Dionysius of Halicarnassus, Antiquitates Romanae, Books VII-IX, book 7, chapter 22

(디오니시오스, Antiquitates Romanae, Books VII-IX, book 7, chapter 22)

ὅτι μὲν οὐχ ὑπ’ ἀνάγκησ τε καὶ ἀπορίασ βιασθεὶσ ὁ δῆμοσ ἐποιήσατο τὴν ἀπόστασιν, ὦ πατέρεσ, ἀλλὰ πονηρᾷ ἐλπίδι ἐπαρθεὶσ ὡσ καταλύσων τὴν ἀριστοκρατίαν ὑμῶν καὶ πάντων αὐτὸσ ἐσόμενοσ τῶν κοινῶν κύριοσ, σχεδὸν οἶμαι πάντασ ὑμᾶσ ᾐσθῆσθαι τὰ περὶ τὰσ διαλλαγὰσ αὐτοῦ πλεονεκτήματα ὁρῶντασ· νόμῳ λέληθεν ὑμᾶσ.

ὅταν γὰρ ἐπ’ ἐξουσίασ πολλῆσ οἱ προεστηκότεσ αὐτοῦ πρόφασιν εὐπρεπῆ προβαλλόμενοι τὸ δὴ τοῖσ ἀδικουμένοισ τῶν δημοτῶν βοηθεῖν διὰ τῆσ ἐξουσίασ ταύτησ ἄγωσι καὶ φέρωσιν, ὅσ’ ἂν αὐτοῖσ δοκῇ, καὶ μηθεὶσ ὁ κωλύσων τὰσ παρανομίασ αὐτῶν ᾖ, μήτ’ ἰδιώτησ μήτ’ ἄρχων δεδοικὼσ τὸν νόμον, ὃσ ἀφαιρεῖται καὶ τὸν λόγον ἡμῶν ἅμα τοῖσ ἔργοισ θάνατον ἐπιτιθεὶσ ζημίαν τοῖσ ἐλευθέραν φωνὴν ἀφιεῖσι, τί προσῆκεν ὄνομα θέσθαι τῇ δυναστείᾳ ταύτῃ τοὺσ νοῦν ἔχοντασ ἕτερον, ἢ τοῦθ’, ὅπερ ἐστὶν ἀληθὴσ καὶ πάντεσ ἂν ὁμολογήσετε, τυραννίδα;

εἰ δ’ οὐχ ὑφ’ ἑνὸσ ἀνδρόσ, ἀλλ’ ὑφ’ ὅλου τυραννούμεθα δήμου, τί τοῦτο διαφέρει; τὸ γὰρ ἔργον ἐξ ἀμφοῖν ταὐτό. κράτιστον μὲν οὖν ἦν μηδὲ τὸ σπέρμα τῆσ ἐξουσίασ ταύτησ ἐᾶσαι καταβαλλόμενον, ἀλλὰ πάντα ὑπομεῖναι πρότερον, ὡσ Ἄππιοσ ὁ βέλτιστοσ ἐκ πολλοῦ τὰ δεινὰ προορώμενοσ ἠξίου, εἰ δὲ μή, νῦν γ’ ὁμοθυμαδὸν ἅπαντασ ἐξορύξαντασ αὐτὴν πρόρριζον ἐκ τῆσ πόλεωσ ἐκβαλεῖν, ἑώσ ἀσθενήσ ἐστι καὶ προσπολεμηθῆναι ῥᾳδία.

καὶ τοῦτ’ οὐ πρώτοισ ἡμῖν, ὦ βουλή, οὐδὲ μόνοισ ἐξεγένετο παθεῖν, πολλοῖσ δὲ καὶ πολλάκισ ἤδη τοῖσ εἰσ ἀβουλήτουσ ἀνάγκασ καταστᾶσι γνώμησ ἁμαρτοῦσι τῆσ ἀρίστησ περὶ τὰ μέγιστα, ἐπειδὴ τὰσ ἀρχὰσ οὐκ ἐκώλυσαν τοῦ κακοῦ, τὰσ αὐξήσεισ πειρᾶσθαι καθαιρεῖν· καὶ ἡ μετάνοια τῶν ὀψὲ ἀρχομένων σωφρονεῖν ἥττων οὖσα τῆσ προνοίασ, καθ’ ἕτερον αὖ τρόπον οὐ χείρων οὖσα ἀναφαίνεται τῇ κωλύσει τοῦ τέλουσ ἀφανίζουσα τὸ ἐν τῇ ἀρχῇ ἀγνοηθέν.

일치하는 문장이 없습니다.

SEARCH

MENU NAVIGATION