헬라어 문장 검색 - Πλυταρ́ΞαιυσΜά27́

(플루타르코스, Caius Marius, chapter 27)

τὸ μὲν οὖν πλεῖστον μέροσ καὶ μαχιμώτατον τῶν πολεμίων αὐτοῦ κατεκόπη· καὶ γὰρ ἦσαν ὑπὲρ τοῦ μὴ διασπᾶσθαι τὴν τάξιν οἱ πρόμαχοι μακραῖσ ἁλύσεσι πρὸσ ἀλλήλουσ συνεχόμενοι διὰ τῶν ζωστήρων ἀναδεδεμέναισ· τοὺσ δὲ φεύγοντασ ὤσαντεσ πρὸσ τὸ χαράκωμα τραγικωτάτοισ ἐνετύγχανον πάθεσιν. αἱ γὰρ γυναῖκεσ ἐπὶ τῶν ἁμαξῶν μελανείμονεσ ἐφεστῶσαι τούσ τε φεύγοντασ ἔκτεινον, αἱ μὲν ἄνδρασ, αἱ δὲ ἀδελφούσ, αἱ δὲ πατέρασ, καὶ τὰ νήπια τῶν τέκνων ἀπάγχουσαι ταῖσ χερσὶν ἐρρίπτουν ὑπὸ τοὺσ τροχοὺσ καὶ τοὺσ πόδασ τῶν ὑποζυγίων, αὑτὰσ δὲ ἀπέσφαττον.

μίαν δέ φασιν ἓξ ἄκρου ῥυμοῦ κρεμαμένην τὰ παιδία τῶν αὑτῆσ σφυρῶν ἀφημμένα βρόχοισ ἐκατέρωθεν ἠρτῆσθαι· τοὺσ δὲ ἄνδρασ ἀπορίᾳ δένδρων τοῖσ κέρασι τῶν βοῶν, τοὺσ δὲ τοῖσ σκέλεσι προσδεῖν τοὺσ αὑτῶν τραχήλουσ, εἶτα κέντρα προσφέροντασ ἐξαλλομένων τῶν βοῶν ἐφελκομένουσ καὶ πατουμένουσ ἀπόλλυσθαι.

πλὴν καίπερ οὕτωσ αὑτῶν διαφθαρέντων, ἑάλωσαν ὑπὲρ ἓξ μυριάδασ· αἱ δὲ τῶν πεσόντων ἐλέγοντο δὶσ τοσαῦται γενέσθαι. τὰ μὲν οὖν χρήματα διήρπασαν οἱ Μαρίου στρατιῶται, τὰ δὲ λάφυρα καὶ τὰσ σημαίασ καὶ τὰσ σάλπιγγασ εἰσ τὸ Κάτλου στρατόπεδον ἀνενεχθῆναι λέγουσιν·

ᾧ καὶ μάλιστα τεκμηρίῳ χρῆσθαι τὸν Κάτλον ὡσ κατ’ αὐτὸν ἡ νίκη γένοιτο, καὶ μέντοι καὶ τοῖσ στρατιώταισ, ὡσ ἐοίκεν, ἐμπεσούσησ ἔριδοσ, ᾑρέθησαν οἱο͂ν διαιτηταὶ πρέσβεισ Παρμητῶν παρόντεσ, οὓσ οἱ Κάτλου διὰ τῶν πολεμίων νεκρῶν ἄγοντεσ ἐπεδείκνυντο τοῖσ ἑαυτῶν ὑσσοῖσ διαπεπαρμένουσ· γνώριμοι δ̓ ἦσαν ὑπὸ γραμμάτων, τοὔνομα τοῦ Κάτλου παρὰ τὸ ξύλον αὑτῶν ἐγχαράξαντοσ. οὐ μὴν ἀλλὰ τῷ Μαρίῳ προσετίθετο σύμπαν τὸ ἔργον ἥ τε προτέρα νίκη καὶ τὸ πρόσχημα τῆσ ἀρχῆσ, μάλιστα δὲ οἱ πολλοὶ κτίστην τε Ῥώμησ τρίτον ἐκεῖνον ἀνηγόρευον, ὡσ οὐχ ἥττονα τοῦ Κελτικοῦ τοῦτον ἀπεωσμένον τὸν κίνδυνον, εὐθυμούμενοί τε μετὰ παίδων καὶ γυναικῶν ἕκαστοι κατ’ οἶκον ἅμα τοῖσ θεοῖσ καὶ Μαρίῳ δείπνου καὶ λοιβῆσ ἀπήρχοντο, καὶ θριαμβεύειν μόνον ἠξίουν ἀμφοτέρουσ τοὺσ θριάμβουσ.

οὐ μὴν ἐθριάμβευσεν οὕτωσ, ἀλλὰ μετὰ τοῦ Κάτλου, μέτριον ἐπὶ τηλικαύταισ εὐτυχίαισ βουλόμενοσ παρέχειν ἑαυτόν·

ἔστι δὲ ὅ τι καὶ τοὺσ στρατιώτασ φοβηθείσ παρατεταγμένουσ, εἰ Κάτλοσ ἀπείργοιτο τῆσ τιμῆσ, μηδὲ ἐκεῖνον ἐᾶν θριαμβεύειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 27

(플루타르코스, Caius Marius, chapter 27)

상위

목록

SEARCH

MENU NAVIGATION