Plutarch, Caius Marius, chapter 10

(플루타르코스, Caius Marius, chapter 10)

ὡσ δὲ διέπλευσεν εἰσ Λιβύην, Μέτελλοσ μὲν ἥττων τοῦ φθόνου γενόμενοσ, καὶ περιπαθῶν ὅτι, κατειργασμένου τὸν πόλεμον αὐτοῦ καὶ μηδὲν ὑπόλοιπον ἣ τὸ σῶμα τοῦ Ιοὐγούρθα λαβεῖν ἔχοντοσ, ἥκει Μάριοσ ἐπὶ τὸν στέφανον καὶ τὸν θρίαμβον, ἐκ τῆσ πρὸσ ἐκεῖνον ἀχαριστίασ ηὐξημένοσ, οὐχ ὑπέμεινεν εἰσ τὸ αὐτὸ συνελθεῖν, ἀλλ’ αὐτὸσ μὲν ὑπεξεχώρησε, Ῥουτίλιοσ δὲ τὸ στράτευμα τῷ Μαρίῳ παρέδωκε, πρεσβευτὴσ γενονὼσ τοῦ Μετέλλου. καὶ περιῆλθέ τισ νέμεσισ ἐν τῷ τέλει τῶν πράξεων Μάριον ἀφῃρέθη γάρ ὑπὸ Σύλλα τὴν τοῦ κατορθώματοσ δόξαν, ὡσ ὑπ’ ἐκείνου Μέτελλοσ·

ὃν τρόπον δέ, ἀφηγήσομαι βραχέωσ, ἐπεὶ τὰ καθ’ ἕκαστον μᾶλλον ἐν τοῖσ περὶ Σύλλα γέγραπται. Βόκχοσ ὁ τῶν ἄνω βαρβάρων βασιλεὺσ ἦν πενθερὸσ Ιοὐγούρθα, καὶ πολεμοῦντι μὲν οὐ πάνυ τι συλλαμβάνειν ἐδόκει, προβαλλόμενοσ αὐτοῦ τὴν ἀπιστίαν, καὶ τὴν αὔξησιν δεδοικώσ· ἐπεὶ δὲ φεύγων καὶ πλανώμενοσ ἐκεῖνον ὑπ’ ἀνάγκησ ἔθετο τῶν ἐλπίδων τελευταῖαν καὶ κατῆρε πρὸσ αὐτόν, αἰσχύνῃ μᾶλλον ὡσ ἱκέτην ἣ δι’ εὔνοιαν ὑποδεξάμενοσ διὰ χειρὸσ εἶχε, φανερῶσ μὲν ὑπὲρ αὐτοῦ παραιτούμενοσ Μάριον καὶ γράφων ὡσ οὐκ ἂν ἐκδῴη καὶ παρρησιαζόμενοσ, κρύφα δὲ βουλεύων προδοσίαν ἐπ’ αὐτῷ, καὶ μεταπεμπόμενοσ Λεύκιον Σύλλαν, ταμίαν μὲν ὄντα Μαρίου, χρήσιμον δὲ τῷ Βόκχῳ γεγενημένον ἐπὶ στρατείασ.

ὡσ δὲ πιστεύσασ ἀνέβη πρὸσ αὐτὸν ὁ Σύλλασ, ἔσχε μέν τισ τροπὴ γνώμησ καὶ μετάνοια τὸν βάρβαρον, ἡ μέρασ τε συχνὰσ διηνέχθη τῷ λογισμῷ, βουλευόμενοσ ἣ παραδοῦναι τὸν Ιοὐγούρθαν ἣ μηδὲ τὸν Σύλλαν ἀφεῖναι·

τέλοσ δὲ τὴν προτέραν κυρώσασ προδοσίαν, ἐνεχείρισε τῷ Σύλλᾳ ζῶντα τὸν Ιοὐγούρθαν. καὶ τοῦτο πρῶτον ὑπῆρξεν αὐτοῖσ σπέρμα τῆσ ἀνηκέστου καὶ χαλεπῆσ ἐκείνησ στάσεωσ, ἣ μικρὸν ἐδέησεν ἀνατρέψαι τὴν Ῥώμην.

πολλοὶ γάρ ἐβούλοντο τοῦ Σύλλα τὸ ἔργον εἶναι τῷ Μαρίῳ φθονοῦντεσ, αὐτόσ τε Σύλλασ σφραγῖδα ποιησάμενοσ ἐφόρει γλυφὴν ἔχουσαν ἐγχειριζόμενον ὑπὸ τοῦ Βόκχου τὸν Ιοὐγούρθαν ἑαυτῷ. καὶ ταύτῃ χρώμενοσ ἀεὶ διετέλει φιλότιμον ἄνδρα καὶ πρὸσ κοινωνίαν δόξησ ἀγνώμονα ,καὶ δύσεριν ἐρεθίζων τὸν Μάριον, ἐναγόντων μάλιστα τῶν ἐχθρῶν τῶν ἐκείνου, καὶ τὰ μὲν πρῶτα τοῦ πολέμου καὶ μέγιστα τῷ Μετέλλῳ, τὰ δ̓ ἔσχατα καὶ τὸ πέρασ αὐτοῦ Σύλλᾳ προστιθέντων, ὡσ παύσαιτο θαυμάζων καὶ προσέχων ἐκείνῳ μάλιστα πάντων ὁ δῆμοσ.

일치하는 문장이 없습니다.

SEARCH

MENU NAVIGATION