헬라어 문장 검색 - Πλυταρ́ΞαιυσΜά19́

(플루타르코스, Caius Marius, chapter 19)

οἱ μὲν οὖν στρατιῶται καίπερ ἀσχάλλοντεσ ἐπείθοντο· τῆσ δὲ θεραπείασ τὸ πλῆθοσ οὔτ’ αὐτοὶ ποτὸν οὔτε ὑποζυγίοισ ἔχοντεσ ἀθρόοι κατέβαινον ἐπὶ τὸν ποταμόν, οἱ μὲν ἀξίνασ, οἱ δὲ πελέκεισ, ἔνιοι δὲ καὶ ξίφη καὶ λόγχασ ἅμα τοῖσ ὑδρίοισ ἀναλαβόντεσ, ὡσ καὶ διὰ μάχησ ὑδρευσόμενοι. τούτοισ τὸ πρῶτον ὀλίγοι προσεμάχοντο τῶν πολεμίων ἔτυχον γὰρ ἀριστῶντεσ οἱ πολλοὶ μετὰ λουτρόν, οἱ δὲ ἐλούοντο. ῥήγνυσι γὰρ αὐτόθι ναμάτων θερμῶν πηγὰσ ὁ χῶροσ·

καὶ μέροσ τι περὶ ταῦτα τοὺσ βαρβάρουσ εὐπαθοῦντασ καὶ πανηγυρίζοντασ ἡδονῇ καὶ θαύματι τοῦ τόπου κατέλαβον οἱ Ῥωμαῖοι. πρὸσ δὲ τὴν κραυγὴν πλειόνων συντρεχόντων τῷ τε Μαρίῳ χαλεπὸν ἦν ἔτι τοὺσ στρατιώτασ ἐπισχεῖν περὶ τῶν οἰκετῶν δεδιότασ, καὶ τῶν πολεμίων τὸ μαχιμώτατον μέροσ, ὑφ̓> οὗ προήττηντο Ῥωμαῖοι μετὰ Μαλλίου καὶ Καιπίωνοσ πρότερον Ἄμβρωνεσ ὠνομάζοντο καὶ πλῆθοσ ὑπὲρ τρισμυρίουσ αὐτοὶ καθ’ ἑαυτοὺσ ἦσαν, ἀναΐξαντεσ ἐπὶ τὰσ πανοπλίασ ἐχώρουν. τὰ μὲν οὖν σώματα πλησμονῇ βεβαρημένοι, τοῖσ δὲ φρονήμασι γαῦροι καὶ διακεχυμένοι πρὸσ τὸν ἄκρατον, οὐκ ἀτάκτοισ οὐδὲ μανιώδεσι φερόμενοι δρόμοισ οὐδὲ ἄναρθρον ἀλαλαγμὸν ἱέντεσ, ἀλλὰ κρούοντεσ ῥυθμῷ τὰ ὅπλα καὶ συναλλόμενοι πάντεσ ἅμα τὴν αὑτῶν ἐφθέγγοντο πολλάκισ προσηγορίαν Ἄμβρωνεσ, εἴτε ἀνακαλούμενοι σφᾶσ αὐτούσ, εἴτε τοὺσ πολεμίουσ τῇ προδηλώσει προεκφοβοῦντεσ.

τῶν δὲ Ἰταλικῶν πρῶτοι καταβαίνοντεσ ἐπ’ αὐτοὺσ Λίγυεσ, ὡσ ἤκουσαν βοώντων καὶ συνῆκαν, ἀντεφώνουν καὶ αὐτοὶ τὴν πάτριον ἐπίκλησιν αὑτῶν εἶναι σφᾶσ γὰρ αὐτοὺσ οὕτωσ κατὰ γένοσ ὀνομάζουσι Λίγυεσ.

πυκνὸν οὖν καὶ παράλληλον ἀντήχει πρὶν εἰσ χεῖρασ συνελθεῖν τὸ ἀναφώνημα· καὶ τῶν στρατῶν ἑκατέροισ ἀνὰ μέροσ συναναφθεγγομένων καὶ φιλοτιμουμένων πρῶτον ἀλλήλουσ τῷ μεγέθει τῆσ βοῆσ ὑπερβαλέσθαι, παρώξυνε καὶ διηρέθιζε τὸν θυμὸν ἡ κραυγή. τοὺσ μὲν οὖν Ἄμβρωνασ διέσπασε τὸ ῥεῖθρον οὐ γάρ ἔφθασαν εἰσ τάξιν καταστῆναι διαβάντεσ, ἀλλὰ τοῖσ πρώτοισ εὐθὺσ μετὰ δρόμου τῶν Λιγύων προσπεσόντων ἐν χερσὶν ἦν ἢ μάχη·

τοῖσ δὲ Λίγυσι τῶν Ῥωμαίων ἐπιβοηθούντων καὶ φερομένων ἄνωθεν ἐπὶ τοὺσ βαρβάρουσ βιασθέντεσ ἐτράποντο. ἐνταῦθα δὲ αἱ γυναῖκεσ ἀπαντῶσαι μετὰ ξιφῶν καὶ πελέκεων δεινὸν τετριγυῖαι καὶ περίθυμον ἠμύνοντο τοὺσ φεύγοντασ ὁμοίωσ καὶ τοὺσ διώκοντασ, τοὺσ μὲν ὡσ προδότασ, τοὺσ δὲ ὡσ πολεμίουσ, ἀναπεφυρμέναι μαχομένοισ καὶ χερσὶ γυμναῖσ τούσ τε θυρεοὺσ τῶν Ῥωμαίων ἀποσπῶσαι καὶ τῶν ξιφῶν ἐπιλαμβανόμεναι, καὶ τραύματα καὶ διακοπὰσ σωμάτων ὑπομένουσαι, μέχρι τελευτῆσ ἀήττητοι τοῖσ θυμοῖσ.

τὴν μὲν οὖν παραποτάμιον μάχην οὕτω κατὰ τύχην μᾶλλον ἢ γνώμῃ τοῦ στρατηγοῦ γενέσθαι λέγουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 19

(플루타르코스, Caius Marius, chapter 19)

상위

목록

SEARCH

MENU NAVIGATION