헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 56)

ἐὰν οὖν κοινωνήσητε καὶ τῷ δήμῳ τῶν πολιτευμάτων, οὐθὲν ὑμῖν ἐνθάδε φύσεται κακόν, ἀλλ’ ὁ πλέον ἔχειν τῶν ἄλλων ἀξιῶν καὶ τῆσ βουλῆσ προσεταιρισάμενοσ τὸν βουλόμενον συννοσεῖν καὶ συναδικεῖν· πάντα γὰρ τὰ εἰκότα χρὴ περὶ πόλεωσ βουλευομένουσ προνοεῖν· κληθεὶσ ὑπὸ τῶν δημάρχων εἰσ τὸ πλῆθοσ ὁ μέγασ ἐκεῖνοσ καὶ σεμνὸσ ἀποδώσει τῷ δήμῳ τῷ φαύλῳ καὶ ταπεινῷ λόγον ὧν πράττει τε καὶ διανοεῖται, κἂν ἀδικῶν φαίνηται δίκησ, ἧσ ἂν ἄξιοσ ᾖ, τεύξεται. αὐτὸν δὲ τὸν δῆμον, ἵνα μὴ τρυφᾷ τηλικαύτησ ἔξουσίασ γενόμενοσ κύριοσ, μηδ’ ὑπὸ τῶν κακίστων ἐκδημαγωγούμενοσ τοῖσ κρατίστοισ πολεμῇ·

καὶ γὰρ ἐν ὄχλῳ φιλεῖ γίνεσθαι τυραννίσ·

φυλάξει τε καὶ οὐδὲν ἐάσει παρανομεῖν ὁ διαφέρων φρονήσει ἀνὴρ δικτάτωρ ὑφ’ ὑμῶν αἱρεθείσ, ὃσ αὐτοκράτορι καὶ ἀνυπευθύνῳ χρώμενοσ ἐξουσίᾳ τό τε νοσοῦν ἐξελεῖ τῆσ πόλεωσ μέροσ, καὶ τὸ μήπω διεφθαρμένον οὐκ ἐάσει κακωθῆναι, ἔθη τε καὶ νόμιμα καὶ ζηλώματα βίων τὰ κράτιστα μεθαρμοσάμενοσ ἀρχάσ τ’ ἀποδείξασ ἃσ ἂν ἡγῆται σωφρονέστατα τῶν κοινῶν ἐπιτροπεύσειν· καὶ ταῦτ’ ἐντὸσ ἓξ μηνῶν διοικησάμενοσ ἰδιώτησ αὖθισ ἔσται τὸ τιμᾶσθαι μόνον ἐκ τούτων λαβών, ἄλλο δ’ οὐθέν. ταῦτ’ οὖν ἐνθυμηθέντεσ καὶ τὸ σχῆμα τῆσ πολιτείασ τοῦθ’ ἡγησάμενοι κράτιστον εἶναι μηθενὸσ ἀπελαύνετε τὸν δῆμον, ἀλλ’ ὥσπερ ἀρχὰσ ἀποδεικνύναι τὰσ καθ’ ἕκαστον ἐνιαυτὸν ἡγησομένασ τῆσ πόλεωσ, καὶ νόμουσ τοὺσ μὲν ἐπικυροῦν, τοὺσ δ’ ἀναιρεῖν, καὶ περὶ πολέμου καὶ εἰρήνησ διαγιγνώσκειν, ἃ μέγιστα καὶ κυριώτατά ἐστι τῶν ἐν τῇ πόλει διαπραττομένων, μεταδεδώκατε αὐτῷ καὶ οὐθενὸσ τούτων αὐτοκράτορα πεποιήκατε τὴν βουλήν·

οὕτωσ καὶ τῶν δικαστηρίων μεταδίδοτε, καὶ μάλισθ’ ὑπὲρ ὧν ἄν τισ αἰτίαν ἔχῃ τὴν πόλιν ἀδικεῖν στάσιν εἰσάγων ἢ τυραννίδα κατασκευαζόμενοσ ἢ περὶ προδοσίασ τοῖσ πολεμίοισ διαλεγόμενοσ ἢ τοιοῦτό τι ἄλλο κακὸν ἐπιχειρῶν πράττειν.

ὅσῳ γὰρ ἂν φοβερώτερον κατασκευάσητε τὸ παραβαίνειν τοὺσ νόμουσ καὶ τὰ ἔθη κινεῖν τοῖσ ὑβρισταῖσ καὶ πλεονέκταισ, πολλοὺσ ὀφθαλμοὺσ καὶ φύλακασ αὐτῶν ἀποδείξαντεσ, τοσούτῳ κρεῖττον ὑμῖν ἕξει τὰ κοινά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 56

(디오니시오스, Antiquitates Romanae, Books VII-IX, book 7, chapter 56)

상위

목록

SEARCH

MENU NAVIGATION