헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 66)

ἡ μὲν δὴ πρώτη Ῥωμαίοισ ἐμπεσοῦσα μετὰ τὴν ἐκβολὴν τῶν βασιλέων στάσισ ἔσχε τοιαύτασ αἰτίασ καὶ εἰσ τοῦτο κατέσκηψε τὸ τέλοσ· ἐμήκυνα δὲ τὸν ὑπὲρ αὐτῶν λόγον τοῦ μή τινα θαυμάσαι, πῶσ ὑπέμειναν οἱ πατρίκιοι τηλικαύτησ ἐξουσίασ ποιῆσαι τὸν δῆμον κύριον, οὔτε σφαγῆσ τῶν ἀρίστων ἀνδρῶν γενομένησ οὔτε φυγῆσ, οἱο͂ν ἐν ἄλλαισ πολλαῖσ ἐγένετο πόλεσι. ποθεῖ γὰρ ἕκαστοσ ἐπὶ τοῖσ παραδόξοισ ἀκούσμασι τὴν αἰτίαν μαθεῖν καὶ τὸ πιστὸν ἐν ταύτῃ τίθεται μόνῃ. ἐλογιζόμην οὖν, ὅτι μοι πολλοῦ καὶ τοῦ παντὸσ δεήσει πιστὸσ εἶναι ὁ λόγοσ, εἰ τοσοῦτον ἔφην μόνον, ὅτι παρῆκαν οἱ πατρίκιοι τοῖσ δημοτικοῖσ τὴν ἑαυτῶν δυναστείαν, καὶ ἐξὸν αὐτοῖσ ἐν ἀριστοκρατίᾳ πολιτεύεσθαι τὸν δῆμον ἐποίησαν τῶν μεγίστων κύριον, δι’ ἃσ δὲ συνεχωρήθη ταῦτ’ αἰτίασ παρέλιπον·

διὰ τοῦτ’ ἐπεξῆλθον ἁπάσασ.

καὶ ἐπειδὴ οὐχ ὅπλοισ ἀλλήλουσ βιασάμενοι καὶ προσαναγκάσαντεσ, ἀλλὰ λόγοισ πείσαντεσ μεθήρμοσαν, παντὸσ μάλιστ’ ἀναγκαῖον ἡγησάμην εἶναι τοὺσ λόγουσ αὐτῶν διεξελθεῖν, οἷσ τότ’ οἱ δυναστεύσαντεσ ἐν ἑκατέροισ ἐχρήσαντο.

θαυμάσαιμι δ’ ἄν, εἴ τινεσ τὰσ ἐν τοῖσ πολέμοισ πράξεισ ἀκριβῶσ οἰόνται δεῖν ἀναγράφειν, καὶ περὶ μίαν ἔστιν ὅτε μάχην πολλοὺσ ἀναλίσκουσι λόγουσ, τόπων τε φύσεισ καὶ ὁπλισμῶν ἰδιότητασ καὶ τάξεων τρόπουσ καὶ στρατηγῶν παρακλήσεισ καὶ τἆλλα διεξιόντεσ ὅσα τῆσ νίκησ αἴτια τοῖσ ἑτέροισ ἐγένετο· δἰ ὧν αἱ παράδοξοι καὶ θαυμασταὶ πράξεισ ἐπετελέσθησαν.

εἰ γάρ τι καὶ ἄλλο τῆσ Ῥωμαίων πόλεωσ μέγα ἐγκώμιόν ἐστι καὶ ζηλοῦσθαι ὑπὸ πάντων ἀνθρώπων ἄξιον κἀκεῖνο ἐγένετο κατ’ ἐμὴν δόξαν τὸ ἔργον, μᾶλλον δ’ ὑπὲρ ἅπαντα πολλὰ καὶ θαυμαστὰ ὄντα λαμπρότατον, τὸ μήτε τοὺσ δημοτικοὺσ καταφρονήσαντασ τῶν πατρικίων ἐπιχειρῆσαι αὐτοῖσ, καὶ πολὺν ἐργασαμένουσ τῶν κρατίστων φόνον ἅπαντα τἀκείνων παραλαβεῖν, μήτε τοὺσ ἐν τοῖσ ἀξιώμασιν ἢ διὰ σφῶν αὐτῶν ἢ ξενικαῖσ ἐπικουρίαισ χρησαμένουσ διαφθεῖραι τὸ δημοτικὸν ἅπαν καὶ τὸ λοιπὸν οἰκεῖν ἀδεῶσ τὴν πόλιν·

ἀλλ’ ὥσπερ ἀδελφοὺσ ἀδελφοῖσ ἢ παῖδασ γονεῦσιν ἐν οἰκίᾳ σώφρονι περὶ τῶν ἴσων καὶ δικαίων διαλεγομένουσ πειθοῖ καὶ λόγῳ διαλύεσθαι τὰ νείκη, ἀνήκεστον δ’ ἢ ἀνόσιον ἔργον μηθὲν ὑπομεῖναι δρᾶσαι κατ’ ἀλλήλων·

οἱᾶ Κερκυραῖοί τε κατὰ τὴν στάσιν εἰργάσαντο καὶ Ἀργεῖοι καὶ Μιλήσιοι καὶ Σικελία πᾶσα καὶ συχναὶ ἄλλαι πόλεισ. ἐγὼ μὲν οὖν διὰ ταῦτα προειλόμην ἀκριβεστέραν μᾶλλον ἢ βραχυτέραν ποιήσασθαι τὴν διήγησιν· κρινέτω δ’ ἕκαστοσ ὡσ βούλεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 66

(디오니시오스, Antiquitates Romanae, Books VII-IX, book 7, chapter 66)

상위

목록

SEARCH

MENU NAVIGATION