헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 35)

τοιγάρτοι λέγοντόσ τ’ αὐτοῦ μεταξὺ πολὺσ θόρυβοσ ἐγίνετο τῇδε καὶ τῇδε θαμινὰ μεθελκομένοισ, ὡσ ἐν διαφόροισ, πλήθεσι καὶ οὐ ταὐτὰ βουλομένοισ, τῶν μὲν ἡδομένων ἐπὶ τοῖσ λόγοισ αὐτοῦ, τῶν δὲ πάλιν ἀχθομένων. καὶ ἐπειδὴ ἐπαύσατο λέγων, ἔτι πλείων ἀνέστη βοὴ καὶ θόρυβοσ. οἱ μὲν γὰρ πατρίκιοι κράτιστον ἀνδρῶν λέγοντεσ ἐπῄνουν αὐτὸν ἐπὶ τῇ παρρησίᾳ καὶ μόνον ἀπέφαινον ἐξ ἁπάντων σφῶν ἐλεύθερον, ὃσ οὔτε πολεμίων ἔδεισεν ἐπιόντων ὄχλον οὔτε πολιτῶν αὐθάδεισ καὶ παρανόμουσ ἐκολάκευσεν ὁρμάσ·

βαρὺν καὶ πικρὸν καὶ πολεμίων ἁπάντων ἔχθιστον αὐτὸν ἀπεκάλουν.

προθυμίαν δὲ πολλὴν εἶχόν τινεσ ἤδη, οἷσ πολὺ προσῆν τὸ εὐχερέσ, ἐν χειρῶν αὐτὸν διαφθεῖραι νόμῳ.

συνήργουν δ’ αὐτοῖσ εἰσ τοῦτο καὶ συνελάμβανον οἱ δήμαρχοι, καὶ μάλιστα Σικίννιοσ ἐνεδίδου τοῖσ βουλήμασι τὰσ ἡνίασ. τελευτῶν γοῦν, ἐπειδὴ πολλὴν αὐτοῦ καταδρομὴν ἐποιήσατο καὶ τοὺσ θυμοὺσ ἐξέκαυσε τῶν δημοτῶν, πολὺσ ἐμπνεύσασ τῇ κατηγορίᾳ τέλοσ ἐξήνεγκεν, ὅτι θάνατον αὐτοῦ καταψηφίζεται τὸ ἀρχεῖον τῆσ εἰσ τοὺσ ἀγορανόμουσ ὕβρεωσ ἕνεκεν, οὓσ τῇ προτέρᾳ τῶν ἡμερῶν ἄγειν αὐτὸν κελευσθέντασ ὑφ’ αὑτῶν τύπτων ἀπήλασεν· οὐ γὰρ ἑτέρων τινῶν εἶναι τὸν προπηλακισμὸν τὸν εἰσ τοὺσ ὑπηρέτασ σφῶν γενόμενον ἢ τῶν κελευσάντων. καὶ ταῦτ’ εἰπὼν ἐπέταξεν ἄγειν αὐτὸν ἐπὶ τὸν ὑπερκείμενον τῆσ ἀγορᾶσ λόφον·

ἔστι δὲ τὸ χωρίον κρημνὸσ ἐξαίσιοσ, ὅθεν αὐτοῖσ ἔθοσ ἦν βάλλειν τοὺσ ἐπιθανατίουσ.

οἱ μὲν οὖν ἀγορανόμοι προσῄεσαν ὡσ ἐπιληψόμενοι τοῦ σώματοσ, οἱ δὲ πατρίκιοι μέγα ἐμβοήσαντεσ ὡρ́μησαν ἐπ’ αὐτοὺσ ἀθρόοι· ἔπειθ’ ὁ δῆμοσ ἐπὶ τοὺσ πατρικίουσ· καὶ ἦν πολλὴ μὲν ἔργων ἀκοσμία, πολλὴ δὲ λόγων ὕβρισ παρ’ ἀμφοῖν, ὠθισμοί τε καὶ χειρῶν ἐπιβολαί. κατελήφθη δὲ καὶ σωφρονεῖν ἠναγκάσθη τὰ παρακινοῦντα ὑπὸ τῶν ὑπάτων βιασαμένων εἰσ μέσουσ καὶ τοῖσ ῥαβδούχοισ ἀναστέλλειν κελευσάντων τοὺσ ὄχλουσ· τοσαύτη ἄρα τῆσ ἀρχῆσ αἰδὼσ ἦν τοῖσ τότε ἀνθρώποισ, καὶ οὕτω τίμιον τὸ τῆσ βασιλικῆσ ἐξουσίασ μίμημα.

ἐφ’ οἷσ ὁ Σικίννιοσ ἀδημονῶν καὶ διαταραττόμενοσ εὐλαβείασ τε μεστὸσ ὤν, μὴ προσαναγκάσῃ τοὺσ διαφόρουσ τοῖσ βιαίοισ τὰ βίαια λῦσαι, ἀποστῆναι τ’ οὐκ ἀξιῶν τοῦ ἐγχειρήματοσ, ἐπειδὴ ἅπαξ ἐπεβάλετο, καὶ μένειν ἐφ’ οἷσ ἔκρινεν οὐ δυνατὸσ ὤν, πολὺσ ἐν τῷ σκοπεῖν, ὅ τι πρακτέον ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 35

(디오니시오스, Antiquitates Romanae, Books VII-IX, book 7, chapter 35)

상위

목록

SEARCH

MENU NAVIGATION