헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 58)

ὁ μὲν δὴ ταῦτ’ ἔλεγε δοκῶν ἐπὶ τοῖσ λόγοισ, οἷσ εἶπεν ἐν τῇ βουλῇ, τὴν δίκην ὑφέξειν, καὶ βουλόμενοσ ὁμολογῆσαι τοὺσ δημάρχουσ, ὅτι ταύτησ ἕνεκα τῆσ αἰτίασ μέλλουσιν αὐτοῦ κατηγορεῖν. οἱ δὲ δήμαρχοι βουλευσάμενοι κατὰ σφᾶσ τυραννίδι ἐπιβουλεύειν αὐτὸν ᾐτιάσαντο καὶ πρὸσ ταύτην ἐκέλευον ἥκειν τὴν αἰτίαν ἀπολογησόμενον, οὐ βουλόμενοι τὸ ἔγκλημα εἰσ μίαν αἰτίαν κατακλεῖσαι καὶ ταύτην οὔτ’ ἰσχυρὰν οὔτε τῇ βουλῇ κεχαρισμένην, ἀλλ’ ἑαυτοῖσ τε πράττοντεσ ἐξουσίαν ὅσα βούλονται ἐγκαλεῖν, καὶ βοήθειαν ἀφαιρήσεσθαι τοῦ Μαρκίου τὴν ἐκ τῶν συνέδρων οἰόμενοι. καὶ ὁ Μάρκιοσ εἶπεν·

ἀλλ’ ἤτοι, εἰ ἐπὶ ταύτῃ γε κριθήσομαι τῇ διαβολῇ, δίδωμι ἐμαυτὸν ὑπόδικον τοῖσ δημόταισ, καὶ μηδὲν ἔστω τὸ κωλῦον γράφεσθαι τὸ προβούλευμα. ἐγένετο δὲ καὶ τοῖσ πλείστοισ τῶν συνέδρων ἀσμένοισ ἐπὶ τούτῳ γενέσθαι τῷ ἐγκλήματι τὴν δίκην κατ’ ἀμφότερα, καὶ ὅτι οὐκ ἔσται τὸ λέγειν ἃ φρονεῖ τισ ἐν τοῖσ συνέδροισ ὑπαίτιον, καὶ ὅτι ῥᾳδίωσ ἀπολύσεται τὴν διαβολὴν ὁ ἀνὴρ βίον ἐζηκὼσ σώφρονα καὶ ἀνεπίληπτον.

γράφεται τὸ προβούλευμα μετὰ ταῦθ’ ὑπὲρ τῆσ δίκησ, καὶ χρόνοσ εἰσ παρασκευὴν τῆσ ἀπολογίασ ὁρίζεται τῷ ἀνδρὶ μέχρι τῆσ τρίτησ ἀγορᾶσ·

αἱ δ’ ἀγοραὶ Ῥωμαίοισ ἐγίνοντο ὡσ καὶ μέχρι τῶν καθ’ ἡμᾶσ χρόνων δι’ ἡμέρασ ἐνάτησ. ἐν δὲ ταύταισ συνιόντεσ ἐκ τῶν ἀγρῶν εἰσ τὴν πόλιν οἱ δημοτικοὶ τάσ τ’ ἀμείψεισ ἐποιοῦντο τῶν ὠνίων καὶ τὰσ δίκασ παρ’ ἀλλήλων ἐλάμβανον, τά τε κοινά, ὅσων ἦσαν κύριοι κατὰ τοὺσ νόμουσ καὶ ὅσα ἡ βουλὴ ἐπιτρέψειεν αὐτοῖσ,ψῆφον ἀναλαμβάνοντεσ ἐπεκύρουν· τὰσ δὲ μεταξὺ τῶν ἀγορῶν ἑπτὰ ἡμέρασ αὐτουργοί τ’ ὄντεσ οἱ πολλοὶ καὶ πένητεσ ἐν τοῖσ ἀγροῖσ διέτριβον.

ἐπειδὴ δὲ τὸ προβούλευμα ἔλαβον οἱ δήμαρχοι, προελθόντεσ εἰσ τὴν ἀγορὰν συνεκάλεσαν εἰσ ἐκκλησίαν τὸν δῆμον καὶ πολλὰ ἐγκώμια τῆσ βουλῆσ διελθόντεσ καὶ τὰ δόγματα αὐτῆσ ἀναγνόντεσ προεῖπον ἡμέραν, ἐν ᾗ τὴν δίκην ἔμελλον ἐπιτελεῖν, εἰσ ἣν ἅπαντεσ ἠξίουν ἥκειν τοὺσ πολίτασ ὡσ ὑπὲρ τῶν μεγίστων διαγνωσομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 58

(디오니시오스, Antiquitates Romanae, Books VII-IX, book 7, chapter 58)

상위

목록

SEARCH

MENU NAVIGATION