헬라어 문장 검색 - Πλυταρ́ΞαιυσΜά42́

(플루타르코스, Caius Marius, chapter 42)

ἀσπασάμενοσ δὲ τὸν Κίνναν καὶ τοῖσ στρατιώταισ ἐντυχὼν εὐθὺσ εἴχετο τοῦ ἔργου καὶ μεγάλην μεταβολὴν τῶν πραγμάτων ἐποίησε. πρῶτον μὲν γάρ ταῖσ ναυσὶ τὰ σιτηγὰ περικόπτων καὶ τοὺσ ἐμπόρουσ ληιζόμενοσ ἐκράτησε τῆσ ἀγορᾶσ, ἔπειτα τὰσ παραλίουσ πόλεισ ἐπιπλέων ᾕρει. ἄρασ δὲ τῷ στρατῷ πρὸσ τὴν πόλιν ἐχώρει καὶ τὸ καλούμενον Ιἀνοῦκλον ὄροσ κατέσχεν, οὐ τοσοῦτον ἀπειρίᾳ τοῦ Ὀκταβίου τὰ πράγματα βλάπτοντοσ, ὅσον ἀκριβείᾳ τῶν δικαίων προϊεμένου τὰ χρειώδη παρὰ τὸ συμφέρον, ὅσ γε πολλῶν κελευόντων αὐτὸν ἐπ’ ἐλευθερίᾳ καλεῖν τοὺσ οἰκέτασ οὐκ ἔφη δούλοισ μεταδώσειν τῆσ πατρίδοσ, ἧσ Γάϊον Μάριον εἴργει τοῖσ νόμοισ ἀμύνων.

ἐπεὶ δὲ Μέτελλοσ υἱὸσ Μετέλλου τοῦ στρατηγήσαντοσ ἐν Λιβύῃ καὶ διὰ Μάριον ἐκπεσόντοσ ἧκεν εἰσ Ῥώμην καὶ πολὺ τοῦ Ὀκταβίου στρατηγικώτεροσ ἐφαίνετο, καταλιπόντεσ οἱ στρατιῶται τὸν Ὀκτάβιον ἧκον ὡσ ἐκεῖνον ἄρχειν δεόμενοι καὶ σῴζειν τὴν πόλιν εὖ γὰρ ἀγωνιεῖσθαι καὶ κρατήσειν ἔμπειρον ἡγεμόνα καὶ δραστήριον λαβόντεσ.

ἀγανακτήσαντοσ δὲ τοῦ Μετέλλου καὶ κελεύοντοσ ἀπιέναι πρὸσ τὸν ὕπατον, ᾤχοντο πρὸσ τοὺσ πολεμίουσ, ὑπεξέστη δὲ καὶ Μέτελλοσ ἀπογνοὺσ τὴν πόλιν. Ὀκτάβιον δὲ Χαλδαῖοι καὶ θύται τινὲσ καὶ σιβυλλισταὶ πείσαντεσ ἐν Ῥώμῃ κατέσχον, ὡσ εὖ γενησομένων.

ὁ γὰρ ἀνήρ οὗτοσ δοκεῖ, τἆλλα Ῥωμαίων εὐγνωμονέστατοσ γενόμενοσ καὶ μάλιστα δὴ τὸ πρόσχημα τῆσ ὑπατείασ ἀκολάκευτον ἐπὶ τῶν πατρίων ἐθῶν καὶ νόμων ὥσπερ διαγραμμάτων ἀμεταβόλων διαφυλάξασ, ἀρρωστίᾳ τῇ περὶ ταῦτα χρήσασθαι, πλείονα συνὼν χρόνον ἀγύρταισ καὶ μάντεσιν ἢ πολιτικοῖσ καὶ πολεμικοῖσ ἀνδράσιν. οὗτοσ μὲν οὖν, πρὶν εἰσελθεῖν τὸν Μάριον, ὑπὸ τῶν προπεμφθέντων ἀπὸ τοῦ βήματοσ κατασπασθεὶσ ἐσφάττετο καὶ λέγεται διάγραμμα Χαλδαϊκὸν ἐν τοῖσ κόλποισ αὐτοῦ φονευθέντοσ εὑρεθῆναι.

καὶ τὸ πρᾶγμα πολλὴν ἀλογίαν εἶχε, τὸ δυεῖν ἡγεμόνων ἐπιφανεστάτων Μάριον μὲν ὀρθῶσαι τὸ μὴ καταφρονῆσαι μαντικῆσ, Ὀκτάβιον δὲ ἀπολέσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 42

(플루타르코스, Caius Marius, chapter 42)

상위

목록

SEARCH

MENU NAVIGATION