헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 59)

ὡσ δὲ διεβοήθη ταῦτα, πολλὴ σπουδὴ καὶ παράταξισ ἐγίνετο τῶν τε δημοτικῶν καὶ τῶν πατρικίων· τῶν μὲν ὡσ τιμωρησομένων τὸν αὐθαδέστατον, τῶν δ’ ἵνα μὴ γένοιτο ὑποχείριοσ τοῖσ ἐχθροῖσ ὡσ ὑπὲρ τῆσ ἀριστοκρατίασ ἀγωνιζόμενοσ.

ἐδόκει δὲ πᾶσα κινδυνεύεσθαι ἡ τοῦ βίου καὶ τῆσ ἐλευθερίασ δικαίωσισ ἐν τῷ τότε ἀγῶνι ἀμφοτέροισ. ἐπιστάσησ δὲ τῆσ τρίτησ ἀγορᾶσ ὁ μὲν ἐκ τῶν ἀγρῶν ὄχλοσ, ὅσοσ οὔπω πρότερον, συνεληλυθὼσ εἰσ τὴν πόλιν ἑώθεν εὐθὺσ κατεῖχε τὴν ἀγοράν· οἱ δὲ δήμαρχοι συνεκάλουν τὸ πλῆθοσ ἐπὶ τὴν φυλέτιν ἐκκλησίαν, χωρία τῆσ ἀγορᾶσ περισχοινίσαντεσ, ἐν οἷσ ἔμελλον αἱ φυλαὶ στήσεσθαι καθ’ αὑτάσ. αὐτοῖσ πάτριον ἦν.

ἐν γὰρ τοῖσ πρότερον χρόνοισ, ὅτε μέλλοι ψῆφον ἐπιφέρειν ὁ δῆμοσ ὑπὲρ ὁτουδήτινοσ ὧν ἐπιτρέψειεν ἡ βουλή, ἐκάλουν μὲν οἱ ὕπατοι τὴν λοχῖτιν ἐκκλησίαν, ἱερὰ πρότερον ἐπιτελέσαντεσ, ἃ νόμοσ αὐτοῖσ ἐστι, καὶ μέχρι τοῦ καθ’ ἡμᾶσ χρόνου τινὰ ἐξ αὐτῶν ἔτι γίνεται. συνῄει δὲ τὸ πλῆθοσ εἰσ τὸ πρὸ τῆσ πόλεωσ Ἄρειον πεδίον ὑπό τε λοχαγοῖσ καὶ σημείοισ τεταγμένον ὥσπερ ἐν πολέμῳ, ἐπέφερον δὲ τὴν ψῆφον οὐχ ἅπαντεσ ἀναλαβόντεσ, ἀλλὰ κατὰ τοὺσ ἰδίουσ ἕκαστοι λόχουσ, ὁπότε κληθεῖεν ὑπὸ τῶν ὑπάτων.

ὄντων δὲ τῶν συμπάντων τριῶν καὶ ἐνενήκοντα καὶ ἑκατὸν λόχων καὶ τούτων εἰσ ἓξ διῃρημένων συμμορίασ πρώτη μὲν ἐκαλεῖτο συμμορία καὶ τὴν ψῆφον ἐπέφερεν ἡ τῶν ἐχόντων τὸ μέγιστον τίμημα τῆσ οὐσίασ καὶ τὴν πρώτην λαμβανόντων τάξιν ἐν πολέμοισ· ἐν οἷσ ἦσαν ἱππέων μὲν ὀκτωκαίδεκα λόχοι, πεζῶν δ’ ὀγδοήκοντα. δευτέρα δ’ ἐψηφοφόρει συμμορία τῶν ὑποδεεστέρων τοῖσ βίοισ καὶ τὴν ὑποβεβηκυῖαν τάξιν ἐν ταῖσ μάχαισ καὶ ὁπλισμὸν οὐ τὸν αὐτὸν ἐχόντων τοῖσ πρωτοστάταισ, ἀλλ’ ἐλάττονα·

τοῦτο δὲ τὸ πλῆθοσ εἰσ εἴκοσι λόχουσ συντεταγμένον ἦν, προσέκειντο δ’ αὐτοῖσ δύο ἶλαι τεκτόνων καὶ χαλκοτύπων καὶ ὅσοι ἄλλοι πολεμικῶν ἔργων ἦσαν χειροτέχναι.

οἱ δ’ ἐν τῇ τρίτῃ συμμορίᾳ καλούμενοι λόχουσ μὲν ἐξεπλήρουν εἴκοσι, τίμημα δ’ εἶχον ἔλαττον τῶν δευτέρων καὶ τάξιν τὴν ἐπ’ ἐκείνοισ καὶ ὅπλα οὐκ ἴσα τοῖσ πρὸ αὐτῶν ἔφερον. οἱ δὲ μετὰ τούτουσ καλούμενοι τίμημά τ’ οὐσίασ ἔλαττον εἶχον καὶ τάξιν ἐν πολέμῳ τὴν ἀσφαλεστέραν ἐλάμβανον καὶ ὁπλισμὸν εὐσταλέστερον εἶχον·

διῄρηντο δ’ εἰσ εἴκοσι καὶ οὗτοι λόχουσ· συνετάττοντο δὲ καὶ τούτοισ δύο λόχοι βυκανιστῶν καὶ σαλπιστῶν. πέμπτη δ’ ἐκαλεῖτο συμμορία τῶν ὀλίγου πάνυ τετιμημένων ἀργυρίου, ὅπλα δ’ ἦν αὐτῶν σαυνία καὶ σφενδόναι· καὶ κοῦφοι συνεστρατεύοντο τοῖσ ὁπλίταισ εἰσ τριάκοντα λόχουσ διῃρημένοι.

