Dionysius of Halicarnassus, Antiquitates Romanae, Books VII-IX, book 7, chapter 3

(디오니시오스, Antiquitates Romanae, Books VII-IX, book 7, chapter 3)

τῶν ἄλλων βαρβάρων ἐπεχείρησαν ἀνελεῖν οὐδεμίαν ἔχοντεσ εἰπεῖν πρόφασιν τοῦ μίσουσ δικαίαν ὅτι μὴ τὴν εὐδαιμονίαν τῆσ πόλεωσ. ἦν γὰρ Κύμη κατ’ ἐκείνουσ τοὺσ χρόνουσ περιβόητοσ ἀνὰ τὴν Ἰταλίαν ὅλην πλούτου τε καὶ δυνάμεωσ ἕνεκα καὶ τῶν ἄλλων ἀγαθῶν γῆν τε κατέχουσα τῆσ Καμπανῶν πεδιάδοσ τὴν πολυκαρποτάτην καὶ λιμένων κρατοῦσα τῶν περὶ Μισηνὸν ἐπικαιροτάτων.

τούτοισ ἐπιβουλεύσαντεσ τοῖσ ἀγαθοῖσ οἱ βάρβαροι στρατεύουσιν ἐπ’ αὐτήν, πεζοὶ μὲν οὐκ ἐλάττουσ πεντήκοντα μυριάδων, ἱππεῖσ δὲ δυεῖν χιλιάδων ἀποδέοντεσ εἶναι δισμύριοι. ἐστρατοπεδευκόσι δ’ αὐτοῖσ οὐ μακρὰν ἀπὸ τῆσ πόλεωσ τέρασ γίνεται θαυμαστόν, οἱο͂ν ἐν οὐδενὶ χρόνῳ μνημονεύεται γενόμενον οὔθ’ Ἑλλάδοσ οὔτε βαρβάρου γῆσ οὐδαμόθι. οἱ γὰρ παρὰ τὰ στρατόπεδα ῥέοντεσ αὐτῶν ποταμοί, Οὐολτοῦρνοσ ὄνομα θατέρῳ, τῷ δ’ ἑτέρῳ Γλάνισ, ἀφέντεσ τὰσ κατὰ φύσιν ὁδοὺσ ἀνέστρεψαν τὰ νάματα καὶ μέχρι πολλοῦ διετέλεσαν ἀπὸ τῶν στομάτων ἀναχωροῦντεσ ἐπὶ τὰσ πηγάσ.

τοῦτο καταμαθόντεσ οἱ Κυμαῖοι τότ’ ἐθάρρησαν ὁμόσε τοῖσ βαρβάροισ χωρεῖν ὡσ τοῦ δαιμονίου ταπεινὰ μὲν τἀκείνων μετέωρα θήσοντοσ, ὑψηλὰ δὲ τὰ δοκοῦντα εἶναι σφῶν ταπεινά.

νείμαντεσ δὲ τὴν ἐν ἀκμῇ δύναμιν ἅπασαν τριχῇ, μιᾷ μὲν τὴν πόλιν ἐφρούρουν, τῇ δ’ ἑτέρᾳ τὰσ ναῦσ εἶχον ἐν φυλακῇ, τῇ δὲ τρίτῃ πρὸ τοῦ τείχουσ ταξάμενοι τοὺσ ἐπιόντασ ἐδέχοντο. τούτων ἱππεῖσ μὲν ἦσαν ἑξακόσιοι, πεζοὶ δὲ τετρακισχίλιοι καὶ πεντἀκόσιοι·

καὶ οὕτωσ ὄντεσ τὸν ἀριθμὸν ὀλίγοι τὰσ τοσαύτασ ὑπέστησαν μυριάδασ.

일치하는 문장이 없습니다.

SEARCH

MENU NAVIGATION