헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 14)

ἐγένετο δ’ οὐδὲν τῶν ἐκ λογισμοῦ τοῖσ πατρικίοισ κατὰ γοῦν τὴν ἐλπίδα λωφήσειν τὴν στάσιν, ἀλλ’ οἱ περιλειφθέντεσ ἔτι χείρουσ ταῖσ ὀργαῖσ ἦσαν καὶ πολλῇ τῇ καταβοῇ τῶν βουλευτῶν ἐχρῶντο κατά τε συστροφὰσ καὶ ἑταιρίασ, ὀλίγοι μὲν συνιόντεσ τὸ πρῶτον, ἔπειτ’ ἀθρόοι συντονωτέρασ ἤδη γινομένησ τῆσ ἀπορίασ καὶ συνδραμόντεσ εἰσ τὴν ἀγορὰν τοὺσ δημάρχουσ ἐβόων. μάλιστα δὲ τὸν Σικίνιον καὶ τὸν Βροῦτον ἀγορανόμουσ τότ’ ὄντασ ἀνακαλῶν ἑκάτερον ἐξ ὀνόματοσ, οἳ καὶ τῆσ πρώτησ ἀποστάσεωσ τῷ δήμῳ ἦρξαν, καὶ τὴν δημαρχικὴν ἐξουσίαν εἰσηγησάμενοι πρῶτοι αὐτῆσ ἔτυχον.

παρελθόντεσ δ’ οὗτοι τοὺσ κακοηθεστάτουσ τῶν λόγων ἐκ πολλοῦ παρεσκευασμένοι διεξῄεσαν, ἃ τοῖσ πολλοῖσ ἀκούειν ἦν βουλομένοισ, ὡσ ἐκ προνοίασ τε καὶ ἐπιβουλῆσ ὑπὸ τῶν πλουσίων γένοιθ’ ἡ περὶ τὸν σῖτον ἀπορία, ἐπειδὴ τὴν ἐλευθερίαν ἀκόντων ἐκείνων ὁ δῆμοσ ἐκ τῆσ ἀποστάσεωσ εὑρ́ετο.

ἰσομοιρεῖν τ’ οὐδὲ κατὰ μικρὸν ἀπέφαινον τῆσ συμφορᾶσ τοῖσ πένησι τοὺσ εὐπόρουσ·

ἐκείνοισ μὲν γὰρ εἶναι καὶ τροφὰσ ἐν ἀφανεῖ ἀποκειμένασ καὶ χρήματα, οἷσ ὠνούμενοι τὰσ ἐπεισάκτουσ ἀγορὰσ ἐν πολλῇ ὑπεροψίᾳ ἦσαν τοῦ κακοῦ, τοῖσ δὲ δημόταισ ἀμφότερα ταῦτ’ ἀπόρωσ ἔχειν· οἷσ ὑπὸ τῶν πλουσίων ἔτυχον αἰκισθέντεσ, καὶ τἆλλα τὰ ὅμοια τούτοισ κατὰ πολλὴν ἄδειαν διεξιόντεσ.

τελευτῶν δ’ ὁ Βροῦτοσ εἰσ ἀπειλήν τινα τοιάνδε κατέκλεισε τὸν λόγον, ὡσ εἰ βουληθεῖεν αὐτῷ πείθεσθαι διὰ ταχέων προσαναγκάσων τοὺσ ἐκκαύσαντασ τὸ δεινὸν καὶ κατασβέσαι.

ἡ μὲν δὴ ἐκκλησία διελύετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 14

(디오니시오스, Antiquitates Romanae, Books VII-IX, book 7, chapter 14)

상위

목록

SEARCH

MENU NAVIGATION