헬라어 문장 검색 - Παυσαν́Δεσξριπ́8́53́

(파우사니아스, Description of Greece, Ἀρκαδικά, chapter 53)

τῷ δὲ Ἀπόλλωνι οἱ Τεγεᾶται τῷ Ἀγυιεῖ τὰ ἀγάλματα ἐπ’ αἰτίᾳ φασὶν ἱδρύσασθαι τοιᾷδε. Ἀπόλλωνα καὶ Ἄρτεμιν ἐπὶ πᾶσαν λέγουσι χώραν τιμωρεῖσθαι τῶν τότε ἀνθρώπων ὅσοι Λητοῦσ, ἡνίκα εἶχεν ἐν τῇ γαστρί, πλανωμένησ καὶ ἀφικομένησ ἐσ τὴν γῆν ἐκείνην οὐδένα ἐποιήσαντο αὐτῆσ λόγον. ὡσ δὲ ἄρα καὶ ἐσ τὴν Τεγεατῶν ἐληλυθέναι τοὺσ θεούσ, ἐνταῦθα υἱὸν Τεγεάτου Σκέφρον προσελθόντα τῷ Ἀπόλλωνι ἐν ἀπορρήτῳ διαλέγεσθαι πρὸσ αὐτόν·

Λειμὼν δὲ ‐ ἦν δὲ καὶ ὁ Λειμὼν οὗτοσ Τεγεάτου τῶν παίδων ‐ ὑπονοήσασ ἔγκλημα ἔχειν ἐσ ἑαυτὸν τὰ ὑπὸ Σκέφρου λεγόμενα, ἀποκτίννυσιν ἐπιδραμὼν τὸν ἀδελφόν. καὶ Λειμῶνα μὲν τοξευθέντα ὑπὸ Ἀρτέμιδοσ περιῆλθεν αὐτίκα ἡ δίκη τοῦ φόνου·

Τεγεάτησ δὲ καὶ Μαιρὰ τὸ μὲν παραυτίκα Ἀπόλλωνι καὶ Ἀρτέμιδι θύουσιν, ὕστερον δὲ ἐπιλαβούσησ ἀκαρπίασ ἰσχυρᾶσ ἦλθε μάντευμα ἐκ Δελφῶν Σκέφρον θρηνεῖν. καὶ ἄλλα τε ἐν τοῦ Ἀγυιέωσ τῇ ἑορτῇ δρῶσιν ἐσ τιμὴν τοῦ Σκέφρου καὶ ἡ τῆσ Ἀρτέμιδοσ ἱέρεια διώκει τινὰ ἅτε αὐτὴ τὸν Λειμῶνα ἡ Ἄρτεμισ. λέγουσι δὲ καὶ ὅσοι Τεγεάτου τῶν παίδων ἐλείποντο, μετοικῆσαι σφᾶσ ἑκουσίωσ ἐσ Κρήτην, Κύδωνα καὶ Ἀρχήδιον καὶ Γόρτυνα·

καὶ ἀπὸ τούτων φασὶν ὀνομασθῆναι τὰσ πόλεισ Κυδωνίαν καὶ Γόρτυνά τε καὶ Κατρέα. καὶ Ἑρμοῦ, Κατρέα δέ φασιν εἶναι Μίνω, τὸν δὲ Γόρτυνα Ῥαδαμάνθυοσ.

ἐσ δὲ αὐτὸν Ῥαδάμανθυν Ὁμήρου μέν ἐστιν ἐν Πρωτέωσ πρὸσ Μενέλαον λόγοισ ὡσ ἐσ τὸ πεδίον ἥξοι Μενέλαοσ τὸ Ἠλύσιον, πρότερον δὲ ἔτι Ῥαδάμανθυν ἐνταῦθα ἥκειν·

Κιναίθων δὲ ἐν τοῖσ ἔπεσιν ἐποίησεν <ὡσ> Ῥαδάμανθυσ μὲν Ἡφαίστου, Ἥφαιστοσ δὲ εἰή Τάλω, Τάλων δὲ εἶναι Κρητὸσ παῖδα. οἱ μὲν δὴ Ἑλλήνων λόγοι διάφοροι τὰ πλέονα καὶ οὐχ ἥκιστα ἐπὶ τοῖσ γένεσίν εἰσι· Τεγεάταισ δὲ τοῦ Ἀγυιέωσ τὰ ἀγάλματα τέσσαρά εἰσιν ἀριθμόν, ὑπὸ φυλῆσ ἓν ἑκάστησ ἱδρυμένον.