οἱ δ’ ἀπορώτατοι τῶν πολιτῶν οὐκ ἐλάττουσ τῶν ἄλλων ἁπάντων ὄντεσ ἔσχατοι τὴν ψῆφον ἀνελάμβανον, ἕνα μόνον ἔχοντεσ λόχον·

οὗτοι στρατειῶν τ’ ἦσαν ἐλεύθεροι τῶν ἐκ καταλόγου καὶ εἰσφορῶν τῶν κατὰ τιμήματα γινομένων ἀτελεῖσ καὶ δι’ ἄμφω ταῦτ’ ἐν ταῖσ ψηφοφορίαισ ἀτιμότατοι. εἰ μὲν οὖν ἐπὶ τῶν πρώτων λόχων, οὓσ οἵ θ’ ἱππεῖσ ἐξεπλήρουν καὶ τῶν πεζῶν οἱ τὴν πρώτην τάξιν ἐν τοῖσ πολέμοισ λαμβάνοντεσ, ταὐτὸ φρονήσαιεν ἑπτὰ καὶ ἐνενήκοντα λόχοι, τέλοσ εἶχεν ἡ ψηφοφορία, καὶ οὐκέτι τοῖσ λοιποῖσ ἓξ καὶ ἐνενήκοντα λόχοισ ἀνεδίδοτο ἡ ψῆφοσ·

εἰ δὲ μὴ τοῦτο γένοιτο, ἡ δευτέρα συμμορία τῶν δύο καὶ εἴκοσι λόχων ἐκαλεῖτο, καὶ ἡ τρίτη·

καὶ τοῦτο συνέβαινεν, ἑώσ οὗ ταὐτὸ φρονήσωσιν ἑπτὰ καὶ ἐνενήκοντα λόχοι. καὶ τὰ μὲν πολλὰ τῶν ἀγωνισμάτων ἐπὶ τῶν πρώτων κλήσεων τέλοσ ἐλάμβανεν, ὥστε μηδὲν ἔτι δεῖν τῶν ἐσχάτων.

σπανίωσ δέ που πρᾶγμα οὕτωσ ἐνδοιαζόμενον ἐνέπιπτεν, ὥστε μέχρι τῆσ ἐσχάτησ ψήφου τῆσ τῶν ἀπορωτάτων προελθεῖν· καὶ ἦν ὥσπερ τέρασ τοῦτο σχισθέντων δίχα τῶν προτέρων δύο καὶ ἐνενήκοντα καὶ ἑκατὸν λόχων τὴν τελευταίαν ψῆφον ἐπενεχθεῖσαν ἐκείναισ αἰτίαν γενέσθαι τῆσ ἐπὶ θάτερα ῥοπῆσ. οἱ μὲν οὖν συναγωνιζόμενοι Μαρκίῳ ταύτην ἠξίουν καλεῖν τὴν ἀπὸ τῶν τιμημάτων ἐκκλησίαν ὑπολαμβάνοντεσ τάχα μὲν ἐπὶ τῆσ πρώτησ κλήσεωσ ὑπὸ τῶν ὀκτὼ καὶ ἐνενήκοντα λόχων ἀπολυθήσεσθαι τὸν ἄνδρα, εἰ δὲ μή γ’ ὑπὸ τῆσ δευτέρασ ἢ τρίτησ.

δήμαρχοι ταῦθ’ ὑφορώμενοι καὶ αὐτοὶ τὴν φυλετικὴν ἐκκλησίαν ᾤοντο δεῖν συνάγειν καὶ τοῦ ἀγῶνοσ ἐκείνην ποιῆσαι κυρίαν, ἵνα μήθ’ οἱ πένητεσ τῶν πλουσίων μειονεκτῶσι μήθ’ οἱ ψιλοὶ τῶν ὁπλιτῶν ἀτιμοτέραν χώραν ἔχωσι, μήτ’ ἀπερριμμένον εἰσ τὰσ ἐσχάτασ κλήσεισ τὸ δημοτικὸν πλῆθοσ ἀποκλείηται τῶν ἴσων, ἰσόψηφοι δὲ καὶ ὁμότιμοι πάντεσ ἀλλήλοισ γενόμενοι μιᾷ κλήσει τὴν ψῆφον ἐπενέγκωσι κατὰ φυλάσ.

καὶ ἐδόκουν δικαιότερα οὗτοι τῶν ἑτέρων ἀξιοῦν δημοτικὸν οἰόμενοι δεῖν, ἀλλ’ οὐκ ὀλιγαρχικὸν εἶναι τὸ τοῦ δήμου δικαστήριον, καὶ τὴν περὶ τῶν ἀδικούντων τὸ κοινὸν διάγνωσιν ἁπάντων εἶναι κοινήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 59

(디오니시오스, Antiquitates Romanae, Books VII-IX, book 7, chapter 59)

상위

목록

SEARCH

MENU NAVIGATION