Plutarch, Caius Marius, chapter 35

(플루타르코스, Caius Marius, chapter 35)

ταῦτα τὴν πόλιν ἐκ πολλῶν χρόνων ὕπουλον γεγενημένην καὶ νοσοῦσαν ἀνέρρηξεν, εὐφυέστατον εὑρόντοσ ὄργανον Μαρίου πρὸσ τὸν κοινὸν ὄλεθρον τὸ Σουλπικίου θράσοσ, ὃσ διὰ τἆλλα πάντα θαυμάζων καὶ ζηλῶν τὸν Σατορνῖνον ἀτολμίαν ἐπεκάλει τοῖσ πολιτεύμασιν αὑτὸν καὶ μέλλησιν. αὐτὸσ δὲ μὴ μέλλων ἑξακοσίουσ μὲν εἶχε περὶ αὑτὸν τῶν ἱππικῶν οἱο͂ν δορυφόρουσ, καὶ τούτουσ ἀντισύγκλητον ὠνόμαζεν, ἐπελθὼν δὲ μεθ’ ὅπλων ἐκκλησιάζουσι τοῖσ ὑπάτοισ τοῦ μὲν ἑτέρου φυγόντοσ ἐξ ἀγορᾶσ τὸν υἱὸν ἐγκαταλαβὼν ἀπέσφαξε, Σύλλασ δὲ παρὰ τὴν οἰκίαν τοῦ Μαρίου διωκόμενοσ, οὐδενὸσ ἂν προσδοκήσαντοσ, εἰσέπεσε·

καὶ τοὺσ μὲν διώκοντασ ἔλαθε δρόμῳ παρενεχθέντασ, ὑπ’ αὐτοῦ δὲ Μαρίου λέγεται κατὰ θύρασ ἑτέρασ ἀσφαλῶσ ἀποπεμφθεὶσ διεκπεσεῖν εἴσ τὸ στρατόπεδον. αὐτὸσ δὲ Σύλλασ ἐν τοῖσ ὑπομνήμασιν οὔ φησι καταφυγεῖν πρὸσ τὸν Μάριον, ἀλλ’ ἀπαλλαχθῆναι βουλευσόμενοσ ὑπὲρ ὧν Σουλπίκιοσ ἠνάγκαζεν αὑτὸν ἄκοντα ψηφίσασθαι, περισχὼν ἐν κύκλῳ ξίφεσι γυμνοῖσ καὶ συνελάσασ πρὸσ τὸν Μάριον, ἄχρι οὗ προελθὼν ἐκεῖθεν εἴσ ἀγοράν, ὡσ ἠξίουν ἐκεῖνοι, τὰσ ἀπραξίασ ἔλυσε.

γενομένων δὲ τούτων ὅ τε Σουλπίκιοσ ἤδη κρατῶν ἐπεχειροτόνησε τε Μαρίῳ τὴν στρατηγίαν, ὅ τε Μάριοσ ἐν παρασκευῇ τῆσ ἐξόδου καθειστήκει, καὶ δύο χιλιάρχουσ ἐξέπεμψε παραληψομένουσ τὸ Σύλλα στράτευμα.

Σύλλασ δὲ τοὺσ στρατιώτασ παροξύνασ ἦσαν δὲ τρισμυρίων καὶ πεντακισχιλίων οὐ μείουσ ὁπλῖται προήγαγεν ἐπὶ τὴν Ῥώμην. τοὺσ δὲ χιλιάρχουσ, οὓσ ἐπέπεμψε Μάριοσ, προσπεσόντεσ οἱ στρατιῶται διέφθειραν. πολλοὺσ δὲ καὶ Μάριοσ ἐν Ῥώμῃ τῶν Σύλλα φίλων ἀνῃρήκει, καὶ δούλοισ ἐλευθερίαν ἐκήρυττεν ἐπὶ συμμαχίᾳ·

λέγονται δὲ τρεῖσ μόνοι προσγενέσθαι. μικρὰ δ̓· ἀντιστὰσ εἰσελάσαντι τῷ Σύλλᾳ καὶ ταχέωσ ἐκβιασθεὶσ ἔφυγε. τῶν δὲ περὶ αὐτόν, ὡσ πρῶτον ἐξέπεσε τῆσ πόλεωσ, διασπαρέντων, σκότουσ ὄντοσ εἴσ τι τῶν ἐπαυλίων αὑτοῦ Σολώνιον κατέφυγε, καὶ τὸν μὲν υἱὸν ἔπεμψεν ἐκ τῶν Μουκίου τοῦ πενθεροῦ χωρίων οὐ μακρὰν ὄντων τὰ ἐπιτήδεια ληψόμενον, αὐτὸσ δὲ καταβὰσ εἴσ Ὠστίαν, φίλου τινὸσ Νουμερίου πλοῖον αὐτῷ παρασκευάσαντοσ, οὐκ ἀναμείνασ τὸν υἱόν, ἀλλὰ Γράνιον ἔχων μεθ’ αὑτοῦ τὸν πρόγονον ἐξέπλευσεν. ὁ δὲ νεανίασ, ὡσ ἦλθεν εἴσ τὰ χωρία τοῦ Μουκίου, λαμβάνων τι καὶ σκευαζόμενοσ ἡμέρασ καταλαβούσησ οὐ παντάπασι τοὺσ πολεμίουσ ἔλαθεν, ἀλλ’ ἦλθον ἱππεῖσ ἐλαύνοντεσ καθ’ ὑπόνοιαν ἐπὶ τὸν τόπον οὓσ ὁ τῶν ἀγρῶν ἐπιμελητὴσ προϊδόμενοσ ἔκρυψε τὸν Μάριον ἐν ἁμάξῃ κυάμουσ ἀγούσῃ, καὶ βοῦσ ὑποζεύξασ ἀπήντα τοῖσ ἱππεῦσιν εἴσ πόλιν ἐλαύνων τὴν ἅμαξαν.

οὕτω δὲ πρὸσ τὴν οἰκίαν τῆσ γυναικὸσ ὁ Μάριοσ διακομισθεὶσ καὶ λαβὼν ὅσων ἐδεῖτο νυκτὸσ ἐπὶ θάλασσαν ἧκε καὶ νεὼσ ἐπιβὰσ εἴσ Λιβύην πλεούσησ ἀπεπέρασεν.

일치하는 문장이 없습니다.

SEARCH

MENU NAVIGATION