헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 55)

διεξιὼν δὲ ταῦτα μετὰ πολλῶν δακρύων οὐ προσποιητῶν καὶ πεπλασμένων, ἀλλ’ ἀληθινῶν, ἀνὴρ ἡλικίασ τε καὶ ἀρετῆσ ἀξιώσει προὔχων, ὡσ ἔμαθε κινούμενον ἐπὶ τοῖσ λεγομένοισ τὸ συνέδριον, ἐκ τοῦ τεθαρρηκότοσ ἤδη τὸ λοιπὸν ἐξύφαινε τῶν λόγων· εἰ δέ τινεσ ὑμῶν, ὦ βουλευταί, λέγων, ταράττονται δοκοῦντεσ ἔθοσ εἰσάγειν πονηρὸν εἰσ τὴν πόλιν, ἐὰν τῷ δήμῳ συγχωρήσητε ψῆφον ἐπιφέρειν κατὰ τῶν πατρικίων, καὶ ἐπ’ οὐδενὶ ἀγαθῷ νομίζουσι τὴν τῶν δημάρχων ἐξουσίαν πολλὴν ἰσχὺν λαβοῦσαν γενήσεσθαι, μαθέτωσαν ἁμαρτάνοντεσ τῆσ δόξησ καὶ τἀναντία ἢ προσῆκεν ὑπειληφότεσ. εἰ γάρ τι καὶ ἄλλο σωτηρίασ αἴτιον ἔσται τῇ πόλει τῇδε καὶ τοῦ μηδέποτε τὴν ἐλευθερίαν μηδὲ τὴν ἰσχὺν ἀφαιρεθῆναι, ὁμονοοῦσαν δ’ ἀεὶ καὶ μιᾷ γνώμῃ περὶ πάντων χρωμένην διατελεῖν, ὁ δῆμοσ αἰτιώτατοσ ἔσται συμπαραληφθεὶσ ἐπὶ τὰ πράγματα·

καὶ τὸ μὴ μίαν εἶναι τὴν διοικοῦσαν τὰ κοινὰ πολιτείαν ἄκρατον μήτε μοναρχίαν μήτ’ ὀλιγαρχίαν μήτε δημοκρατίαν, ἀλλὰ τὴν μικτὴν ἐξ ἁπασῶν τούτων κατάστασιν, τοῦτο ὑπὲρ ἅπαντα ἡμᾶσ ὠφελήσει.

ῥᾷστα γὰρ εἰσ ὕβρεισ ἀποσκήπτει καὶ παρανομίασ τούτων ἕκαστον τῶν πολιτευμάτων αὐτὸ καθ’ ἑαυτὸ γινόμενον, ὅταν δ’ ἀνακερασθῇ πάντα μετρίωσ, τὸ παρακινοῦν μέροσ αἰεὶ καὶ ἐκβαῖνον ἐκ τοῦ συνήθουσ κόσμου ὑπὸ τοῦ σωφρονοῦντοσ καὶ μένοντοσ ἐν τοῖσ ἰδίοισ ἤθεσι κατείργεται.

μοναρχία μὲν ὠμὴ καὶ αὐθάδησ γενηθεῖσα καὶ τυραννικὰ διώκειν ἀρξαμένη ζηλώματα ὑπ’ ἀνδρῶν ὀλίγων καὶ ἀγαθῶν καταλύεται. ὀλιγαρχία δ’ ἐκ τῶν ἀρίστων ἀνδρῶν συνεστηκυῖα, ᾗ χρῆσθε καὶ ὑμεῖσ νυνί, ὅταν πλούτῳ καὶ ἑταιρίαισ ἐπαρθεῖσα δικαιοσύνησ καὶ τῆσ ἄλλησ ἀρετῆσ μηθένα ποιῆται λόγον, ὑπὸ δήμου φρονίμου καταλύεται.

δῆμοσ δὲ σωφρονῶν καὶ κατὰ νόμουσ πολιτευόμενοσ ὅταν ἀκοσμεῖν ἄρξηται καὶ παρανομεῖν ὑπὸ τοῦ κρατίστου ἀνδρὸσ βίᾳ καταληφθεὶσ δικαιοῦται.

ὑμῖν δ’, ὦ βουλή, μονάρχου μὲν ἐξουσίασ, ἵνα μὴ τυραννὶσ γένηται, τὰ δυνατὰ εὑρ́ηται βοηθήματα.

δύο τε γὰρ ἀνθ’ ἑνὸσ ἀποδείξαντεσ τῆσ πόλεωσ κυρίουσ καὶ τούτοισ οὐκ ἀόριστον χρόνον ἐπιτρέψαντεσ ἔχειν τὴν ἀρχήν, ἀλλ’ ἐνιαύσιον οὐδὲν ἧττον ἀποδείκνυτε φύλακασ αὐτῶν τριακοσίουσ ἄνδρασ ἐκ τῶν πατρικίων τοὺσ κρατίστουσ τε καὶ πρεσβυτάτουσ, ἐξ ὧν ἥδε ἡ βουλὴ συνέστηκεν· ὑμῶν δ’ αὐτῶν, ἵνα μένητε ἐν τῷ προσήκοντι κόσμῳ, φυλακὴν οὐδεμίαν ἄχρι τοῦδε φαίνεσθε πεποιημένοι. καὶ περὶ μὲν ὑμῶν οὔπω ἔδεισα, μὴ διαφθαρῆτε τὰσ διανοίασ ὑπό τε μεγέθουσ καὶ πλήθουσ ἀγαθῶν, οἳ τυραννίδοσ τε πολυχρονίου ἠλευθερώκατε τὴν πόλιν ἔναγχοσ καὶ οὔπω σχολὴν ἐσχήκατε ὑβρίζειν καὶ τρυφᾶν διά τοὺσ συνεχεῖσ καὶ μακροὺσ πολέμουσ·

περὶ δὲ τῶν μεθ’ ὑμᾶσ ἐσομένων ἐνθυμούμενοσ ὅσασ ὁ μακρὸσ αἰὼν φέρει μεταβολὰσ δέδοικα, μή τι παρακινήσαντεσ οἱ δυνατοὶ οἱ ἐκ τοῦ συνεδρίου λάθωσιν εἰσ μοναρχίαν τὸ πολίτευμα περιστήσαντεσ τυραννικήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 55

(디오니시오스, Antiquitates Romanae, Books VII-IX, book 7, chapter 55)

상위

목록

SEARCH

MENU NAVIGATION