헬라어 문장 검색 - Πλυταρ́Δεμετρί33́

(플루타르코스, Demetrius, chapter 33)

οὐ μὴν ὑπέπτηξε Δημήτριοσ, ἀλλὰ φήσασ οὐδ’ ἂν μυριάκισ ἡττηθῇ μάχασ ἄλλασ ἐν Ἴψῳ γαμβρὸν ἀγαπήσειν ἐπὶ μισθῷ Σέλευκον, τὰσ μὲν πόλεισ ἐκρατύνατο φρουραῖσ, αὐτὸσ δὲ πυθόμενοσ Λαχάρη στασιάζουσιν Ἀθηναίοισ ἐπιθέμενον τυραννεῖν, ἤλπιζε ῥᾳδίωσ ἐπιφανεὶσ λήψεσθαι τὴν πόλιν. καὶ τὸ μὲν πέλαγοσ ἀσφαλῶσ διεπεραιώθη μεγάλῳ στόλῳ, παρὰ δὲ τὴν Ἀττικὴν παραπλέων ἐχειμάσθη καὶ τὰσ πλείστασ ἀπέβαλε τῶν νεῶν, καὶ συνδιεφθάρη πλῆθοσ ἀνθρώπων οὐκ ὀλίγον. αὐτὸσ δὲ σωθεὶ͂͂͂σ ἥψατο μέν τινοσ πολέμου πρὸσ τοὺσ Ἀθηναίουσ, ὡσ δ’ οὐδὲν ἐπέραινε, πέμψασ ναυτικὸν αὖθισ ἀθροίσοντασ αὐτὸσ εἰσ Πελοπόννησον παρῆλθε καὶ Μεσσήνην ἐπολιόρκει.

καὶ προσμαχόμενοσ τοῖσ τείχεσιν ἐκινδύνευσε, καταπελτικοῦ βέλουσ εἰσ τὸ πρόσωπον αὐτῷ καὶ τὸ στόμα διὰ τῆσ σιαγόνοσ ἐμπεσόντοσ. ἀναληφθεὶσ δὲ καὶ πόλεισ τινὰσ ἀφεστώσασ προσαγαγόμενοσ πάλιν εἰσ τὴν Ἀττικὴν ἐνέβαλε, καὶ κρατήσασ Ἐλευσῖνοσ καὶ Ῥαμνοῦντοσ ἔφθειρε τὴν χώραν, καὶ ναῦν τινα λαβὼν ἔχουσαν σῖτον καὶ εἰσάγουσαν τοῖσ Ἀθηναίοισ ἐκρέμασε τὸν ἔμπορον καὶ τὸν κυβερνήτην, ὥστε τῶν ἄλλων ἀποτρεπομένων διὰ φόβον σύντονον λιμὸν ἐν ἄστει γενέσθαι, πρὸσ δὲ τῷ λιμῷ καὶ τῶν ἄλλων ἀπορίαν.

ἁλῶν γοῦν μέδιμνον ὠνοῦντο τετταράκοντα δραχμῶν, ὁ δὲ τῶν πυρῶν μόδιοσ ὤνιοσ ἦν τριακοσίων. μικρὰν δὲ τοῖσ Ἀθηναίοισ ἀναπνοὴν παρέσχον ἑκατὸν πεντήκοντα νῆεσ φανεῖσαι περὶ Αἴγιναν, ἃσ ἔπεμψεν ἐπικούρουσ αὐτοῖσ Πτολεμαῖοσ.

εἶτα Δημητρίῳ πολλῶν μὲν ἐκ Πελοποννήσου, πολλῶν δὲ ἀπὸ Κύπρου νεῶν παραγενομένων, ὥστε συμπάσασ ἀθροισθῆναι τριακοσίασ, ἔφυγον ἄραντεσ οἱ Πτολεμαίου, καὶ Λαχάρησ ὁ τύραννοσ ἀπέδρα προέμενοσ τὴν πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 33

(플루타르코스, Demetrius, chapter 33)

상위

목록

SEARCH

MENU NAVIGATION