헬라어 문장 검색 - Πλυταρ́ΞαιυσΜά11́

(플루타르코스, Caius Marius, chapter 11)

ταχὺ μέντοι τὸν φθόνον τοῦτον καὶ τὰ μίση καὶ τὰσ διαβολὰσ ἀπεσκέδασε τοῦ Μαρίου καὶ μετέστησεν ὁ κατασχὼν τὴν Ἰταλίαν ἀπὸ τῆσ ἑσπέρασ κίνδυνοσ, ἅμα τῷ πρῶτον ἐν χρείᾳ μεγάλου στρατηγοῦ γενέσθαι καὶ περισκέψασθαι τὴν πόλιν ᾧ χρωμένη κυβερνήτῃ διαφεύξεται κλύδωνα πολέμου τοσοῦτον, οὐδενὸσ ἀνασχομένου τῶν ἀπὸ γένουσ μεγάλων ἢ πλουσίων οἴκων ἐπὶ τὰσ ὑπατικὰσ κατιόντων ἀρχαιρεσίασ, ἀλλ’ ἀπόντα τὸν Μάριον ἀναγορευσάντων. ἄρτι γάρ ἀπηγγελμένησ αὐτοῖσ τῆσ Ιοὐγούρθα συλλήψεωσ αἵ περὶ Τευτονων καὶ Κίμβρων φῆμαι προσέπιπτον, ἀπιστίαν μὲν ἐν ἀρχῇ παρασχοῦσαι πλήθουσ τε καὶ ῥώμησ τῶν ἐπερχομένων στρατῶν, ὕστερον δὲ τῆσ ἀληθείασ ὑποδεέστεραι φανεισαι.

μυριάδεσ μὲν γὰρ αἱ μάχιμοι τριάκοντα σὺν ὅπλοισ ἐχώρουν, ὄχλοι δὲ παίδων καὶ γυναικῶν ἐλέγοντο πολλῷ πλείουσ συμπεριάγεσθαι, γῆσ χρῄζοντεσ θρέψει τοσοῦτον πλῆθοσ, καὶ πόλεων ἐν αἷσ ἱδρυθέντεσ βιώσονται, καθάπερ πρὸ αὐτῶν ἐπυνθάνοντο Κελτοὺσ τῆσ Ἰταλίασ τὴν ἀρίστην κατασχεῖν Τυρρηνῶν ἀφελομένουσ. αὐτοὶ μὲν γάρ ἀμειξίᾳ, τῇ πρὸσ ἑτέρουσ, μήκει τε χώρασ ἣν ἐπῆλθον, ἠγνοοῦντο, τίνεσ ὄντεσ ἀνθρώπων ἢ πόθεν ὁρμηθέντεσ ὥσπερ νέφοσ ἐμπέσοιεν Γαλατίᾳ καὶ Ἰταλίᾳ.

καὶ μάλιστα μὲν εἰκάζοντο Γερμανικὰ γένη τῶν καθηκόντων ἐπὶ τὸν βόρειον ὠκεανὸν εἶναι τοῖσ μεγέθεσι τῶν σωμάτων καὶ τῇ χαροπότητι τῶν ὀμμάτων, καὶ ὅτι Κίμβρουσ ἐπονομάζουσι Γερμανοὶ τοὺσ λῃστάσ. εἰσὶ δὲ οἳ τὴν Κελτικὴν διὰ βάθοσ χώρασ καὶ μέγεθοσ ἀπὸ τῆσ ἔξω θαλάσσησ καὶ τῶν ὑπαρκτίων κλιμάτων πρὸσ ἥλιον ἀνίσχοντα κατὰ τὴν Μαιῶτιν ἐπιστρέφουσαν ἅπτεσθαι τῆσ Ποντικῆσ Σκυθίασ λέγουσι, κἀκεῖθεν τὰ γένη μεμεῖχθαι.

τούτουσ ἐξαναστάντασ οὐκ ἐκ μιᾶσ ὁρμῆσ οὐδὲ συνεχῶσ, ἀλλὰ ἔτουσ ὡρ́ᾳ καθ’ ἕκαστον ἐνιαυτὸν εἰσ τοὔμπροσθεν ἀεὶ χωροῦντασ πολέμῳ χρόνοισ πολλοῖσ ἐπελθεῖν τὴν ἤπειρον. διὸ καὶ πολλὰσ κατὰ μέροσ ἐπικλήσεισ ἐχόντων κοινῇ Κελτοσκύθασ τὸν στρατὸν ὠνόμαζον.

