Dionysius of Halicarnassus, Antiquitates Romanae, Books VII-IX, book 7, chapter 18

(디오니시오스, Antiquitates Romanae, Books VII-IX, book 7, chapter 18)

μετὰ τοῦτο πολλαὶ καὶ περὶ πολλῶν ἐγίνοντο τοῖσ δημάρχοισ πρὸσ τοὺσ ὑπάτουσ ἀντιλογίαι, καὶ οὔθ’ ὁ δῆμοσ ὁπόσα ἡ βουλὴ ψηφίσαιτο κύρια ἡγεῖτο, οὔθ’ ὧν ὁ δῆμοσ γνοίη τῇ βουλῇ φίλον τι ἦν· ἀντιπαρατεταγμένοι δὲ καὶ δι’ ὑποψίασ ἔχοντεσ ἀλλήλουσ διετέλουν. οὐ μὴν τό γε μῖσοσ αὐτῶν εἰσ ἔργον τι ἀνήκεστον ἐχώρησεν, οἱᾶ ἐν ταῖσ τοιαύταισ φιλεῖ γίνεσθαι ταραχαῖσ.

οὔτε γὰρ οἱ πένητεσ ἐπὶ τὰσ οἰκίασ ὡρ́μησαν τῶν πλουσίων, ἔνθα ὑπελάμβανόν τινασ εὑρήσειν ἀποκειμένασ τροφάσ, ἢ τὴν ἐν τῷ φανερῷ ἀγορὰν ἁρπάζειν ἐπεβάλοντο, ἀλλ’ ὑπομένοντεσ ὠνεῖσθαι πολλοῦ διαφόρου μικρά, καὶ ὁπότ’ ἐξαπορηθεῖεν ἀργυρίου τὰσ ἐκ γῆσ ῥίζασ τε καὶ βοτάνασ σιτούμενοι ἠνείχοντο· πατέρεσ εὐνοούσῃ καὶ κηδομένῃ τῇ ὀργῇ πρὸσ τὰσ ἁμαρτάδασ αὐτῶν χρώμενοι.

τοιαύτησ δὲ καταστάσεωσ οὔσησ περὶ τὴν Ῥώμην αἱ πλησιόχωροι πόλεισ ἐκάλουν τοὺσ βουλομένουσ οἰκεῖν παρὰ σφίσι Ῥωμαίων πολιτείασ τε μεταδόσει καὶ ἄλλων φιλανθρώπων ἐλπίσιν ὑπαγόμεναι, αἱ μὲν ἀπὸ τοῦ βελτίστου δι’ εὔνοιάν τε καὶ ἔλεον τῆσ συμφορᾶσ, αἱ δὲ πλείουσ διὰ φθόνον τῆσ πάλαι ποτὲ εὐτυχίασ.

καὶ ἦσαν οἱ ἀπαναστάντεσ πανοικεσίᾳ καὶ μεταθέμενοι τὰσ οἰκήσεισ ἑτέρωσε πολλοὶ πάνυ· ὧν οἱ μὲν ἀνέστησαν αὖθισ, ἐπειδὴ κατέστη τὰ πράγματα τῆσ πόλεωσ, οἱ δὲ καὶ διέμειναν.

일치하는 문장이 없습니다.

SEARCH

MENU NAVIGATION