헬라어 문장 검색 - Πλυταρ́ΞαιυσΜά43́

(플루타르코스, Caius Marius, chapter 43)

οὕτω δὴ τῶν πραγμάτων ἐχόντων ἡ βουλὴ συνελθοῦσα πρέσβεισ ἐξέπεμψε πρὸσ Κίνναν καὶ Μάριον, εἰσιέναι καὶ φείδεσθαι δεομένη τῶν πολιτῶν. Κίννασ μὲν οὖν ὡσ ὕπατοσ ἐπὶ τοῦ δίφρου καθήμενοσ ἐχρημάτιζε καὶ φιλανθρώπουσ ἀποκρίσεισ ἔδωκε τοῖσ πρέσβεσι, Μάριοσ δὲ τῷ δίφρῳ παρειστήκει φθεγγόμενοσ μὲν οὐδέν, ὑποδηλῶν δὲ ἀεὶ τῇ βαρύτητι τοῦ προσώπου καὶ τῇ στυγνότητι τοῦ βλέμματοσ ὡσ εὐθὺσ ἐμπλήσων φόνων τὴν πόλιν. ἐπεὶ δὲ ἀναστάντεσ ἐβάδιζον, Κίννασ μὲν εἰσῄει δορυφορούμενοσ, Μάριοσ δὲ παρὰ ταῖσ πύλαισ ὑποστὰσ εἰρωνεύετο πρὸσ ὀργήν, φυγὰσ εἶναι λέγων καὶ τῆσ πατρίδοσ εἴργεσθαι κατὰ τὸν νόμον, εἰ δὲ χρῄζοι τισ αὐτοῦ παρόντοσ, ἑτέρᾳ ψήφῳ λυτέον εἶναι τὴν ἐκβάλλουσαν, ὡσ δὴ νόμιμόσ τισ ὢν ἀνήρ καὶ κατιὼν εἰσ πόλιν ἐλευθέραν·

ἐκαλει δὴ τὸ πλῆθοσ εἰσ ἀγορὰν καὶ πρὸ τοῦ τρεῖσ ἢ τέτταρασ φυλὰσ ἐνεγκεῖν τὴν ψῆφον ἀφεὶσ τὸ πλάσμα καὶ τὴν φυγαδικὴν ἐκείνην δικαιολογίαν κατῄει, δορυφόρουσ ἔχων λογάδασ ἐκ τῶν προσπεφοιτηκότων δούλων, οὓσ Βαρδυαίουσ προσηγόρευσεν.

οὗτοι πολλοὺσ μὲν ἀπὸ φωνῆσ, πολλοὺσ δὲ ἀπὸ νεύματοσ ἀνῄρουν προστάσσοντοσ αὐτοῦ· καὶ τέλοσ Ἀγχάριον, ἄνδρα βουλευτὴν καὶ στρατηγικόν, ἐντυγχάνοντα τῷ Μαρίῳ καὶ μὴ προσαγορευθέντα καταβάλλουσιν ἔμπροσθεν αὐτοῦ ταῖσ μαχαίραισ τύπτοντεσ. ἐκ δὲ τούτου καὶ τῶν ἄλλων ὅσουσ ἀσπασαμένουσ μὴ προσαγορεύσειε μηδὲ ἀντασπάσαιτο, τοῦτο αὐτὸ σύμβολον ἦν ἀποσφάττειν εὐθὺσ ἐν ταῖσ ὁδοῖσ, ὥστε καὶ τῶν φίλων ἕκαστον ἀγωνίασ μεστὸν εἶναι καὶ φρίκησ ὁσάκισ ἀσπασόμενοι τῷ Μαρίῳ πελάζοιεν·

κτεινομένων δὲ πολλῶν Κίννασ μὲν ἀμβλὺσ ἦν καὶ μεστὸσ ἤδη τοῦ φονεύειν, Μάριοσ δὲ καθ’ ἑκάστην ἡμέραν ἀκμάζοντι τῷ θυμῷ καὶ διψῶντι διὰ πάντων ἐχώρει τῶν ὁπωσοῦν ἐν ὑποψίᾳ γεγονότων, καὶ πᾶσα μὲν ὁδόσ, πᾶσα δὲ πόλισ τῶν διωκόντων καὶ κυνηγετούντων τοὺσ ὑποφεύγοντασ καὶ κεκρυμμένουσ ἔγεμεν. ἠλέγχετο δὲ καὶ ξενίασ καὶ φιλίασ πίστισ οὐδὲν ἔχουσα παρὰ τὰσ τύχασ βέβαιον·

ὀλίγοι γάρ ἐγένοντο παντάπασιν οἱ μὴ προδόντεσ αὐτοῖσ τοὺσ παρὰ σφᾶσ καταφυγόντασ. ἄξιον οὖν ἄγασθαι καὶ θαυμάσαι τοὺσ τοῦ Κορνούτου θεράποντασ οἳ, οἱ τὸν δεσπότην ἀποκρύψαντεσ οἴκοι, νεκρὸν δέ τινα τῶν πολλῶν ἀναρτήσαντεσ ἐκ τοῦ τραχήλου καὶ περιθέντεσ αὐτῷ χρυσοῦν δακτύλιον ἐπεδείκνυον τοῖσ Μαρίου δορυφόροισ καὶ κοσμήσαντεσ ὡσ ἐκεῖνον αὐτὸν ἔθαπτον.

ὑπενόησε δὲ οὐδείσ, ἀλλ’ οὕτω λαθὼν ὁ Κορνοῦτοσ ὑπὸ τῶν οἰκετῶν εἰσ Γαλατίαν διεκομίσθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 43

(플루타르코스, Caius Marius, chapter 43)

상위

목록

SEARCH

MENU NAVIGATION