Dionysius of Halicarnassus, Antiquitates Romanae, Books VII-IX, book 7, chapter 7

(디오니시오스, Antiquitates Romanae, Books VII-IX, book 7, chapter 7)

οὓσ συνεργοὺσ καὶ συναγωνιστὰσ λαβὼν καὶ ἃ δεήσει πράττειν ἑκάστοισ ὑποθέμενοσ τοῖσ τ’ αἰχμαλώτοισ, οὓσ ἐπήγετο, προῖκα δοὺσ τὴν ἐλευθερίαν, ἵνα καὶ τὴν ἐκείνων εὔνοιαν προσλάβῃ, κατέπλει κεκοσμημέναισ ταῖσ ναυσὶν εἰσ τοὺσ τῶν Κυμαίων λιμένασ. οἱ δὲ τῶν στρατευομένων πατέρεσ τε καὶ μητέρεσ καὶ πᾶσα ἡ ἄλλη συγγένεια, παιδία τε καὶ γαμεταὶ γυναῖκεσ, ὑπήντων ἐξιοῦσιν αὐτοῖσ μετὰ δακρύων περιπλεκόμενοι καὶ καταφιλοῦντεσ καὶ ταῖσ ἡδίσταισ ἕκαστον ἀνακαλούμενοι προσηγορίαισ.

καὶ ἡ ἄλλη δὲ πληθὺσ ἡ κατὰ τὴν πόλιν ἅπασα χαρᾷ καὶ κρότῳ δεξιουμένη τὸν ἡγεμόνα προὔπεμπεν εἰσ οἶκον ἀπιόντα.

ἐφ’ οἷσ οἱ προεστηκότεσ τῆσ πόλεωσ ἀνιώμενοι, μάλιστα δ’ οἱ τὴν στρατηγίαν αὐτῷ παραδόντεσ καὶ τἆλλα τὰ πρὸσ τὸν ὄλεθρον μηχανησάμενοι, πονηροὺσ ὑπὲρ τοῦ μέλλοντοσ εἶχον διαλογισμούσ. ὁ δὲ διαλιπὼν ὀλίγασ τινὰσ ἡμέρασ, ἐν αἷσ τὰσ εὐχὰσ ἀπεδίδου τοῖσ θεοῖσ καὶ τὰσ ὑστεριζούσασ ὁλκάδασ ἀνεδέχετο, ἐπειδὴ καιρὸσ ἦν, ἔφη βούλεσθαι τὰ πραχθέντα κατὰ τὸν ἀγῶνα πρὸσ τὴν βουλὴν ἀπαγγεῖλαι καὶ τὰ ἐκ τοῦ πολέμου λάφυρα ἀποδεῖξαι.

ὁ μὲν ἐδημηγόρει παρελθὼν καὶ πάντα τὰ γενόμενα κατὰ τὴν μάχην διεξῄει, οἱ δὲ παρασκευασθέντεσ ὑπ’ αὐτοῦ συνεργοὶ τῆσ ἐπιθέσεωσ ἔχοντεσ ὑπὸ τοῖσ ἱματίοισ ξίφη κατὰ πλῆθοσ εἰσδραμόντεσ εἰσ τὸ βουλευτήριον ἀποσφάττουσιν ἅπαντασ τοὺσ ἀριστοκρατικούσ.

φυγὴ δ’ ἐγένετο μετὰ τοῦτο τῶν κατ’ ἀγορὰν καὶ δρόμοσ, τῶν μὲν ἐπὶ τὰσ οἰκίασ, τῶν δ’ ἔξω τῆσ πόλεωσ, πλὴν τῶν συνειδότων τὴν ἐπίθεσιν·

οὗτοι δὲ τὴν ἄκραν καὶ τὰ νεώρια καὶ τοὺσ ἐρυμνοὺσ τόπουσ τῆσ πόλεωσ κατελάμβανον. τῇ δ’ ἐπιούσῃ νυκτὶ λύσασ ἐκ τῶν δεσμωτηρίων τοὺσ ἐπιθανατίουσ πολλοὺσ ὄντασ καὶ καθοπλίσασ ἅμα τοῖσ ἄλλοισ φίλοισ, ἐν οἷσ ἦσαν καὶ οἱ τῶν Τυρρηνῶν αἰχμάλωτοι, φυλακὴν ἐκ τούτων καθίσταται περὶ τὸ σῶμα. ὑπ’ αὐτῶν, τοῖσ δ’ ἄλλοισ πολίταισ ἐλευθερίαν φέρων παρεῖναι καὶ ἰσηγορίαν καὶ ἄλλα πολλὰ ἀγαθά.

일치하는 문장이 없습니다.

SEARCH

MENU NAVIGATION