헬라어 문장 검색 - Πλυταρ́ΞαιυσΜά38́

(플루타르코스, Caius Marius, chapter 38)

χρόνου δὲ οὐ πολλοῦ διαγενομένου ψόφοσ αὐτῷ καὶ θόρυβοσ ἀπὸ τῆσ καλύβησ προσέπεσεν. ὁ γὰρ Γεμίνιοσ· ἐκ Ταρρακίνησ ἔπεμψε πολλοὺσ ἐπὶ τὴν δίωξιν, ὧν ἔνιοι κατὰ τύχην ἐκεῖ προσελθόντεσ ἐξεφόβουν καὶ κατεβόων τοῦ γέροντοσ ὡσ ὑποδεδεγμένου καὶ κατακρυβόντοσ πολέμιον Ῥωμαίων. ἐξαναστὰσ οὖν ὁ Μάριοσ καὶ ἀποδυσάμενοσ καθῆκεν ἑαυτὸν εἰσ τὴν λίμνην ὕδωρ παχὺ καὶ τελματῶδεσ ἔχουσαν.

ὅθεν οὐ διέλαθε τοὺσ ζητοῦντασ, ἀλλ’ ἀνασπασθεὶσ βορβόρου κατάπλεωσ γυμνὸσ εἰσ Μιντούρνασ ἀνήχθη καὶ παρεδόθη τοῖσ ἄρχουσιν. ἦν γάρ εἰσ ἅπασαν ἤδη πόλιν ἐξενηνεγμένον παράγγελμα περὶ τοῦ Μαρίου δημοσίᾳ διώκειν καὶ κτείνειν τοὺσ λαβόντασ. ὅμωσ δὲ βουλεύσασθαι πρότερον ἐδόκει τοῖσ ἄρχουσι καὶ κατατίθενται τὸν Μάριον εἰσ οἰκίαν Φαννίασ γυναικὸσ οὐκ εὐμενῶσ δοκούσησ ἔχειν πρὸσ αὑτὸν ἐξ αἰτίασ παλαιᾶσ.

ἦν γὰρ ἀνήρ τῇ Φαννίᾳ Τιτίννιοσ· τούτου διαστᾶσα τὴν φερνὴν ἀπῄτει λαμπρὰν οὖσαν. ὁ δὲ μοιχείαν ἐνεκάλει· ἐπεὶ δὲ τῆσ δίκησ λεγομένησ ἐφαίνετο καὶ τὴν Φαννίαν ἀκόλαστον γεγονέναι καὶ τὸν ἄνδρα τοιαύτην εἰδότα λαβεῖν καὶ συμβιῶσαι πολὺν χρόνον, ἀμφοτέρουσ δυσχεράνασ τὸν μὲν ἄνδρα τὴν φερνὴν ἐκέλευσεν ἀποδοῦναι, τῆσ δὲ γυναικὸσ ἀτιμίασ ἕνεκα τῇ καταδίκῃ χαλκοῦσ τέσσαρασ προσετίμησεν.

οὐ μὴν ἥ γε Φαννίᾳ τότε πάθοσ γυναικὸσ ἠδικημένησ ἔλαβεν, ἀλλ’ ὡσ εἶδε τὸν Μάριον, πορρωτάτω γενομένη τοῦ μνησικακεῖν, ἐκ τῶν παρόντων ἐπεμελεῖτο καὶ παρεθάρρυνεν αὐτόν, ὁ δὲ κἀκείνην ἐπῄνει καὶ θαρρεῖν ἔφασκε·

σημεῖον γάρ αὐτῷ γεγονέναι χρηστόν. ἦν δὲ τοιοῦτον. ὡσ ἀγόμενοσ πρὸσ τῇ οἰκίᾳ τῆσ Φαννίασ ἐγεγόνει, τῶν θυρῶν ἀνοιχθεισῶν ὄνοσ ἔνδοθεν ἐχώρει δρόμῳ, πιόμενοσ ἀπὸ κρήνησ ἐγγὺσ ἀπορρεούσησ· προσβλέψασ δὲ τῷ Μαρίῳ λαμυρόν τι καὶ γεγηθὸσ ἔστη πρῶτον ἐναντίον, εἶτα φωνὴν ἀφῆκε λαμπρὰν καὶ παρεσκίρτησε παρ’ αὑτὸν ὑπὸ γαυρότητοσ.

ἐξ οὗ συμβαλὼν ὁ Μάριοσ ἔφασκεν ὡσ διὰ θαλάσσησ αὐτῷ μᾶλλον ἢ διὰ γῆσ ὑποδείκνυσι σωτηρίαν τὸ δαιμόνιον τὸν γάρ ὄνον οὐ προσέχοντα τῇ ξηρᾷ τροφῇ πρὸσ τὸ ὕδωρ ἀπ’ αὐτοῦ τραπέσθαι. ταῦτα διαλεχθεὶσ τῇ Φαννίᾳ καθ’ αὑτὸν ἀνεπαύετο, τὴν θύραν τοῦ δωματίου προσθεῖναι κελεύσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 38

(플루타르코스, Caius Marius, chapter 38)

상위

목록

SEARCH

MENU NAVIGATION