ἄλλοι δέ φασι Κιμμερίων τὸ μὲν πρῶτον ὑφ’ Ἑλλήνων τῶν πάλαι γνωσθὲν οὐ μέγα γενέσθαι τοῦ παντὸσ μόριον, ἀλλὰ φυγὴν ἢ στάσιν τινὰ βιασθεῖσαν ὑπὸ Σκυθῶν εἰσ Ἀσίαν ἀπὸ τῆσ Μαιώτιδοσ διαπερᾶσαι Λυγδάμιοσ ἡγουμένου, τὸ δὲ πλεῖστον αὐτῶν καὶ μαχιμώτατον ἐπ’ ἐσχάτοισ οἰκοῦν παρὰ τὴν ἔξω θάλασσαν γῆν μὲν νέμεσθαι σύσκιον καὶ ὑλώδη καὶ δυσήλιον πάντῃ διὰ βάθοσ καὶ πυκνότητα δρυμῶν, οὓσ μέχρι τῶν Ἑρκυνίων εἴσω διήκειν, οὐρανοῦ δὲ εἰληχέναι καθ’ ὃ δοκεῖ μέγα λαμβάνων ὁ πόλοσ ἔξαρμα διὰ τὴν ἔγκλισιν τῶν παραλλήλων ὀλίγον ἀπολείπειν τοῦ κατὰ κορυφὴν ἱσταμένου σημείου πρὸσ τὴν οἴκησιν, αἵ τε ἡμέραι βραχύτητι καὶ μήκει πρὸσ τὰσ νύκτασ ἴσαι κατανέμεσθαι τὸν χρόνον· διὸ καὶ τὴν εὐπορίαν τοῦ μυθεύματοσ Ὁμήρῳ γενέσθαι πρὸσ τὴν νεκυίαν.

ἔνθεν οὖν τὴν ἔφοδον εἶναι τῶν βαρβάρων τούτων ἐπὶ τὴν Ἰταλίαν, Κιμμερίων μὲν ἐξ ἀρχῆσ, τότε δὲ Κίμβρων οὐκ ἀπὸ τρόπου προσαγορευομένων.

ἀλλὰ ταῦτα μὲν εἰκασμῷ μᾶλλον ἢ κατὰ βέβαιον ἱστορίαν λέγεται. τὸ δὲ πλῆθοσ οὐκ ἔλαττον, ἀλλὰ πλέον εἶναι τοῦ λεχθέντοσ ὑπὸ πολλῶν ἱστόρηται.

θυμὸν δὲ καὶ τόλμαν ἀνυπόστατοι καὶ χειρῶν ἔργα παοὰ τὰσ μάχασ ὀξύτητι καὶ βίᾳ πυρὸσ ἐοικότεσ ἐπῄεσαν, οὐδενὸσ ἀντέχοντοσ αὐτῶν πρὸσ τὴν ἔφοδον, ἀλλὰ πάντων μέν, ὅσουσ ἐπῆλθον, ἐν λόγῳ λείασ ἀγομένων καὶ φερομένων, πολλῶν δὲ καὶ μεγάλων Ῥωμαϊκῶν στρατοπέδων καὶ στρατηγῶν, ὅσοι προεκάθηντο τῆσ ἐκτὸσ Ἄλπεων Γαλατίασ, ἀνηρπασμένων ἀκλεῶσ· οἳ καὶ μάλιστα τὴν φορὰν αὐτῶν κακῶσ ἀγωνισάμενοι κατὰ τῆσ Ῥώμησ ἐπεσπάσαντο.

νικήσαντεσ γὰρ οἷσ ἐνέτυχον, καὶ χρημάτων πολλῶν κρατήσαντεσ; ἔγνωσαν μηδαμοῦ γῆσ ἑαυτοὺσ ἱδρύειν, πρὶν ἀνατρέψωσι τὴν Ῥώμην καὶ διαπορθήσωσι τὴν Ἰταλίαν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 11

(플루타르코스, Caius Marius, chapter 11)

상위

목록

SEARCH

MENU NAVIGATION