헬라어 문장 검색 - Πλυταρ́ΞαιυσΜά09́

(플루타르코스, Caius Marius, chapter 9)

ἀναγορευθεὶσ δὲ λαμπρῶσ εὐθὺσ ἐστρατολόγει, παρὰ τὸν νόμον καὶ τὴν συνήθειαν πολὺν τὸν ἄπορον καὶ φαῦλον καταγράφων, τῶν πρόσθεν ἡγεμόνων οὐ προσδεχομένων τοὺσ τοιούτουσ, ἀλλ’, ὥσπερ ἄλλο τι τῶν καλῶν, τὰ ὅπλα μετὰ τιμῆσ τοῖσ ἀξίοισ νεμόντων, ἐνέχυρον τὴν οὐσίαν ἑκάστου τιθέναι δοκοῦντοσ. οὐ μὴν ταῦτά γε μάλιστα διέβαλλε τὸν Μάριον, ἀλλ’ οἱ λόγοι θρασεῖσ ὄντεσ ὑπεροψίᾳ καὶ ὕβρει τοὺσ πρώτουσ ἐλύπουν, σκῦλόν τε βοῶντοσ αὐτοῦ τὴν ὑπατείαν φέρεσθαι τῆσ τῶν εὐγενῶν καὶ πλουσίων μαλακίασ, καὶ τραύμασιν οἰκείοισ πρὸσ τὸν δῆμον, οὐ μνήμασι νεκρῶν οὐδὲ ἀλλοτρίαισ εἰκόσι νεανιεύεσθαι.

πολλάκισ δὲ καὶ τοὺσ ἀτυχήσαντασ ἐν Λιβύῃ στρατηγούσ, τοῦτο μὲν Βηστίαν, τοῦτο δὲ Ἀλβῖνον, ἀνθρώπουσ οἴκων μὲν ἐπιφανῶν, αὐτοὺσ δὲ τύχῃ σφαλέντασ, ἀποχέμουσ καὶ δι’ ἀπειρίαν πταίσαντασ ὀνομάζων, ἐπυνθάνετο τῶν παρόντων εἰ μὴ καὶ τοὺσ ἐκείνων οἰόνται προγόνουσ αὐτῷ μᾶλλον ἂν εὔξασθαι παραπλησίουσ ἐκγόνουσ ἀπολιπεῖν, ἅτε δὴ μηδὲ αὐτοὺσ δι’ εὐγένειαν, ἀλλ’ ὑπ’ ἀρετῆσ καὶ καλῶν ἔργων ἐνδόξουσ γενομένουσ.

ταῦτα δὲ οὐ κενῶσ οὐδὲ ἀλαζονικῶσ ἔλεγεν οὐδὲ μάτην ἀπεχθάνεσθαι τοῖσ δυνατοῖσ βουλόμενοσ, ἀλλ’ ὁ δῆμοσ αὐτόν, ἡδόμενόσ τε τῇ βουλῇ προπηλακιζομένῃ καὶ λόγου κόμπῳ μετρῶν ἀεὶ φρονήματοσ μέγεθοσ, ἐξεκούφιζε, καὶ συνεξώρμα μὴ φείδεσθαι τῶν ἀξιολόγων, χαριζόμενον τοῖσ πολλοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 9

(플루타르코스, Caius Marius, chapter 9)

상위

목록

SEARCH

MENU NAVIGATION