Dionysius of Halicarnassus, Antiquitates Romanae, Books VII-IX, book 7, chapter 5

(디오니시오스, Antiquitates Romanae, Books VII-IX, book 7, chapter 5)

εἰκοστῷ δ’ ὕστερον ἔτει τῆσ πρὸσ τοὺσ βαρβάρουσ μάχησ ἦλθον ὡσ τοὺσ Κυμαίουσ Ἀρικηνῶν πρέσβεισ σὺν ἱκετηρίαισ ἀξιοῦντεσ αὐτοὺσ βοηθῆσαι σφίσιν ὑπὸ Τυρρηνῶν πολεμουμένοισ. μετὰ γὰρ τὰσ διαλλαγάσ, ἃσ ἐποιήσατο πρὸσ τὴν Ῥωμαίων πόλιν ὁ βασιλεὺσ τῶν Τυρρηνῶν Πορσίνασ, τὸν υἱὸν Ἄρροντα δοὺσ τὴν ἡμίσειαν τῆσ στρατιᾶσ ἔπεμψεν ἰδίαν ἀρχὴν κτήσασθαι βουλόμενον, ὡσ ἐν τοῖσ πρὸ τούτου δεδήλωκα λόγοισ· ὃσ ἐπολιόρκει τότε τοὺσ Ἀρικηνοὺσ καταπεφευγότασ εἰσ τὸ τεῖχοσ καὶ οὐ διὰ μακροῦ λιμῷ τὴν πόλιν αἱρήσειν ᾤετο. ταύτησ τῆσ πρεσβείασ ἀφικομένησ οἱ προεστηκότεσ τῆσ ἀριστοκρατίασ μισοῦντεσ τὸν Ἀριστόδημον καὶ δεδιότεσ, μή τι κακὸν ἐξεργάσηται περὶ τὴν πολιτείαν, κάλλιστον ὑπέλαβον εἰληφέναι καιρὸν ἐκποδὼν αὐτὸν ποιήσασθαι σὺν εὐσχήμονι προφάσει.

πείσαντεσ δὴ τὸν δῆμον ἀποστεῖλαι Ἀρικηνοῖσ δισχιλίουσ ἄνδρασ ἐπὶ συμμαχίαν, καὶ στρατηγὸν ἀποδείξαντεσ τὸν Ἀριστόδημον ὡσ δὴ τὰ πολέμια λαμπρόν, τὰ μετὰ ταῦτ’ ἔπραττον, ἐξ ὧν ἢ κατακοπήσεσθαι μαχόμενον ὑπὸ τῶν Τυρρηνῶν αὐτὸν ὑπελάμβανον ἢ κατὰ πέλαγοσ διαφθαρήσεσθαι.

γενόμενοι γὰρ ὑπὸ τῆσ βουλῆσ κύριοι καταλέξαι τοὺσ ἐπὶ τὴν συμμαχίαν ἐξελευσομένουσ τῶν μὲν ἐπισήμων καὶ λόγου ἀξίων οὐδένα κατέγραψαν, ἐπιλέξαντεσ δὲ τοὺσ ἀπορωτάτουσ τε καὶ πονηροτάτουσ τῶν δημοτικῶν, ἐξ ὧν ἀεί τινασ ὑπώπτευον νεωτερισμούσ, ἐκ τούτων συνεπλήρωσαν τὸν ἀπόστολον·

καὶ ναῦσ δέκα παλαιὰσ κάκιστα πλεούσασ καθελκύσαντεσ, ὧν ἐτριηράρχουν οἱ πενέστατοι Κυμαίων, εἰσ ταύτασ αὐτοὺσ ἐνεβίβασαν θάνατον ἀπειλήσαντεσ, ἐάν τισ ἀπολειφθῇ τῆσ στρατείασ.

일치하는 문장이 없습니다.

SEARCH

MENU NAVIGATION