헬라어 문장 검색 - Πλυταρ́ΞαιυσΜά21́

(플루타르코스, Caius Marius, chapter 21)

ὡσ οὖν ἀντιστάντεσ αὐτοῖσ οἱ Ῥωμαῖοι καὶ συμπεσόντεσ ἔσχον ἄνω φερομένουσ, ἐκθλιβόμενοι κατὰ μικρὸν ὑπεχώρουν εἰσ τὸ πεδίον καὶ τῶν πρώτων ἤδη καθισταμένων εἰσ τάξιν ἐν τοῖσ ἐπιπέδοισ βοὴ καὶ διασπασμὸσ ἦν περὶ τοὺσ ὄπισθεν, ὁ γάρ καιρὸσ οὐκ ἔλαθε τὸν Μάρκελλον, ἀλλὰ τῆσ κραυγῆσ ὑπὲρ τοὺσ λόφουσ ἄνω φερομένησ ἀναστήσασ τοὺσ μετ’ αὐτοῦ δρόμῳ καὶ ἀλαλαγμῷ προσέπιπτε κατὰ νώτου, κτείνων τοὺσ ἐσχάτουσ, οἱ δὲ τοὺσ πρὸ αὑτῶν ἐπισπώμενοι ταχὺ πᾶν τὸ στράτευμα ταραχῆσ ἐνέπλησαν, οὐ πολύν τε χρόνον ἠνέσχοντο παιόμενοι διχόθεν, ἀλλὰ τὴν τάξιν λύσαντεσ ἔφευγον. οἱ δὲ Ῥωμαῖοι διώκοντεσ αὑτῶν μὲν ὑπὲρ δέκα μυριάδασ ἣ ζῶντασ εἷλον ἢ κατέβαλον, σκηνῶν δὲ καὶ ἁμαξῶν καὶ χρημάτων κρατήσαντεσ, ὅσα μὴ διεκλάπη, Μάριον λαβεῖν ἐψηφίσαντο.

καὶ δωρεᾶσ ταύτησ λαμπροτάτησ τυχὼν οὐδὲν ἄξιον ἔχειν ὧν ἐστρατήγησεν ἐνομίσθη διὰ τὸ τοῦ κινδύνου μέγεθοσ. ἕτεροι δὲ περὶ τῆσ δωρεᾶσ τῶν λαφύρων οὐχ ὁμολογοῦσιν, οὐδὲ περὶ τοῦ πλήθουσ τῶν πεσόντων.

Μασσαλιήτασ μέντοι λέγουσι τοῖσ ὀστέοισ περιθριγκῶσαι τοὺσ ἀμπελῶνασ, τὴν δὲ γῆν, τῶν νεκρῶν καταναλωθέντων ἐν αὐτῇ καὶ διὰ χειμῶνοσ ὄμβρων ἐπιπεσόντων, οὕτωσ ἐκλιπανθῆναι καὶ γενέσθαι διὰ βάθουσ περίπλεω τῆσ σηπεδόνοσ ἐνδύσησ ὥστε καρπῶν ὑπερβάλλον εἰσ ὡρ́ασ πλῆθοσ ἐξενεγκεῖν καὶ μαρτυρῆσαι τῷ Ἀρχιλόχῳ λέγοντι πιαίνεσθαι πρὸσ τοῦ τοιούτου τὰσ ἀρούρασ. ἐπιεικῶσ δὲ ταῖσ μεγάλαισ μάχαισ ἐξαισίουσ ὑετοὺσ ἐπικαταρρήγνυσθαι λέγουσιν, εἴτε δαιμονίου τινὸσ τὴν γῆν καθαροῖσ καὶ διιπετέσιν ἁγνίζοντοσ ὕδασι καὶ κατακλύζοντοσ, εἴτε τοῦ φόνου καὶ τῆσ σηπεδόνοσ ἐξανιείσησ ὑγρὰν καὶ βαρεῖαν ἀναθυμίασιν, ἣ τὸν ἀέρα συνίστησιν εὔτρεπτον ὄντα καὶ ῥᾴδιον μεταβάλλειν ἀπὸ σμικροτάτησ ἐπὶ πλεῖστον ἀρχῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 21

(플루타르코스, Caius Marius, chapter 21)

상위

목록

SEARCH

MENU NAVIGATION