ὀνόματα δὲ αἱ φυλαὶ παρέχονται Κλαρεῶτισ Ἱπποθοῖτισ Ἀπολλωνιᾶτισ Ἀθανεᾶτισ· καλοῦνται δὲ ἀπὸ τοῦ κλήρου ὃν τοῖσ παισὶν Ἀρκὰσ ἐποίησεν ὑπὲρ τῆσ χώρασ καὶ ἀπὸ Ἱππόθου τοῦ Κερκυόνοσ. ἔστι δὲ καὶ Δήμητροσ ἐν Τεγέᾳ καὶ Κόρησ ναόσ, ἃσ ἐπονομάζουσι Καρποφόρουσ, πλησίον δὲ Ἀφροδίτησ καλουμένησ Παφίασ·

ἱδρύσατο αὐτὴν Λαοδίκη, γεγονυῖα μέν, ὡσ καὶ πρότερον ἐδήλωσα, ἀπὸ Ἀγαπήνοροσ ὃσ ἐσ Τροίαν ἡγήσατο Ἀρκάσιν, οἰκοῦσα δὲ ἐν Πάφῳ. τούτου δέ ἐστιν οὐ πόρρω Διονύσου τε ἱερὰ δύο καὶ Κόρησ βωμὸσ καὶ Ἀπόλλωνοσ ναὸσ καὶ ἄγαλμα ἐπίχρυσον· Χειρίσοφοσ δὲ ἐποίησε, Κρὴσ μὲν γένοσ, ἡλικίαν δὲ αὐτοῦ καὶ τὸν διδάξαντα οὐκ ἴσμεν·

ἡ δὲ δίαιτα ἡ ἐν Κνωσσῷ Δαιδάλῳ παρὰ Μίνῳ συμβᾶσα ἐπὶ μακρότερον δόξαν τοῖσ Κρησὶ καὶ ἐπὶ ξοάνων ποιήσει παρεσκεύασε. παρὰ δὲ τῷ Ἀπόλλωνι ὁ Χειρίσοφοσ ἕστηκε λίθου πεποιημένοσ. καλοῦσι δὲ οἱ Τεγεᾶται καὶ ἑστίαν Ἀρκάδων κοινήν·

ἐνταῦθά ἐστιν ἄγαλμα Ἡρακλέουσ, πεποίηται δέ οἱ ἐπὶ τοῦ μηροῦ τραῦμα ἀπὸ τῆσ μάχησ ἣν πρώτην Ἱπποκόωντοσ τοῖσ παισὶν ἐμαχέσατο. τὸ δὲ χωρίον τὸ ὑψηλόν, ἐφ’ οὗ καὶ οἱ βωμοὶ Τεγεάταισ εἰσὶν οἱ πολλοί, καλεῖται μὲν Διὸσ Κλαρίου, δῆλα δὲ ὡσ ἐγένετο ἡ ἐπίκλησισ τῷ θεῷ τοῦ κλήρου τῶν παίδων ἕνεκα τῶν Ἀρκάδοσ. ἄγουσι δὲ ἑορτὴν αὐτόθι Τεγεᾶται κατὰ ἔτοσ·

καί σφισιν ἐπιστρατεῦσαι Λακεδαιμονίουσ ποτὲ ὑπὸ τὸν καιρὸν τῆσ ἑορτῆσ λέγουσι, καὶ ‐ νείφειν γὰρ τὸν θεόν ‐ τοὺσ μὲν ῥιγοῦν καὶ ὄντασ ἐν τοῖσ ὅπλοισ κάμνειν, αὐτοὶ δὲ ἐκείνων κρύφα πῦρ καῦσαι, καὶ ὡσ οὐκ ἠνωχλοῦντο ὑπὸ τοῦ κρυμοῦ, τὰ ὅπλα ἐνδύντεσ ἐξελθεῖν τε ἐπὶ τοὺσ Λακεδαιμονίουσ καὶ σχεῖν ἐν τῷ ἔργῳ τὸ πλέον φασίν. ἐθεασάμην δὲ καὶ ἄλλα ἐν Τεγέᾳ τοσάδε, Ἀλέου οἰκίαν καὶ Ἐχέμου μνῆμα καὶ ἐπειργασμένην ἐσ στήλην τὴν Ἐχέμου πρὸσ Ὕλλον μάχην. ἐκ Τεγέασ δὲ ἰόντι ἐσ τὴν Λακωνικὴν ἔστι μὲν βωμὸσ ἐν ἀριστερᾷ τῆσ ὁδοῦ Πανόσ, ἔστι δὲ καὶ Λυκαίου Διόσ·

λείπεται δὲ καὶ θεμέλια ἱερῶν. οὗτοι μὲν δή εἰσιν οἱ βωμοὶ σταδίοισ δύο ἀπωτέρω τοῦ τείχουσ, προελθόντι δὲ ἀπ’ αὐτῶν μάλιστά που σταδίουσ ἑπτὰ ἱερὸν Ἀρτέμιδοσ ἐπίκλησιν Λιμνάτιδοσ καὶ ἄγαλμά ἐστιν ἐβένου ξύλου· τρόποσ δὲ τῆσ ἐργασίασ ὁ Αἰγιναῖοσ καλούμενοσ ὑπὸ Ἑλλήνων. τούτου δὲ ὅσον δέκα ἀπωτέρω σταδίοισ Ἀρτέμιδοσ Κνακεάτιδόσ ἐστι ναοῦ τὰ ἐρείπια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 53

(파우사니아스, Description of Greece, Ἀρκαδικά, chapter 53)

상위

목록

SEARCH

MENU NAVIGATION