헬라어 문장 검색 - Παυσαν́Δεσξριπ́8́39́

(파우사니아스, Description of Greece, Ἀρκαδικά, chapter 39)

παρὰ δὲ τὴν Λυκόσουραν ὡσ ἐπὶ ἡλίου δυσμὰσ ποταμὸσ Πλατανιστὼν παρέξεισιν· Φιγαλίαν ἀνάγκη πᾶσα διαβῆναι τὸν Πλατανιστῶνα, μετὰ δὲ αὐτόν ἐστιν ἄνοδοσ ὅσον τε σταδίουσ τριάκοντα ἢ πλείουσ τῶν τριάκοντα οὐ πολλῷ.

τὰ δὲ ἐσ τὸν Λυκάονοσ Φίγαλον ‐ οὗτοσ γὰρ δὴ τῇ πόλει τὸ ἐξ ἀρχῆσ ἐγένετο οἰκιστήσ ‐ καὶ ὡσ μετέβαλεν ἀνὰ χρόνον ἀπὸ Φιάλου Βουκολίωνοσ τὸ ὄνομα ἡ πόλισ καὶ αὖθισ τε ἀνεσώσατο τὸ ἀρχαῖον, τόδε μὲν καὶ πρότερον ἔτι ἐσήμαινεν ἡμῖν ὁ λόγοσ·

λέγεται δὲ καὶ ἄλλα οὐκ ἀξιόχρεα ἐσ πίστιν, ἄνδρα αὐτόχθονα εἶναι τὸν Φίγαλον καὶ οὐ Λυκάονοσ παῖδα· τοῖσ δὲ εἰρημένον ἐστὶν ὡσ ἡ Φιγαλία νύμφη τῶν καλουμένων εἰή Δρυάδων. Λακεδαιμόνιοι δὲ ἡνίκα Ἀρκάσιν ἐπεχείρησαν καὶ ἐσέβαλον ἐσ τὴν Φιγαλίαν στρατιᾷ, μάχῃ τε νικῶσι τοὺσ ἐπιχωρίουσ καὶ ἐπολιόρκουν προσκαθεζόμενοι·

κινδυνεύοντοσ δὲ ἁλῶναι τοῦ τείχουσ ἐκδιδράσκουσιν οἱ Φιγαλεῖσ, ἢ καὶ οἱ Λακεδαιμόνιοι σφᾶσ ἀφιᾶσιν ἐξελθεῖν ὑποσπόνδουσ. ἐγένετο δὲ ἡ τῆσ Φιγαλίασ ἅλωσισ καὶ Φιγαλέων ἡ ἐξ αὐτῆσ φυγὴ Μιλτιάδου μὲν Ἀθήνῃσιν ἄρχοντοσ, δευτέρῳ δὲ ἔτει τῆσ τριακοστῆσ Ὀλυμπιάδοσ, ἣν Χίονισ Λάκων ἐνίκα τὸ τρίτον. Φιγαλέων δὲ τοῖσ διαπεφευγόσιν ἔδοξεν ἀφικομένοισ ἐσ Δελφοὺσ ἐρωτᾶν ὑπὲρ καθόδου τὸν θεόν·

καί σφισιν ἡ Πυθία καθ’ αὑτοὺσ μὲν πειρωμένοισ ἐσ Φιγαλίαν κατελθεῖν οὐχ ὁρᾶν ἔφη κάθοδον, εἰ δὲ λογάδασ ἑκατὸν ἐξ Ὀρεσθασίου προσλάβοιεν, τοὺσ μὲν ἀποθανεῖσθαι παρὰ τὴν μάχην, Φιγαλεῦσι δὲ ἔσεσθαι δι’ αὐτῶν κάθοδον. Φιγαλεῦσιν ἐπύθοντο μαντείαν, ἄλλοσ ἔφθανεν ἄλλον σπουδῇ λογάδων τε τῶν ἑκατὸν αὐτὸσ ἕκαστοσ γενέσθαι καὶ ἐξόδου τῆσ ἐσ Φιγαλίαν μετασχεῖν.

παρελθόντεσ δὲ ἐπὶ τὴν Λακεδαιμονίων φρουρὰν ἄγουσιν ἐσ πάντα ἐπὶ τέλοσ τὸν χρησμόν·

καὶ γὰρ αὐτοῖσ λόγου μαχεσαμένοισ ἀξίωσ ἐπεγένετο ἡ τελευτὴ καὶ ἐξελάσαντεσ τοὺσ Σπαρτιάτασ παρέσχον Φιγαλεῦσιν ἀπολαβεῖν τὴν πατρίδα. κεῖται δὲ ἡ Φιγαλία ἐπὶ μετεώρου μὲν καὶ ἀποτόμου <τὰ> πλέονα, καὶ ἐπὶ τῶν κρημνῶν ᾠκοδομημένα ἐστὶ τείχη σφίσιν·

ἀνελθόντι δὲ ὁμαλήσ ἐστιν ὁ λόφοσ ἤδη καὶ ἐπίπεδοσ. ἔστι δὲ Σωτείρασ τε ἱερὸν ἐνταῦθα Ἀρτέμιδοσ καὶ ἄγαλμα ὀρθὸν λίθου· ἐκ τούτου δὲ τοῦ ἱεροῦ καὶ τὰσ πομπάσ σφισι πέμπειν κατέστη. ἐν δὲ τῷ γυμνασίῳ τὸ ἄγαλμα τοῦ Ἑρμοῦ ἀμπεχομένῳ μὲν ἐοίκεν ἱμάτιον, καταλήγει δὲ οὐκ ἐσ πόδασ, ἀλλὰ ἐσ τὸ τετράγωνον σχῆμα.

πεποίηται δὲ καὶ Διονύσου ναόσ· ἐπίκλησισ μέν ἐστιν αὐτῷ παρὰ τῶν ἐπιχωρίων Ἀκρατοφόροσ, τὰ κάτω δὲ οὐκ ἔστι σύνοπτα τοῦ ἀγάλματοσ ὑπὸ δάφνησ τε φύλλων καὶ κισσῶν. ὁπόσον δὲ αὐτοῦ καθορᾶν ἔστιν, ἐπαλήλιπται κιννάβαρι ἐκλάμπειν· εὑρίσκεσθαι δὲ ὑπὸ τῶν Ἰβήρων ὁμοῦ τῷ χρυσῷ λέγεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 39

(파우사니아스, Description of Greece, Ἀρκαδικά, chapter 39)

상위

목록

SEARCH

MENU NAVIGATION