헬라어 문장 검색 - Πλυταρ́ΞαιυσΜά44́

(플루타르코스, Caius Marius, chapter 44)

χρηστῷ δὲ καὶ Μᾶρκοσ Ἀντώνιοσ ὁ ῥήτωρ φίλῳ χρησάμενοσ ἠτύχησεν. ὁ γάρ ἄνθρωποσ ἦν μὲν πένησ καὶ δημοτικόσ, ὑποδεξάμενοσ δὲ πρῶτον ἄνδρα Ῥωμαίων καὶ φιλοφρονούμενοσ ἐκ τῶν παρόντων, οἰκέτην ἔπεμψε πρόσ τινα τῶν ἐγγὺσ καπήλων ληψόμενον οἶνον. ἁπλῶσ δέ πωσ ἐκείνου φράσαντοσ ὡσ πρὸσ συνήθη καὶ γνώριμον, ὅτι Μᾶρκον Ἀντώνιον ὁ δεσπότησ ἑστιᾷ παρ’ αὐτῷ κρυπτόμενον, ἀσεβὴσ καὶ μιαρὸσ ὢν ὁ κάπηλοσ ἅμα τῷ τὸν οἰκέτην ἀπελθεῖν αὐτὸσ συνέτεινε πρὸσ Μάριον ἤδη περὶ δεῖπνον ὄντα, καὶ προσαχθεὶσ ὡμολόγησε παραδώσειν αὐτῷ τὸν Ἀντώνιον.

ἀκούσασ οὖν ἐκεῖνοσ ἐκκραγεῖν λέγεται μέγα καὶ ταῖσ χερσὶν ὑφ’·

ἡδονῆσ ἀνακροτῆσαι· καὶ μικροῦ μὲν ἐδέησεν ἐξαναστὰσ αὐτὸσ ἐπὶ τὸν τόπον φέρεσθαι, τῶν δὲ φίλων κατασχόντων Ἄννιον ἔπεμπε καὶ στρατιώτασ μετ’ αὐτοῦ κελεύσασ κατὰ τάχοσ τὴν κεφαλὴν τοῦ Ἀντωνίου κομίζειν. ὡσ οὖν ἧκον ἐπὶ τὴν οἰκίαν, ὁ μὲν Ἄννιοσ ὑπέστη παρὰ τὰσ θύρασ, οἱ δὲ στρατιῶται διὰ κλιμάκων ἀναβάντεσ εἰσ τὸ δωμάτιον καὶ θεασάμενοι τὸν Ἀντώνιον ἄλλοσ ἄλλον ἐπὶ τὴν σφαγὴν ἀνθ’ ἑαυτοῦ παρεκάλει καὶ προὐβάλλετο. τοιαύτη δὲ τισ ἦν, ὡσ ἐοίκε, τοῦ ἀνδρὸσ ἡ τῶν λόγων σειρὴν καὶ χάρισ, ὥστε ἀρξαμένου λέγειν καὶ παραιτεῖσθαι τὸν θάνατον ἅψασθαι μὲν οὐδεὶσ ἐτόλμησεν οὐδὲ ἀντιβλέψαι, κάτω δὲ κύψαντεσ ἐδάκρυον ἅπαντεσ, διατριβῆσ δὲ γενομένησ ἀναβὰσ ὁ Ἄννιοσ ὁρᾷ τὸν μὲν Ἀντώνιον διαλεγόμενον, τοὺσ δὲ στρατιώτασ ἐκπεπληγμένουσ καὶ κατακεκηλημένουσ ὑπ’ αὐτοῦ·

κακίσασ οὖν ἐκείνουσ καὶ προσδραμὼν αὐτὸσ ἀποτέμνει τὴν κεφαλήν. κατακλεισάμενοσ εἰσ οἴκημα καὶ πολλοὺσ ἄνθρακασ ἐκζωπυρήσασ ἀπεπνίγη.

ῥιπτουμένων δὲ τῶν σωμάτων ἀκεφάλων καὶ πατουμένων ἐν ταῖσ ὁδοῖσ ἔλεοσ οὐκ ἦν, ἀλλὰ φρίκη καὶ τρόμοσ ἁπάντων πρὸσ τὴν ὄψιν.

ἠνία δὲ μάλιστα τὸν δῆμον ἡ τῶν καλουμένων Βαρδυαίων ἀσέλγεια, τοὺσ γάρ δεσπότασ ἐν ταῖσ οἰκίαισ σφάττοντεσ ᾔσχυνον μὲν αὐτῶν παῖδασ, ἐμείγνυντο δὲ βίᾳ ταῖσ δεσποίναισ, ἀκατάσχετοι δὲ ἦσαν ἁρπάζοντεσ καὶ μιαιφονοῦντεσ, ἑώσ οἱ περὶ Κίνναν καὶ Σερτώριον συμφρονήσαντεσ ἐπέθεντο κοιμωμένοισ αὐτοῖσ ἐν τῷ στρατοπέδῳ καὶ κατηκόντισαν ἅπαντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 44

(플루타르코스, Caius Marius, chapter 44)

상위

목록

SEARCH

MENU NAVIGATION