헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 48)

ἐβουλόμην μὲν ἂν ἔγωγε καὶ τοῖσ θεοῖσ ηὐξάμην πολλάκισ ἐμαυτὸν μὲν ἁμαρτεῖν τῆσ γνώμησ, ἣν εἶχον ὑπὲρ τῶν πρὸσ τὸν δῆμον διαλύσεων, ὡσ οὔτε καλὴν καὶ δικαίαν οὔτε συμφέρουσαν ἡμῖν ὑπελάμβανον ἔσεσθαι τὴν τῶν φυγάδων κάθοδον καὶ διὰ παντόσ, ὁσάκισ περὶ τούτου προὐτέθη σκοπεῖν, πρῶτόσ τε τῶν ἄλλων καὶ τελευτῶν μόνοσ, ἐπειδὴ οἱ λοιποὶ ἀπέστησαν, ἠναντιούμην· ὑμᾶσ δ’, ὦ βουλή, τοὺσ ἐπὶ τὰ κρείττω τὴν ἐλπίδα λαμβάνοντασ καὶ πάντα τῷ δήμῳ δίκαιά τε καὶ ἄδικα προθύμωσ χαριζομένουσ ἄμεινον ἐμοῦ δόξαι φρονεῖν.

ἐπειδὴ δ’ οὐχ, ὡσ ἐβουλόμην τε καὶ τοῖσ θεοῖσ ηὐχόμην, τὰ πράγματα ὑμῖν κεχώρηκεν, ἀλλ’ ὡσ ᾤμην, καὶ περιεστήκασιν αἱ χάριτεσ ὑμῖν εἰσ φθόνουσ καὶ μίση, τὸ μὲν ἐπιτιμᾶν τοῖσ ἡμαρτημένοισ ὑμῖν καὶ λυπεῖν ὑμᾶσ διὰ κενῆσ, ὃ ῥᾷστόν ἐστι καὶ πᾶσιν ὡσ τὰ πολλὰ ποιεῖν σύνηθεσ, οὐκ ἐν καιρῷ νυνὶ γενησόμενον ὁρῶν ἐάσω.

ἐξ ὧν δὲ τά τε παρελθόντα ἐπανορθωσόμεθα, ὅσα μὴ παντάπασιν ἀνιάτωσ ἔχει, καὶ περὶ τῶν παρόντων ἄμεινον φρονήσομεν, ταῦτα πειράσομαι λέγειν. μαίνεσθαι καὶ θανατᾶν δόξω τισὶν ὑμῶν γνώμην περὶ τούτων ἐλευθέραν ἀποφαινόμενοσ ἐνθυμουμένοισ, ἡλίκουσ ἔχει κινδύνουσ ὁ μετὰ παρρησίασ λόγοσ, καὶ τὰσ Μαρκίου συμφοράσ, ὃσ οὐ δι’ ἕτερόν τι νυνὶ τὸν ὑπὲρ τῆσ ψυχῆσ ἀγῶνα τρέχει, λογιζομένοισ.

ἀλλ’ οὐκ οἰόμαι δεῖν τῆσ ἰδίασ ἀσφαλείασ πλείω ποιεῖσθαι πρόνοιαν ἢ τῆσ κοινῆσ ὠφελείασ.

δέδοται γὰρ ἤδη τοῖσ ὑπὲρ ὑμῶν κινδύνοισ τὸ σῶμα τοὐμόν, ὦ βουλή, καὶ καθωσίωται τοῖσ ὑπὲρ τῆσ πόλεωσ ἀγῶσιν, ὥστε ὅ τι ἂν τῷ δαίμονι δοκῇ, μετὰ πάντων τε καὶ σὺν ὀλίγοισ, εἰ δ’ ἀνάγκη καὶ μόνοσ εὐγενῶσ πείσομαι· ἑώσ δ’ ἂν ἔχω τὴν ψυχήν, οὐδείσ με ἀφέξει φόβοσ μὴ οὐχ ἃ φρονῶ λέγειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 48

(디오니시오스, Antiquitates Romanae, Books VII-IX, book 7, chapter 48)

상위

목록

SEARCH

MENU NAVIGATION