헬라어 문장 검색 - Πλυταρ́ΞαιυσΜά17́

(플루타르코스, Caius Marius, chapter 17)

ταῦτ’ ἀκούων ὁ Μάριοσ ἥδετο, καὶ κατεπράυνεν αὐτούσ ὡσ οὐκ ἐκείνοισ ἀπιστῶν, ἀλλ’ ἔκ τινων λογίων τὸν τῆσ νίκησ ἅμα καιρὸν καὶ τόπον ἐκδεχόμενοσ. καὶ γάρ τινα Σύραν γυναῖκα, Μάρθαν ὄνομα, μαντεύεσθαι λεγομένην ἐν φορείῳ κατακειμένην σεμνῶσ περιήγετο, καὶ θυσίασ ἔθυεν ἐκείνησ κελευούσησ. ἣν πρότερον μὲν ἀπήλασεν ἡ σύγκλητοσ ἐντυχεῖν ὑπὲρ τούτων βουλομένην καὶ τὰ μέλλοντα προθεσπίζουσαν, ἐπεὶ δὲ πρὸσ τὰσ γυναῖκασ εἰσιοῦσα διάπειραν ἐδίδου καὶ μάλιστα τῇ Μαρίου παρακαθίζουσα παρὰ τοὺσ πόδασ τῶν μονομάχων ἐπιτυχῶσ προηγόρευε τὸν μέλλοντα νικᾶν, ἀναπεμφθεῖσα πρὸσ Μάριον ὑπ’· ἐκείνησ ἐθαυμάζετο.

καὶ τὰ πολλὰ μὲν ἐν φορείῳ παρεκομίζετο, πρὸσ δὲ τὰσ θυσίασ κατῄει φοινικίδα διπλῆν ἐμπεπορπημένη καὶ λόγχην ἀναδεδεμένην ταινίαισ καὶ στεφανώμασι φέρουσα, τοῦτο μὲν οὖν τὸ δρᾶμα πολλοῖσ ἀμφισβήτησιν παρεῖχεν, εἴτε πεπεισμένοσ ὡσ ἀληθῶσ εἴτε πλαττόμενοσ καὶ συνυποκρινόμενοσ ἐπιβείκνυται τὴν ἄνθρωπον. τὸ δὲ περὶ τοὺσ γῦπασ θαύματοσ ἄξιον Ἀλέξανδροσ ὁ Μύνδιοσ ἱστόρηκε.

δύο γὰρ ἐφαίνοντο πρὸ τῶν κατορθωμάτων ἀεὶ περὶ τὰσ στρατιὰσ καὶ παρηκολούθουν γνωριζόμενοι χαλκοῖσ περιδεραίοισ· ταὐτὰ δὲ οἱ στρατιῶται συλλαβόντεσ αὐτούσ περιῆψαν, εἶτα ἀφῆκαν· ἐκ δὲ τούτου γνωρίζοντεσ ἠσπάζοντο αὐτούσ οἱ στρατιῶται καὶ φανέντων ἐπὶ ταῖσ ἐξόδοισ ἔχαιρον ὡσ ἀγαθὸν τι πράξοντεσ. πολλῶν δὲ σημείων πρὸ φαινομένων τὰ μὲν ἄλλα χαρακτῆρα κοινὸν εἶχεν, ἐκ δὲ Ἀμερίασ καὶ Τουδέρτου, πόλεων Ἰταλικῶν, ἀπηγγέλθη νυκτὸσ ὦφθαι κατὰ τὸν οὐρανὸν αἰχμάσ τε φλογοειδεῖσ καὶ θυρεοὺσ διαφερομένουσ τὸ πρῶτον, εἶτα συμπίπτοντασ ἀλλήλοισ καὶ σχήματα καὶ κινήματα λαμβάνοντασ οἱᾶ γίνεται μαχομένων ἀνδρῶν, τέλοσ δὲ τῶν μὲν ἐνδιδόντων, τῶν δὲ ἐπιφερομένων, πάντασ ἐπὶ δυσμὰσ ῥυῆναι.

περὶ τοῦτον δέ πωσ τὸν χρόνον ἀφίκετο καὶ Βατάκησ ἐκ Πεσσινοῦντοσ ὁ τῆσ Μεγάλησ Μητρὸσ ἱερεύσ, ἀπαγγέλλων ὡσ ἡ θεὸσ ἐκ τῶν ἀνακτόρων ἐφθέγξατο αὐτῷ νίκην καὶ κράτοσ πολέμου Ῥωμαίοισ ὑπάρχειν.

τῆσ δὲ συγκλήτου προσεμένησ καὶ τῇ θεῷ ναὸν ἐπινίκιον ἱδρύσασθαι ψηφισαμένησ, τὸν Βατάκην εἰσ τὸν δῆμον προελθόντα καὶ ταὐτὰ βουλόμενον εἰπεῖν ἐκώλυσε δημαρχῶν Αὖλοσ Πομπήϊοσ, ἀγύρτην ἀποκαλῶν καὶ πρὸσ ὕβριν ἀπελαύνων τοῦ βήματοσ. δὲ δὴ καὶ μάλιστα τῷ λόγῳ τοῦ ἀνθρώπου πίστιν παρέσχεν.

οὐ γάρ ἔφθη τῆσ ἐκκλησίασ λυθείσησ ὁ Αὖλοσ εἰσ οἶκον ἐπανελθεῖν, καὶ πυρετὸσ ἐξήνθησεν αὐτῷ τοσοῦτοσ ὥστε πᾶσι καταφανῆ γενόμενον καὶ περιβόητον ἐντὸσ ἑβδόμησ ἡμέρασ ἀποθανεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 17

(플루타르코스, Caius Marius, chapter 17)

상위

목록

SEARCH

MENU NAVIGATION