헬라어 문장 검색 - Πλυταρ́Βρυτυσ́13́

(플루타르코스, Brutus, chapter 13)

ὁ δὲ Βροῦτοσ, ἅτε δὴ τὰ πρῶτα τῆσ Ῥώμησ φρονήματα καί γένη καί ἀρετὰσ ἐξηρτημένοσ ἑαυτοῦ καί περινοῶν πάντα τὸν κίνδυνον, ἔξω μὲν ἐπειρᾶτο κατέχειν παρ’ ἑαυτῷ καί κατακοσμεῖν τὴν διάνοιαν, οἴκοι δὲ καί νύκτωρ οὐκ ἦν ὁ αὐτόσ, ἀλλὰ τὰ μὲν ἄκοντα τῶν ὕπνων αὐτὸν ἠ φροντὶσ ἐξέφερε, τὰ δὲ μᾶλλον ἐνδυόμενοσ τῷ λογισμῷ καί διατρίβων ἐν ταῖσ ἀπορίαισ οὐκ ἐλάνθανε τὴν γυναῖκα συναναπαυομένην, ὅτι μεστόσ ἐστι ταραχῆσ ἀήθουσ καί κυκλεῖ τι παρ’ ἑαυτῷ δύσφορον βούλευμα καί δυσεξέλικτον. ἡ δὲ Πορκία θυγάτηρ μὲν, ὥσπερ εἴρηται, Κάτωνοσ ἦν, εἶχε δ’ αὐτὴν ὁ Βροῦτοσ ἀνεψιὸσ ὢν οὐκ ἐκ παρθενίασ, ἀλλὰ τοῦ προτέρου τελευτήσαντοσ ἀνδρὸσ ἔλαβε κόρην οὖσαν ἔτι καί παιδίον ἔχουσαν ἐξ ἐκείνου μικρόν, ᾧ Βύβλοσ ἦν ὄνομα·

καί τι βιβλίδιον μικρὸν ἀπομνημονευμάτων Βρούτου γεγραμμένον ὑπ’ αὐτοῦ διασῴζεται. φιλόστοργοσ δ’ ἡ Πορκία καί φίλανδροσ οὖσα καί μεστὴ φρονήματοσ νοῦν ἔχοντοσ, οὐ πρότερον ἐπεχείρησεν ἀνερέσθαι τὸν ἄνδρα περὶ τῶν ἀπορρήτων ἢ λαβεῖν ἑαυτῆσ τοιαύτην διάπειραν.

λαβοῦσα μαχαίριον ᾧ τοὺσ ὄνυχασ οἱ κουρεῖσ ἀφαιροῦσι, καί πάσασ ἐξελάσασα τοῦ θαλάμου τὰσ ὀπαδούσ, τομὴν ἐνέβαλε τῷ μηρῷ βαθεῖαν, ὥστε ῥύσιν αἵματοσ πολλὴν γενέσθαι καί μετὰ μικρὸν ὀδύνασ τε νεανικὰσ καί φρικώδεισ πυρετοὺσ ἐπιλαβεῖν ἐκ τοῦ τραύματοσ, ἀγωνιῶντοσ δὲ τοῦ Βρούτου καί δυσφοροῦντοσ ἐν ἀκμῇ τῆσ ἀλγηδόνοσ οὖσα διελέχθη πρὸσ αὐτὸν οὕτωσ· "ἐγὼ, Βροῦτε, Κάτωνοσ οὖσα θυγάτηρ εἰσ τὸν σὸν ἐδόθην οἶκον οὐχ ὥσπερ αἱ παλλακευόμεναι, κοίτησ μεθέξουσα καί τραπέζησ μόνον, ἀλλὰ κοινωνὸσ μὲν ἀγαθῶν εἶναι, κοινωνὸσ δὲ ἀνιαρῶν.

τὰ μὲν οὖν σὰ πάντα περὶ τὸν γάμον ἄμεμπτα· "τῶν δὲ παρ’ ἐμοῦ τίσ ἀπόδειξισ ἢ χάρισ, εἰ μήτε σοι πάθοσ ἀπόρρητον συνδιοίσω μήτε φροντίδα πίστεωσ δεομένην; "οἶδ’ ὅτι γυναικεία φύσισ ἀσθενὴσ δοκεῖ λόγον ἐνεγκεῖν ἀπόρρητον ἀλλ’,’ ἔστι τίσ, ὦ Βροῦτε, καί τροφῆσ ἀγαθῆσ καί ὁμιλίασ χρηστῆσ εἰσ ἦθοσ ἰσχύσ· "ἐμοὶ δὲ καί τὸ Κάτωνοσ εἶναι θυγατέρα καί τὸ Βρούτου γυναῖκα πρόσεστιν οἷσ πρότερον μὲν ἧττον ἐπεποίθειν, νῦν δ’ ἐμαυτὴν ἔγνωκα καί πρὸσ πόνον ἀήττητον εἶναι. ταῦτ’ εἰποῦσα δείκνυσιν αὐτῷ τὸ τραῦμα καί διηγεῖται τὴν πεῖραν.

ὁ δ’ ἐκπλαγεὶσ καί ἀνατείνασ τὰσ χεῖρασ ἐπεύξατο δοῦναι τοὺσ θεοὺσ αὐτῷ κατορθοῦντι τὴν πρᾶξιν ἀνδρὶ Πορκίασ ἀξίῳ φανῆναι. καί τότε μὲν ἀνελάμβανε τὴν γυναῖκα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 13

(플루타르코스, Brutus, chapter 13)

상위

목록

SEARCH

MENU NAVIGATION