헬라어 문장 검색 - Πλυταρ́ΞαιυσΜά08́

(플루타르코스, Caius Marius, chapter 8)

ἐφ’ οἷσ δῆλοσ ἦν ὁ Μέτελλοσ ἀχθόμενοσ. μάλιστα δ̓ αὐτὸν ἠνίασε τὸ περὶ Τουρπίλλιον. οὗτοσ γὰρ ὁ ἀνὴρ ἦν μὲν ἐκ πατέρων ξένοσ τῷ Μετέλλῳ καὶ τότε τὴν ἐπὶ τῶν τεκτόνων ἔχων ἀρχὴν συνεστράτευε· φρουρῶν δὲ Βάγαν, πόλιν μεγάλην, καὶ τῷ μηδὲν ἀδικεῖν τοὺσ ἐνοικοῦντασ, ἀλλὰ πράωσ καὶ φιλανθρώπωσ αὐτοῖσ προσφέρεσθαι πιστεύων, ἔλαθεν ὑποχείριοσ τοῖσ πολεμίοισ γενόμενοσ. , παρεδέξαντο γάρ τὸν Ιοὐγούρθαν, τὸν δὲ Τουρπίλλιον οὐδὲν ἠδίκησαν, ἀλλὰ σῷον ἐξαιτησάμενοι διῆκαν. ἔσχεν οὖν αἰτίαν προδοσίασ· καὶ παρὼν ὁ Μάριοσ τῇ κρίσει σύμβουλοσ αὐτὸσ τέ οἱ πικρὸσ ἦν καὶ τῶν ἄλλων παρώξυνε τοὺσ πλείστουσ, ὥστε ἄκοντα τὸν Μέτελλον ἐκβιασθῆναι καὶ καταψηφίσασθαι θάνατον τοῦ ἀνθρώπου.

μετ’ ὀλίγον δὲ τῆσ αἰτίασ ψευδοῦσ φανείσησ, οἱ μὲν ἄλλοι συνήχθοντο τῷ Μετέλλῳ βαρέωσ φέροντι, Μάριοσ δὲ χαίρων καὶ ποιούμενοσ ἴδιον τὸ ἔργον οὐκ ᾐσχύνετο λέγειν περιιών ὡσ αὑτὸσ εἰή προστετριμμένοσ ἀλάστορα τῷ Μετέλλῳ ξενοκτόνον. ἐκ τούτου φανερῶσ ἀπηχθάνοντο·

"σὺ δὴ καταλιπὼν ἡμᾶσ, ὦ γενναῖε, πλεῖν ἐπ’ οἴκου διανοῇ καὶ παραγγέλλειν ὑπατείαν; "οὐ γάρ ἀγαπήσεισ, ἂν τᾠμῷ παιδὶ τούτῳ συνυπατεύσῃσ; ἦν δ̓ ὁ παῖσ τότε τοῦ Μετέλλου παντάπασι μειράκιον. οὐ μὴν ἀλλὰ τοῦ Μαρίου σπουδάζοντοσ ἀφεθῆναι, πολλὰσ ἀναβολὰσ ποιησάμενοσ, ἔτι δώδεκα λειπομένων ἡμερῶν ἐπὶ τὴν τῶν ὑπάτων ἀνάδειξιν, ἀφῆκεν αὐτόν, ὁ δὲ πολλὴν ἀπὸ στρατοπέδου τὴν ἐπὶ θάλασσαν εἰσ Ἰτύκην ὁδὸν ἡμέραισ δυσὶ καὶ μιᾷ νυκτὶ συνελών ἔθυε πρὸ τοῦ πλοῦ.

καὶ λέγεται τὸν μάντιν εἰπεῖν ὡσ ἀπίστουσ τινὰσ τὸ μέγεθοσ καὶ κρείττονασ ἐλπίδοσ ἁπάσησ εὐπραξίασ προφαίνοι τῷ Μαρίῳ τὸ δαιμόνιον, ὁ δὲ τούτοισ ἐπαρθεὶσ ἀνήχθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 8

(플루타르코스, Caius Marius, chapter 8)

상위

목록

SEARCH

MENU NAVIGATION