헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 64)

τοῦτο τὸ κατηγόρημα πολλὴν ἐποίησε τὴν ἐπὶ θάτερα μεταβολήν. οἱ μὲν γὰρ ἐπιεικέστεροί τε καὶ σπουδάζοντεσ ὑπὲρ ἀφέσεωσ τοῦ ἀνδρὸσ μαλακώτεροι τούτων ἀκούσαντεσ ἐγένοντο, τὸ δὲ κακόηθεσ ἅπαν, ὃ τοῦ δήμου πλεῖστον μέροσ ἦν, ἐκ παντὸσ ἀπολέσαι τὸν ἄνδρα δήπου προθυμούμενον, ἔτι μᾶλλον εἰσ ταῦτ’ ἐπερρώσθη μεγάλησ ἀφορμῆσ καὶ φανερᾶσ λαβόμενον. ἦν γὰρ ἀληθὴσ ἡ τῶν λαφύρων διάδοσισ, οὐ μὴν ἐκ προαιρέσεώσ γε πονηρᾶσ καὶ ἐπὶ κατασκευῇ τυραννίδοσ, ὡσ ὁ Δέκιοσ ᾐτιᾶτο, γενομένη, ἀλλ’ ἀπὸ παντὸσ τοῦ βελτίστου καὶ ἐπανορθώσεωσ ἕνεκα τῶν κατεχόντων τὰ κοινὰ κακῶν.

στασιάζοντοσ γὰρ ἔτι καὶ διεστηκότοσ ἀπὸ τῶν πατρικίων τοῦ πλήθουσ τότε καταφρονήσαντεσ οἱ πολέμιοι καταδρομὰσ τῆσ χώρασ ἐποιοῦντο καὶ λεηλασίασ συνεχεῖσ· καὶ ὁπότε δόξειε τῇ βουλῇ τὴν κωλύσουσαν ταῦτα δύναμιν ἐξελθεῖν, οὐδεὶσ ἐξῄει τῶν δημοτῶν, ἀλλ’ ἐπέχαιρόν τε καὶ περιεώρων τὰ γινόμενα· ἡ δὲ τῶν πατρικίων χεὶρ οὐκ ἦν καθ’ ἑαυτὴν ἀξιόμαχοσ. τοῦτο καταμαθὼν ὁ Μάρκιοσ ὑπέσχετο τοῖσ ὑπάτοισ, ἐὰν ἐπιτρέψωσιν αὐτῷ τὴν ἡγεμονίαν, στρατιὰν ἄξειν ἑκούσιον ἐπὶ τοὺσ πολεμίουσ καὶ δίκην λήψεσθαι παρ’ αὐτῶν ἐν τάχει.

καὶ τῶν ἄλλων πολιτῶν οἷσ ἦν βουλομένοισ ἀπολαῦσαί τι τῆσ τοῦ στρατηγοῦ τύχησ κατὰ τὰ πολέμια καὶ ἀρετῆσ.

ὡσ δ’ αὐτῷ χεὶρ ἀξιόμαχοσ ἐδόκει συνεληλυθέναι, προῆγεν ἐπὶ τοὺσ πολεμίουσ οὐθέν πω προειδότασ. ἐμβαλὼν δ’ εἰσ χώραν πολλῶν ἀγαθῶν μεστὴν γενόμενοσ ἀφθόνου λείασ κύριοσ ἐφῆκε τοῖσ στρατιώταισ ἅπαντα τὰ ληφθέντα διανείμασθαι, ἵν’ οἱ μὲν συναράμενοι τοῦ ἔργου τὸν τῶν πόνων καρπὸν κομισάμενοι προθύμωσ ἐπὶ τὰσ ἄλλασ στρατείασ ἀπαντῶσιν·

οἱ δ’ ἀποκνήσαντεσ ἐνθυμηθέντεσ, ὅσων ἀγαθῶν αὐτοῖσ ἐξὸν μεταλαβεῖν, διὰ τὸ στασιάζειν ἀπεκωλύθησαν εἰσ τὰσ λοιπὰσ ἐξόδουσ γένωνται φρονιμώτεροι. διάνοια μὲν τοῦ ἀνδρὸσ ἥδε ἐγένετο περὶ τὸ ἔργον·

καὶ δεκασμὸσ τυραννικόσ.

ὥστε βοῆσ καὶ θορύβου πᾶσα ἦν ἀνάπλεωσ ἡ ἀγορά, καὶ οὔθ’ ὁ Μάρκιοσ πρὸσ ταῦτ’ εἶχεν, ὅ τι ἀπολογήσαιτο, οὔθ’ ὁ ὕπατοσ οὔτ’ ἄλλοσ οὐδείσ, οἱᾶ δὴ παραδόξου καὶ ἀπροσδοκήτου φανείσησ ἐπὶ σφίσι τῆσ αἰτίασ. ἐπειδὴ δ’ οὐδεὶσ οὐκέτι ἀπελογεῖτο, ἀνέδωκαν οἱ δήμαρχοι τὴν ψῆφον ταῖσ φυλαῖσ τίμημα ἐπιγράψαντεσ τῇ δίκῃ φυγὴν ἀίδιον, κατὰ δέοσ, οἶμαι, τοῦ μὴ ἂν ἁλῶναι τὸν ἄνδρα θανάτου .

ὡσ δ’ ἐπεψήφισαν ἅπαντεσ, διαριθμουμένων τῶν ψήφων οὐ μέγα τὸ διάλλαγμα ἐφάνη. μιᾶσ γὰρ καὶ εἴκοσι τότε φυλῶν οὐσῶν, οἷσ ἡ ψῆφοσ ἀνεδόθη, τὰσ ἀπολυούσασ φυλὰσ ἔσχεν ὁ Μάρκιοσ ἐννέα· τὴν ἰσοψηφίαν ἀπελέλυτ’ ἄν, ὥσπερ ὁ νόμοσ ἠξίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 64

(디오니시오스, Antiquitates Romanae, Books VII-IX, book 7, chapter 64)

상위

목록

SEARCH

MENU NAVIGATION