Dionysius of Halicarnassus, Antiquitates Romanae, Books VII-IX, book 7, chapter 6

(디오니시오스, Antiquitates Romanae, Books VII-IX, book 7, chapter 6)

ὁ δ’ Ἀριστόδημοσ τοσοῦτον εἰπὼν μόνον, ὡσ οὐ λέληθεν αὐτὸν ἡ διάνοια τῶν ἐχθρῶν, ὅτι λόγῳ μὲν ἐπὶ συμμαχίαν αὐτὸν ἀποστέλλουσιν, ἔργῳ δ’ εἰσ προὖπτον ὄλεθρον, δέχεται μὲν τὴν στρατηγίαν, ἀναχθεὶσ δ’ ἅμα τοῖσ πρέσβεσι τῶν Ἀρικηνῶν διὰ ταχέων καὶ τὸ μεταξὺ πέλαγοσ ἐπιπόνωσ καὶ κινδυνωδῶσ διανύσασ ὁρμίζεται κατὰ τοὺσ ἔγγιστα τῆσ Ἀρικείασ αἰγιαλούσ· καὶ καταλιπὼν ἐν ταῖσ ναυσὶ φυλακὴν ἀποχρῶσαν ἐν τῇ πρώτῃ νυκτὶ τὴν ἀπὸ θαλάσσησ ὁδὸν οὐ πολλὴν οὖσαν διανύσασ ἐπιφαίνεται τοῖσ Ἀρικηνοῖσ περὶ τὸν ὄρθρον ἀπροσδόκητοσ. θέμενοσ δὲ πλησίον αὐτῶν τὸν χάρακα καὶ τοὺσ καταπεφευγότασ εἰσ τὰ τείχη πείσασ προελθεῖν εἰσ ὕπαιθρον προὐκαλεῖτο τοὺσ Τυρρηνοὺσ εὐθὺσ εἰσ μάχην.

γενομένου δ’ ἐκ παρατάξεωσ ἀγῶνοσ καρτεροῦ οἱ μὲν Ἀρικηνοὶ βραχὺν πάνυ διαμείναντεσ χρόνον ἐνέκλιναν ἀθρόοι, καὶ γίνεται πάλιν εἰσ τὸ τεῖχοσ αὐτῶν φυγή· αὐτὸν λογάσι Κυμαίων ὀλίγοισ οὖσι πᾶν τὸ τοῦ πολέμου βάροσ ὑποστὰσ καὶ τὸν ἡγεμόνα τῶν Τυρρηνῶν αὐτοχειρίᾳ κτείνασ τρέπει τοὺσ ἄλλουσ εἰσ φυγὴν καὶ νίκην ἀναιρεῖται πασῶν λαμπροτάτην.

διαπραξάμενοσ δὲ ταῦτα καὶ τιμηθεὶσ ὑπὸ τῶν Ἀρικηνῶν πολλαῖσ δωρεαῖσ ἀπέπλει διὰ ταχέων αὐτὸσ ἄγγελοσ τοῖσ Κυμαίοισ τῆσ αὑτοῦ νίκησ βουλόμενοσ γενέσθαι·

εἵποντο δ’ αὐτῷ πολλαὶ πάνυ τῶν Ἀρικηνῶν ὁλκάδεσ τὰ λάφυρα καὶ τοὺσ αἰχμαλώτουσ τῶν Τυρρηνῶν ἄγουσαι. ὡσ δὲ πλησίον ἐγένοντο τῆσ Κύμησ, ὁρμίσασ τὰσ ναῦσ ἐκκλησίαν τοῦ στρατοῦ ποιεῖται, καὶ πολλὰ μὲν τῶν προεστηκότων τῆσ πόλεωσ κατηγορήσασ, πολλοὺσ δὲ τῶν ἀνδραγαθησάντων κατὰ τὴν μάχην ἐπαίνουσ διελθὼν ἀργύριόν τε διαδοὺσ αὐτοῖσ κατ’ ἄνδρα καὶ τὰσ παρὰ τῶν Ἀρικηνῶν δωρεὰσ εἰσ κοινὸν ἅπασι καταθεὶσ ἠξίου μεμνῆσθαι τῶν εὐεργεσιῶν, ἂν καταπλεύσωσιν εἰσ τὴν πατρίδα, καὶ ἄν τισ αὐτῷ ποτε συμβαίνῃ κίνδυνοσ ἐκ τῆσ ὀλιγαρχίασ ὡσ δύναμισ ἑκάστῳ βοηθεῖν.

ἁπάντων δὲ πολλὰσ ὁμολογούντων αὐτῷ χάριτασ εἰδέναι τῆσ τ’ ἀνελπίστου σωτηρίασ, ἣν δι’ ἐκεῖνον ἔσχον, καὶ τῆσ ἐπὶ τὰ οἰκεῖα οὐ σὺν κεναῖσ χερσὶν ἀφίξεωσ, καὶ τὰσ ἑαυτῶν ψυχὰσ θᾶττον ἢ τὴν ἐκείνου προήσεσθαι τοῖσ ἐχθροῖσ ἐπαγγειλαμένων, ἐπαινέσασ αὐτοὺσ ἀπέλυσε τὴν ἐκκλησίαν.

καὶ μετὰ τοῦτο καλῶν εἰσ τὴν αὑτοῦ σκηνὴν τοὺσ πονηροτάτουσ ἐξ αὐτῶν καὶ κατὰ χεῖρα γενναιοτάτουσ δωρεῶν τε δόσει καὶ λόγων φιλανθρωπίᾳ καὶ ταῖσ ἅπαντασ ἐξαπατώσαισ ἐλπίσι διαφθείρασ, ἑτοίμουσ ἔσχε συγκαταλῦσαι τὴν καθεστῶσαν πολιτείαν.

일치하는 문장이 없습니다.

SEARCH

MENU NAVIGATION