Dionysius of Halicarnassus, Antiquitates Romanae, Books VII-IX, book 7, chapter 28

(디오니시오스, Antiquitates Romanae, Books VII-IX, book 7, chapter 28)

ἡ μὲν ὑπὲρ τῆσ σιτοδείασ ἀπολογία πάνυ βραχεῖά ἐστιν, ὦ δημόται, καὶ οὐκ ἄλλουσ τινὰσ παρεξόμεθα ὧν ἂν λέγωμεν ἢ ὑμᾶσ μάρτυρασ. τήν τε γὰρ ἀφορίαν τῶν σιτικῶν καρπῶν ἐπίστασθε δήπου καὶ αὐτοὶ διὰ τὸν ἐκλειφθέντα σπόρον γενομένην· τήν τ’ ἄλλην καταφθορὰν τῆσ χώρασ οὐ παρ’ ἑτέρων ὑμᾶσ δεῖ μαθεῖν, ἀφ’ ἧσ αἰτίασ συνέβη,. καὶ ὡσ τελευτῶσα ἡ πλείστη τε καὶ ἀρίστη γὴ πάντων ἐσπάνικε καρπῶν τε καὶ ἀνδραπόδων καὶ βοσκημάτων τὰ μὲν ὑπὸ τῶν πολεμίων διαρπαζομένη, τὰ δ’ ὑμῖν μὴ ἐπιχορηγοῦσα τοσούτοισ οὖσι καὶ μηδεμίαν ἄλλην ἀποστροφὴν ἔχουσιν. ὥστ’ οὐκ ἐξ ὧν οἱ δημαγωγοὶ διαβάλλουσιν, ἀλλ’ ἐξ ὧν αὐτοὶ ἴστε, τὸν λιμὸν ἡγούμενοι γεγονέναι παύσασθε προσάπτοντεσ ἐπιβουλὴν ἡμετέραν τῷ πάθει καὶ δἰ ὀργῆσ ἔχοντεσ ἡμᾶσ οὐθὲν ἀδικοῦντασ.

αἱ δ’ ἀποστολαὶ τῶν κληρούχων ἐκ τοῦ ἀναγκαίου ἐγένοντο, κοινῇ δόξαν ὑμῖν ἅπασι διὰ φυλακῆσ ἔχειν χωρία εἰσ πόλεμον ἐπιτήδεια, καὶ μεγάλα ὤνησαν ἐν καιρῷ σφόδρα ἀναγκαίῳ γενόμεναι τούσ τ’ ἐξιόντασ καὶ τοὺσ ὑπολειπομένουσ ὑμῶν.

οἱ μὲν γὰρ ἀφθονωτέρων εὐποροῦσιν ἐκεῖ τῶν ἐπιτηδείων· οἱ δ’ ἐνθάδε ὑπομείναντεσ ἧττον σπανίζουσι τῆσ ἀγορᾶσ·

ἥ τ’ ἰσομοιρία τῆσ τύχησ ἧσ μετέσχομεν ὑμῖν τοῖσ δημοτικοῖσ οἱ πατρίκιοι κλήρῳ ποιησάμενοι τὴν ἔξοδον, οὐ ψέγεται.

일치하는 문장이 없습니다.

SEARCH

MENU NAVIGATION