헬라어 문장 검색 - Πλυταρ́ΞαιυσΜά12́

(플루타르코스, Caius Marius, chapter 12)

ταῦτα Ῥωμαῖοι πυνθανόμενοι πολλαχόθεν, ἐκάλουν Μάριον ἐπὶ τὴν στρατηγίαν. καὶ τὸ δεύτερον ὕπατοσ ἀπεδείχθη, τοῦ μὲν νόμου κωλύοντοσ ἀπόντα καὶ μὴ διαλιπόντα χρόνον ὡρισμένον αὖθισ αἱρεῖσθαι, τοῦ δὲ δήμου τοὺσ ἀντιλέγοντασ ἐκβαλόντοσ. ἡγοῦντο γὰρ οὔτε νῦν πρῶτον εἴξειν τῷ συμφέροντι τὸν νόμον, οὔτε ἀλογωτέραν εἶναι τὴν παροῦσαν αἰτίαν ἐκείνησ δι’ ἣν τὸν Σκιπίωνα παρὰ τοὺσ νόμουσ ὕπατον ἀπέδειξαν, οὐ φοβούμενοι τὴν ἑαυτῶν ἀποβαλεῖν, ἀλλὰ τὴν Καρχηδονίων ἐπιθυμοῦντεσ ἀνελεῖν. ταῦτα ἔδοξε·

καὶ Μάριοσ ἐκ Λιβύησ μετὰ τοῦ στρατεύματοσ διακομισθεὶσ αὐταῖσ Καλάνδαισ Ιἀνουαρίαισ, ἣν ἔτουσ ἀρχὴν ἄγουσι Ῥωμαῖοι, τήν τε ὑπατείαν ἀνέλαβε καὶ τὸν θρίαμβον εἰσήλασεν, ἄπιστον ἐπιδειξάμενοσ θέαμα Ῥωμαίοισ Ιοὐγούρθαν αἰχμάλωτον, οὗ ζῶντοσ οὐδ’ ἂν εἷσ ἤλπισε πολεμίων κρατῆσαι οὕτω τισ ἦν ποικίλοσ ἀνήρ τύχαισ ὁμιλῆσαι καὶ πανουργίᾳ πολλῇ μεμειγμένον ἔχων τὸ θυμοειδέσ. ἀλλ’ ἐξέστη γε πομπευθεὶσ, ὡσ λέγουσι, τότε τοῦ φρονεῖν·

"ὡσ ψυχρὸν ὑμῶν τὸ βαλανεῖον. ἀλλὰ τοῦτον μὲν ἓξ ἡμέραισ ζυγομαχήσαντα τῷ λιμῷ καὶ μέχρι τῆσ ἐσχάτησ ὡρ́ασ ἐκκρεμασθέντα τῆσ τοῦ ζῆν ἐπιθυμίασ εἶχεν ἀξία δίκη τῶν ἀσεβημάτων.

ἐν δὲ τῷ θριάμβῳ κομισθῆναι λέγουσι χρυσοῦ μὲν ἑπτὰ καὶ τρισχιλίασ λίτρασ, ἀργύρου δὲ ἀσήμου πεντακισχιλίασ ἑπτακοσίασ ἑβδομήκοντα πέντε, νομίσματοσ δὲ δραχμὰσ ἑπτακισχιλίασ ἐπὶ μυριάσιν ὀκτὼ καὶ εἴκοσι. μετὰ δὲ τὴν πομπὴν ὁ Μάριοσ σύγκλητον ἤθροισεν ἐν Καπετωλίῳ·

καὶ παρῆλθε μὲν εἴτε λαθὼν αὑτὸν εἴτε τῇ τύχῃ χρώμενοσ ἀγροικότερον ἐν τῇ θριαμβικῇ κατασκευῇ, ταχὺ δὲ τὴν βουλὴν ἀχθεσθεῖσαν αἰσθόμενοσ ἐξανέστη καὶ μεταλαβὼν τὴν περιπόρφυρον αὖθισ ἦλθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 12

(플루타르코스, Caius Marius, chapter 12)

상위

목록

SEARCH

MENU NAVIGATION