헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 51)

ταύτασ ὑμῖν ὁ δῆμοσ, ὦ βουλή, τὰσ καλὰσ ἀμοιβὰσ ἀνθ’ ὧν ἔπαθεν ἀγαθῶν πολλῶν ὄντων καὶ μεγάλων τὰσ μὲν ἀπέδωκεν ἤδη, τὰσ δ’ ἀποδώσειν ἔμελλεν, εἰ μὴ τὸ κωλῦσον παρ’ ὑμᾶσ ἐγένετο. ἄγε δὴ νῦν κἀκεῖνα ἐνθυμήθητε πάλιν, ἃ μετὰ τοῦτο τὸ γενναῖον καὶ σῶφρον ὑμῶν ἔργον ἔδρασεν, ἵνα γνῶτε, ὅντινα χρὴ τρόπον αὐτῷ προσφέρεσθαι. ἐκεῖνοσ τοίνυν ὡσ ἔμαθεν ὑμᾶσ οὐκέτι φέροντασ αὐτοῦ τὴν ὕβριν, ἀλλ’ ὁμόσε χωρεῖν παρεσκευασμένουσ, ἔπτηξε καὶ μικρὸν ἀναλαβὼν ἑαυτὸν ὥσπερ ἐκ μέθησ καὶ μανίασ ἀπὸ μὲν τοῦ βιάζεσθαι κατέβη, ἐπὶ τὸ δικάζεσθαι δ’ ἐτράπετο·

καὶ προειπὼν ἡμέραν ῥητὴν εἰσ αὐτὴν ἐκάλει τὸν ἄνδρα ὡσ δίκην ὑφέξοντα, ἧσ αὐτὸσ ἔμελλεν ἔσεσθαι κατήγορόσ τε καὶ μάρτυσ καὶ δικαστὴσ καὶ τοῦ μεγέθουσ τῆσ τιμωρίασ κύριοσ.

ἐπειδὴ δὲ καὶ πρὸσ τοῦτ’ ἐνέστητε νομίσαντεσ οὐκ ἐπὶ δίκην, ἀλλ’ ἐπὶ τιμωρίαν καλεῖσθαι τὸν ἄνδρα, ὁρῶν ὡσ οὐδενὸσ αὐτοκράτωρ ἐστὶ πράγματοσ, ἀλλ’ ὅσ’ ἂν ὑμεῖσ προβουλεύσητε, ταῦτ’ ἐπιψηφίσαι κύριοσ, τῆσ τ’ αὐθαδείασ, ἧσ πολὺσ ἔπνει τότε, ὑφεῖται νυνὶ καὶ δεησόμενοσ ὑμῶν ἥκει συγχωρῆσαι καὶ ταύτην αὐτῷ τὴν χάριν.

ἐνθυμούμενοι δὴ ταῦτ’ αἴσθεσθε ἤδη ποτὲ καὶ μάθετε, ὅτι πάνθ’, ὅσα μὲν εὐηθέστερα βουλευσάμενοι μᾶλλον ἢ φρονιμώτερα ἐχαρίσασθε, αὐτῷ συμφορὰσ ὑμῖν ἐνήνοχε καὶ βλάβασ, ὅσα δὲ μετὰ τοῦ γενναίου στάντεσ τοῖσ παρανόμοισ αὐτοῦ καὶ βιαίοισ ἠναντιώθητε, ταῦθ’ ὑμῖν εἰσ δέον ἐκβέβηκε.

τί οὖν ὑμῖν ἐπισταμένοισ ταῦτα παραινῶ πράττειν καὶ τίνα γνώμην ὑπὲρ τῶν παρόντων ἀποφαίνομαι;

ὅσα μὲν ἐχαρίσασθε καὶ συνεχωρήσατε τῷ δήμῳ τὴν ἔχθραν διαλλαττόμενοι ὁπωσδήποτε φυλάττειν κύρια, καὶ μὴ λύειν τῶν τότε συγχωρηθέντων μηθέν, οὐχ ὡσ καλῶν καὶ τῆσ πόλεωσ ἀξίων ὄντων·

πόθεν γάρ; ἀλλ’ ὡσ ἀναγκαίων καὶ μηκέτι δεχομένων διόρθωσιν· ὅσα δ’ ἂν ἔξω τούτου βιαζόμενοσ καὶ παρανομῶν ἀκόντων ὑμῶν ἐπιχειρῇ λαμβάνειν μήτε συγχωρεῖν αὐτῷ μήτ’ ἐπιτρέπειν, ἀλλ’ ἀντιπράττειν λόγοισ τε καὶ ἔργοισ καὶ ὁμοῦ πάντασ καὶ ἕνα ἕκαστον ἰδίᾳ. οὐ γάρ, ἂν ἅπαξ ἁμάρτῃ τισ εἴτ’ ἀπατηθεὶσ εἴτ’ ἀναγκασθείσ, καὶ τὰ λοιπὰ ὅμοια δεῖ πράττειν, ἀλλ’ ἐκείνου μεμνημένουσ τἆλλα ὅπωσ μὴ τοιαῦτα γενήσεται σκοπεῖν.

ταῦτα μὲν οὖν ἐστιν, ἃ κοινῇ πάντασ ὑμᾶσ οἰόμαι δεῖν ἐγνωκότασ εἶναι, καὶ παρεσκευάσθαι πρὸσ τὰσ ἀδίκουσ τοῦ δήμου πλεονεξίασ παραινῶ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 51

(디오니시오스, Antiquitates Romanae, Books VII-IX, book 7, chapter 51)

상위

목록

SEARCH

MENU NAVIGATION