ τοῦ δήμου τῶν Ἀθηναίων ἱκέτησ ἐγένετο. ὡσ διαδρὰσ ἐκ τῆσ Ἀττικῆσ ἀνῃρέθη καὶ τῶν χρημάτων ἑπτακόσια μὲν τάλαντα παρέθετο τοῖσ Ἀθηναίοισ, τετρακισχίλια δὲ καὶ μισθοφόρουσ ὀκτακισχιλίουσ περὶ Ταίναρον τῆσ Λακωνικῆσ ἀπέλιπεν. ὡσ Ἀλέξανδροσ τοὺσ γεγηρακότασ τῶν Μακεδόνων χρεολυτήσασ καὶ καταναλώσασ μύρια τάλαντα ἀπέλυσεν εἰσ τὰσ πατρίδασ. ὡσ στασιαζόντων τῶν Μακεδόνων ἐκόλασε τοὺσ αἰτίουσ. ὡσ Πευκέστησ ἤγαγε πρὸσ Ἀλέξανδρον ἐκ τῶν Περσῶν ἐπιλέξασ τοξότασ καὶ σφενδονήτασ μυρίουσ. ὡσ τὰσ τάξεισ ὁ βασιλεὺσ ἐποίησεν ἀναμίξασ τοῖσ Μακεδόσι Πέρσασ. ὡσ τοῖσ ἐπιγόνοισ παισὶ μυρίοισ οὖσι τὰσ δαπάνασ καὶ παιδείασ μισθοὺσ ἅπασιν ἐχορήγει. ὡσ Λεωσθένησ ἤρξατο κινεῖν τὸν πρὸσ Μακεδόνασ πόλεμον. ὡσ Ἀλέξανδροσ ἐπὶ Κοσσαίουσ ἐστράτευσεν. ὡσ πορευομένου τοῦ βασιλέωσ εἰσ Βαβυλῶνα προεῖπον οἱ Χαλδαῖοι τῷ Ἀλεξάνδρῳ τελευτήσειν αὐτόν, ἐὰν εἰσ τὴν Βαβυλῶνα εἰσέλθῃ. ὡσ ὁ βασιλεὺσ ἐν ἀρχῇ μὲν κατεπλάγη καὶ παρήλλαξε τὴν Βαβυλῶνα, ὕστερον δ’ ὑπὸ τῶν Ἑλληνικῶν φιλοσόφων πεισθεὶσ κατήντησεν εἰσ τὴν πόλιν. περὶ τοῦ πλήθουσ τῶν παραγενομένων πρεσβειῶν. περὶ τῆσ Ἡφαιστίωνοσ ταφῆσ καὶ τοῦ πλήθουσ τῶν εἰσ αὐτὴν δαπανηθέντων χρημάτων. περὶ τῶν σημείων τῶν γεγενημένων Ἀλεξάνδρῳ καὶ τῆσ τελευτῆσ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, τῶν Διοδώρου βύβλων τῆσ ἑπτακαιδεκάτησ εἰσ δύο διῃρημένησ ἡ πρώτη περιέχει τάδε.

(디오도로스 시켈로스, Library, book xvii, τῶν Διοδώρου βύβλων τῆσ ἑπτακαιδεκάτησ εἰσ δύο διῃρημένησ ἡ πρώτη περιέχει τάδε.)

상위

목록

SEARCH

MENU NAVIGATION