헬라어 문장 검색 - Πλυταρ́ΞαιυσΜά04́

(플루타르코스, Caius Marius, chapter 4)

τὸν δ̓ οὖν Μάριον ὑπὸ ταύτησ λέγεται μάλιστα τῆσ φωνῆσ, ὥσπερ ὑπὸ θείασ κληδόνοσ, ἐπαρθέντα ταῖσ ἐλπίσιν ὁρμῆσαι πρὸσ τὴν πολιτείαν, καὶ τυχεῖν δημαρχίασ Κεκιλίου Μετέλλου σπουδάσαντοσ, οὗ τὸν οἶκον ἐξ ἀρχῆσ καὶ πατρόθεν ἐθεράπευεν. ἐν δὲ τῇ δημαρχίᾳ νόμον τινὰ περὶ ψηφοφορίασ γράφοντοσ αὐτοῦ δοκοῦντα τῶν δυνατῶν ἀφαιρεῖσθαι τὴν περὶ τὰσ κρίσεισ ἰσχύν, ἐνιστάμενοσ Κόττασ ὁ ὕπατοσ συνέπεισε τὴν βουλὴν τῷ μὲν νόμῳ μάχεσθαι, τὸν δὲ Μάριον καλεῖν λόγον ὑφέξοντα.

καὶ τοῦ δόγματοσ τούτου γραφέντοσ εἰσελθὼν ἐκεῖνοσ οὐκ ἔπαθε νέου πάθοσ ἀπὸ μηδενὸσ λαμπροῦ προεληλυθότοσ ἄρτι πρὸσ τὴν πολιτείαν, ἀλλ’ ἑαυτῷ διδοὺσ ἤδη φρονεῖν ἡλίκον αἱ μετέπειτα πράξεισ ἔδωκαν, ἠπείλησε τὸν Κότταν ἀπάξειν εἰσ τὸ δεσμωτήριον, εἰ μὴ διαγράψειε τὸ δόγμα, τοῦ δὲ πρὸσ Μέτελλον τραπομένου καὶ γνώμην ἐρωτῶντοσ, Μέτελλοσ μὲν ἀναστὰσ συνηγόρει τῷ ὑπάτῳ, Μάριοσ δὲ τὸν ὑπηρέτην μεταπεμψάμενοσ ἔξωθεν ἐκέλευεν ἀπάγειν αὐτὸν τὸν Μέτελλον εἰσ τὸ δεσμωτήριον. ἐκείνου δὲ τοὺσ ἄλλουσ ἐπικαλουμένου δημάρχουσ ἐβοήθει μὲν οὐδείσ, ἡ δὲ σύγκλητοσ εἴξασα προήκατο τὸ δόγμα, καὶ λαμπρὸσ ἐξελάσασ ὁ Μάριοσ εἰσ τὸ πλῆθοσ ἐκύρωσε τὸν νόμον, δόξασ ἄκαμπτοσ μὲν εἶναι πρὸσ φόβον, ἄτρεπτοσ δὲ ὑπ’·

αἰδοῦσ, δεινὸσ δὲ κατὰ τῆσ βουλῆσ ἀνίστασθαι χάριτι τῶν πολλῶν δημαγωγῶν, οὐ μὴν ἀλλὰ ταύτην μὲν ταχέωσ μετέστησεν ἑτέρῳ πολιτεύματι τὴν δόξαν. νόμου γάρ εἰσφερομένου περὶ σίτου διανομῆσ τοῖσ πολίταισ ἐναντιωθεὶσ ἐρρωμενέστατα καὶ κρατήσασ, εἰσ τὸ ἴσον ἑαυτὸν κατέστησε τῇ τιμῇ πρὸσ ἀμφοτέρουσ ὡσ μηδετέροισ παρὰ τὸ συμφέρον χαριζόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 4

(플루타르코스, Caius Marius, chapter 4)

상위

목록

SEARCH

MENU NAVIGATION