Dionysius of Halicarnassus, Antiquitates Romanae, Books VII-IX, book 7, chapter 73

(디오니시오스, Antiquitates Romanae, Books VII-IX, book 7, chapter 73)

λοιπὸν δ’ ἔτι μοι καὶ περὶ τῶν ἀγώνων, οὓσ μετὰ τὴν πομπὴν ἐπετέλουν, ὀλίγα διελθεῖν. πρῶτοσ ὁ τῶν τεθρίππων τε καὶ συνωρίδων καὶ τῶν ἀζεύκτων ἵππων ἐγίνετο δρόμοσ, ὡσ παρ’ Ἕλλησι τὸ ἀρχαῖον Ὀλυμπίασί τε καὶ μέχρι τοῦ παρόντοσ. ἐν δὲ ταῖσ ἱππικαῖσ ἁμίλλαισ ἐπιτηδεύματα δύο τῶν πάνυ παλαιῶν ὡσ ἐξ ἀρχῆσ ἐνομοθετήθη φυλαττόμενα ὑπὸ Ῥωμαίων μέχρι τῶν κατ’ ἐμὲ διάκειται χρόνων, τό τε περὶ τὰ τρίπωλα τῶν ἁρμάτων, ὃ παρ’ Ἕλλησι μὲν ἐκλέλοιπεν, ἀρχαῖον ὄν ἐπιτήδευμα καὶ ἡρωικόν, ᾧ ποιεῖ τοὺσ Ἕλληνασ Ὅμηροσ ἐν ταῖσ μάχαισ χρωμένουσ·

δυσὶ γὰρ ἵπποισ ἐζευγμένοισ, ὃν τρόπον ζεύγνυται συνωρίσ, τρίτοσ παρείπετο σειραῖοσ ἵπποσ ῥυτῆρι συνεχόμενοσ, ὃν ἀπὸ τοῦ παρῃωρῆσθαί τε καὶ μὴ συνεζεῦχθαι παρῄορον ἐκάλουν οἱ παλαιοί·

ἕτερον δὲ παρ’ ὀλίγαισ ἔτι φυλαττόμενον πόλεσιν Ἑλληνίσιν ἐν ἱερουργίαισ τισὶν ἀρχαϊκαῖσ, ὁ τῶν παρεμβεβηκότων τοῖσ ἁρ́μασι δρόμοσ.

ὅταν γὰρ τέλοσ αἱ τῶν ἱππέων ἅμιλλαι λάβωνται, ἀποπηδῶντεσ ἀπὸ τῶν ἁρμάτων οἱ παροχούμενοι τοῖσ ἡνιόχοισ, οὓσ οἱ ποιηταὶ μὲν παραβάτασ, Ἀθηναῖοι δὲ καλοῦσιν ἀποβάτασ, τὸν σταδιαῖον ἁμιλλῶνται δρόμον αὐτοὶ πρὸσ ἀλλήλουσ.

τελεσθέντων δὲ τῶν ἱππικῶν δρόμων οἱ τοῖσ ἑαυτῶν σώμασιν ἀγωνιζόμενοι τότ’ εἰσῄεσαν δρομεῖσ τε καὶ πύκται καὶ παλαισταί. τρία γὰρ ἀθλήματα παρὰ τοῖσ ἀρχαίοισ Ἕλλησι ταῦτ’ ἦν, ὡσ Ὅμηροσ ἐπὶ τῇ Πατρόκλου δηλοῖ ταφῇ.

ἐν δὲ τοῖσ διὰ μέσου τῶν ἀθλημάτων χρόνοισ Ἑλληνικώτατον καὶ κράτιστον ἁπάντων ἐθῶν ἀπεδείκνυντο, στεφανώσεισ καὶ ἀναρρήσεισ ποιούμενοι τιμῶν, αἷσ ἐτίμων τοὺσ ἑαυτῶν εὐεργέτασ, ὡσ Ἀθήνησιν ἐν ταῖσ Διονυσιακαῖσ ἐγίνετο θυσίαισ, καὶ σκύλων, ὅσων ἐκ πολέμων λάβοιεν, ἐπιδείξεισ τοῖσ εἰσ θέαν συνεληλυθόσιν.

ἀλλὰ γὰρ ὑπὲρ μὲν τούτων οὔτε μηθένα ποιήσασθαι λόγον ἀπαιτούσησ τῆσ ὑποθέσεωσ καλῶσ εἶχεν, οὔτε μηκύνειν πέρα τοῦ δέοντοσ ἡρ́μοττε.

καιρὸσ δ’ ἐπὶ τὴν ἀπολειπομένην διήγησιν ἐπανάγειν.

ὡσ γὰρ δὴ τὰ περὶ τὸν ἀπαχθέντα ἐπὶ τιμωρίαν ὑπὸ τοῦ δεσπότου καὶ προηγησάμενον τῆσ πομπῆσ ἔμαθεν ἡ βουλὴ παρὰ τοῦ τὸ πραχθὲν ἀνανεωσαμένου, τοῦτον ὑπολαβοῦσα ὑπὸ τοῦ θεοῦ λέγεσθαι τὸν οὐ καλὸν ἔπαρχον τῶν ὀρχηστῶν, ὥσπερ ἔφην, ἀναζητήσασα τὸν τῷ θεράποντι λωβησάμενον καὶ ζημίαν ἐπιβαλοῦσα, ἧσ ἄξιοσ ἦν, ἑτέραν ἐψηφίσατο τῷ θεῷ πομπὴν ἐπιτελεσθῆναι καὶ ἀγῶνασ ἐξ ἀρχῆσ ἑτέρουσ ἀπὸ διπλασίων χρημάτων ἢ πρότερον ἐγένοντο. καὶ τὰ μὲν ἐπὶ τούτων συντελεσθέντα τῶν ὑπάτων τοιάδε ἦν.

일치하는 문장이 없습니다.

SEARCH

MENU NAVIGATION