Dionysius of Halicarnassus, Antiquitates Romanae, Books VII-IX, book 7, chapter 8

(디오니시오스, Antiquitates Romanae, Books VII-IX, book 7, chapter 8)

ταῦτ’ εἰπὼν καὶ θαυμαστῶν ἅπαντασ ἐμπλήσασ ἐλπίδων τοὺσ δημοτικοὺσ δύο τὰ κάκιστα τῶν ἐν ἀνθρώποισ καθίσταται πολιτευμάτων, οἷσ ἅπασα χρῆται προοιμίοισ τυραννίσ, γῆσ ἀναδασμὸν καὶ χρεῶν ἄφεσιν· τούτων δὲ τὴν ἐπιμέλειαν αὐτὸσ ἀμφοτέρων ὑπισχνεῖται ποιήσεσθαι στρατηγὸσ ἀποδειχθεὶσ αὐτοκράτωρ, ἑώσ ἐν ἀσφαλεῖ τὰ κοινὰ γένηται καὶ δημοκρατικὴν καταστήσωνται πολιτείαν. ἀσμένωσ δὲ τοῦ δημοτικοῦ καὶ πονηροῦ πλήθουσ τὴν ἁρπαγὴν τῶν ἀλλοτρίων δεξαμένου λαβὼν τὴν αὐτοκράτορα ἀρχὴν αὐτὸσ παρ’ ἑαυτοῦ ἕτερον ἐπιφέρει βούλευμα, δι’ οὗ παρακρουσάμενοσ αὐτοὺσ ἁπάντων ἀφείλετο τὴν ἐλευθερίαν.

σκηψάμενοσ γὰρ ὑποπτεύειν ταραχὰσ καὶ ἐπαναστάσεισ ἐκ τῶν πλουσίων εἰσ τοὺσ δημοτικοὺσ διὰ τὸν ἀναδασμὸν τῆσ γῆσ καὶ τὰσ τῶν δανείων ἀφέσεισ, ἵνα μὴ γένοιτο πόλεμοσ ἐμφύλιοσ μηδὲ φόνοι πολιτικοί, μίαν εὑρίσκειν ἔφη πρὶν εἰσ τὰ δεινὰ ἐλθεῖν φυλακήν, εἰ τὰ ὅπλα προενέγκαντεσ ἐκ τῶν οἰκιῶν ἅπαντεσ τοῖσ θεοῖσ καθιερώσειαν, ἵνα κατὰ τῶν ἔξωθεν ἐπιόντων πολεμίων ἔχοιεν αὐτοῖσ, ὅταν ἀνάγκη τισ καταλάβῃ, χρῆσθαι καὶ μὴ καθ’ ἑαυτῶν, κεῖσθαι δ’ αὐτὰ τέωσ παρὰ τοῖσ θεοῖσ ἐν καλῷ.

ὡσ δὲ καὶ τοῦτ’ ἐπείσθησαν, αὐθημερὸν ἁπάντων παρελόμενοσ Κυμαίων τὰ ὅπλα ταῖσ ἑξῆσ ἡμέραισ ἔρευναν ἐποιεῖτο τῶν οἰκιῶν, ἐν αἷσ πολλοὺσ καὶ ἀγαθοὺσ ἀποκτείνασ τῶν πολιτῶν, ὡσ οὐχ ἅπαντα τοῖσ θεοῖσ ἀποδείξαντασ τὰ ὅπλα, μετὰ ταῦτα φυλακαῖσ τρισὶ κρατύνεται τὴν τυραννίδα·

ὧν ἦν μία μὲν ἐκ τῶν ῥυπαρωτάτων πολιτῶν, μεθ’ ὧν κατέλυσε τὴν ἀριστοκρατικὴν πολιτείαν, ἑτέρα δ’ ἐκ τῶν ἀνοσιωτάτων δούλων, οὓσ αὐτὸσ ἠλευθέρωσεν ἀποκτείναντασ τοὺσ αὑτῶν δεσπότασ, τρίτη δὲ μισθοφόροσ ἐκ τῶν ἀγριωτάτων βαρβάρων· οὗτοι δισχιλίων οὐκ ἐλάττουσ ἦσαν καὶ τὰ πολέμια μακρῷ τῶν ἄλλων ἀμείνουσ.

ὧν δ’ ἀπέκτεινεν ἀνδρῶν τὰσ εἰκόνασ ἀνελὼν ἐκ παντὸσ ἱεροῦ καὶ βεβήλου τόπου, φέρων εἰσ τοὺσ αὐτοὺσ τόπουσ τὰσ ἰδίασ ἀντ’ ἐκείνων ἀνέστησεν·

οἰκίασ δ’ αὐτῶν καὶ κλήρουσ καὶ τὴν λοιπὴν ὕπαρξιν ἀναλαβών, ἐξελόμενοσ χρυσὸν καὶ ἄργυρον καὶ εἴ τι ἄλλο τυραννίδοσ ἦν ἄξιον κτῆμα, τὰ λοιπὰ τοῖσ συγκατασκευάσασι τὴν ἀρχὴν ἐχαρίσατο, πλείστασ δὲ καὶ μεγίστασ δωρεὰσ τοῖσ ἀποκτείνασι τοὺσ ἑαυτῶν δεσπότασ ἐδίδου· οἱ δ’ ἠξίουν ἔτι καὶ γυναιξὶ τῶν δεσποτῶν καὶ θυγατράσι συνοικεῖν.

일치하는 문장이 없습니다.

SEARCH

MENU NAVIGATION