Plutarch, Caius Marius, chapter 40

(플루타르코스, Caius Marius, chapter 40)

τοιαύτῃ προθυμίᾳ ταχὺ πάντων συμπορισθέντων καὶ Βηλαίου τινὸσ ναῦν τῷ Μαρίῳ παρασχόντοσ, ὃσ ὕστερον πίνακα τῶν πράξεων ἐκείνων γραψάμενοσ ἀνέθηκεν εἰσ τὸ ἱερὸν ὅθεν ἐμβὰσ ὁ Μάριοσ ἀνήχθη, τῷ πνεύματι φέροντι χρώμενοσ ἐφέρετό πωσ κατὰ τύχην πρὸσ Αἰναρίαν τὴν νῆσον, ὅπου τὸν Γράνιον καὶ τοὺσ ἄλλουσ φίλουσ εὑρών ἔπλει μετ’ αὐτῶν ἐπὶ Λιβύησ, ὕδατοσ δὲ ἐπιλιπόντοσ αὐτοὺσ ἀναγκαίωσ Σικελίᾳ κατὰ τὴν Ἐρυκίνην προσέσχον. ἔτυχε δὲ περὶ τοὺσ τόπουσ ἐκείνουσ ὁ Ῥωμαίων ταμίασ παραφυλάσσων, καὶ μικροῦ μὲν αὐτὸν ἀποβάντα τὸν Μάριον εἷλεν, ἀπέκτεινε δὲ περὶ ἑκκαίδεκα τῶν ὑδρευομένων.

Μάριοσ δὲ κατὰ σπουδὴν ἀναχθεὶσ καὶ διαπεράσασ τὸ πέλαγοσ πρὸσ Μήνιγγα τὴν νῆσον, ἐνταῦθα διαπυνθάνεται πρῶτον ὡσ ὁ παῖσ αὐτοῦ διασέσῳσται μετὰ Κεθήγου καὶ πορεύονται πρὸσ τὸν βασιλέα τῶν Νομάδων Ιἄμψαν, δεησόμενοι βοηθεῖν. ἐφ’ οἷσ μικρὸν ἀναπνεύσασ ἐθάρρησεν ἀπὸ τῆσ νήσου πρὸσ τὴν Καρχηδονίαν προσβαλεῖν·

ἐστρατήγει δὲ τῆσ Λιβύησ τότε Σεξτίλιοσ, ἀνήρ Ῥωμαῖοσ, οὔτε φαῦλον οὐθὲν οὔτε χρηστὸν ἐκ Μαρίου προειληφώσ, ἀλλ’ ὅσον ἀπ’ οἴκτου τι προσδοκώμενοσ ὠφελήσειν. "ἀπαγορεύει σοι Σεξτίλιοσ ὁ στρατηγόσ, ὦ Μάριε, Λιβύησ ἐπιβαίνειν· "εἰ δὲ μή, φησὶν ἀμυνεῖν τοῖσ τῆσ βουλῆσ δόγμασιν, ὡσ Ῥωμαίων πολεμίῳ χρώμενοσ. οὐ κακῶσ ἅμα τήν τε τῆσ πόλεωσ ἐκείνησ τύχην καὶ τὴν ἑαυτοῦ μεταβολὴν ἐν παραδείγματοσ λόγῳ θέμενοσ.

ἐν τούτῳ δὲ Ιἄμψασ ὁ βασιλεὺσ τῶν Νομάδων ἐπαμφοτερίζων τοῖσ λογισμοῖσ ἐν τιμῇ μὲν ἦγε τοὺσ περὶ τὸν νέον Μάριον, ἀπιέναι δὲ βουλομένουσ ἔκ τινοσ ἀεὶ προφάσεωσ κατεῖχε, καὶ δῆλοσ ἦν ἐπ’ οὐδενὶ χρηστῷ ποιούμενοσ τὴν ἀναβολήν.

οὐ μὴν ἀλλὰ συμβαίνει τι τῶν εἰκότων αὐτοῖσ πρὸσ σωτηρίαν. ὁ γάρ νέοσ Μάριοσ εὐπρεπὴσ ὢν τὴν ὄψιν ἠνία τινὰ τῶν παλλακίδων τοῦ βασιλέωσ παρ’ ἀξίαν πράττων· ὁ δὲ οἶκτοσ οὗτοσ ἀρχὴ καὶ πρόφασισ ἦν ἔρωτοσ, τὸ μὲν οὖν πρῶτον ἀπετρίβετο τὴν ἄνθρωπον· ὡσ δὲ οὔτε φυγῆσ ἑτέραν ὁδὸν ἑώρα καὶ τὰ παρ’ ἐκείνησ σπουδαιότερον ἢ πρὸσ ἡδονὴν ἀκόλαστον διεπράττετο, δεξάμενοσ τὴν φιλοφροσύνην καὶ συνεκπεμφθεὶσ ὑπ’ αὐτῆσ ἀπέδρα μετὰ τῶν φίλων καὶ διέφυγε πρὸσ τὸν Μάριον.

ἐπεὶ δὲ ἀλλήλουσ ἠσπάσαντο, πορευόμενοι παρὰ τὴν θάλασσαν ἐντυγχάνουσι σκορπίοισ μαχομένοισ· καὶ τὸ σημεῖον ἐφάνη τῷ Μαρίῳ πονηρόν. εὐθὺσ οὖν ἁλιάδοσ ἐπιβάντεσ εἰσ Κέρκιναν διεπέρων, νῆσον ἀπέχουσαν οὐ πολὺ τῆσ ἠπείρου·

καὶ τοσοῦτον ἔφθασαν ὅσον ἀνηγμένων αὐτῶν ἱππεῖσ ὁρᾶσθαι παρὰ τοῦ βασιλέωσ ἐλαύνοντασ ἐπὶ τὸν τόπον ὅθεν ἀνήχθησαν. τοῦτον οὐδενὸσ ἐλάττονα κίνδυνον ἔδοξεν ἐκφυγεῖν ὁ Μάριοσ.

일치하는 문장이 없습니다.

SEARCH

MENU NAVIGATION