헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 36)

κατιδὼν δ’ αὐτὸν ἀμηχανοῦντα Λεύκιοσ Ιοὔνιοσ Βροῦτοσ, ἐκεῖνοσ ὁ δημαγωγὸσ ὁ τεχνησάμενοσ, ἐφ’ οἷσ ἔσονται δικαίοισ αἱ διαλλαγαί, δεινὸσ ἀνὴρ τά τ’ ἄλλα καὶ πόρουσ εὑρεῖν ἐν ἀπόροισ, προσέρχεται μόνοσ μόνῳ καὶ ὑποτίθεται μὴ φιλονεικεῖν ἐγχειρήματι θερμῷ καὶ παρανόμῳ συναγωνιζόμενον, ὁρῶντα τούσ τε πατρικίουσ ἅπαντασ ἠρεθισμένουσ καὶ ἑτοίμουσ ὄντασ, εἰ κληθεῖεν ὑπὸ τῶν ὑπάτων, ἐπὶ τὰ ὅπλα χωρεῖν, τοῦ δὲ δήμου τὸ καρτερώτατον μέροσ ἐνδοιάζον καὶ οὐκ ἀγαπητῶσ δεχόμενον ἀνδρὸσ ἐπιφανεστάτου τῶν ἐν τῇ πόλει παράδοσιν ἐπὶ θανάτῳ καὶ ταῦτ’ ἀκρίτου. συνεβούλευε δ’ αὐτῷ τότε μὲν εἶξαι καὶ μὴ χωρεῖν ὁμόσε τοῖσ ὑπάτοισ, μή τι μεῖζον κακὸν ἐργάσηται, προθεῖναι δὲ τῷ ἀνδρὶ δίκην ὁρίσαντα χρόνον ὅσον δή τινα, καὶ ψῆφον ἀναδοῦναι τοῖσ πολίταισ ὑπὲρ αὐτοῦ κατὰ φυλάσ·

ὅ τι δ’ ἂν αἱ πλείουσ ψῆφοι καθαιρῶσι, τοῦτο ποιεῖν· τυραννικὸν μὲν γὰρ εἶναι καὶ βίαιον, ὃ νῦν ἐπειρᾶτο διαπράττεσθαι, τὸν αὐτὸν ὑπάρχειν καὶ κατήγορον καὶ δικαστὴν καὶ τοῦ μέτρου τῆσ τιμωρίασ κύριον·

πολιτικὸν δὲ τὸ κατὰ νόμουσ ἀπολογίασ τυχόντα τὸν ὑπαίτιον, ὅ τι ἂν τοῖσ πλείοσι δικασταῖσ δόξῃ, τοῦτο παθεῖν. πείθεται τούτοισ ὁ Σικίννιοσ μηδὲν ὁρῶν βούλευμα κρεῖττον καὶ παρελθὼν ἔφη·

τὴν μὲν σπουδὴν ὁρᾶτε τῶν πατρικίων τὴν εἰσ τὰ φονικὰ καὶ βίαια ἔργα, ὦ δημόται, ὡσ ἑνὸσ ἀνδρὸσ αὐθάδουσ ὅλην ἀδικοῦντοσ τὴν πόλιν ἧττον τίθενται τὸ πλῆθοσ τὸ ὑμέτερον. οὐ μὴν ὁμοίουσ γ’ αὐτοῖσ γίνεσθαι χρὴ καὶ ἐπὶ κεφαλὴν ὠθεῖσθαι οὔτ’ ἄρχοντασ πολέμου οὔτ’ ἀμυνομένουσ· αὐτοῖσ τὸ δίκαιον τοῦτο, καίπερ οὐδὲ νόμιμα πάσχοντεσ οὐδὲ δίκαια ὑπ’ αὐτῶν, καὶ δείξωμεν, ὅτι τοῖσ εὐγνώμοσι μᾶλλον ἢ τοῖσ βιαίοισ περιεῖναι τῶν ἀδικούντων ἡμᾶσ πολιτῶν βουλόμεθα.

ὑμεῖσ μὲν οὖν ἄπιτε καὶ τὸν μέλλοντα καιρὸν ἐκδέχεσθε οὐ πολὺν ἐσόμενον·

ἡμεῖσ δὲ παρασκευασάμενοι τὰ κατεπείγοντα προθήσομεν χρόνον τῷ ἀνδρὶ εἰσ ἀπολογίαν καὶ τὴν δίκην ἐφ’ ὑμῶν συντελέσομεν. ὅταν δὲ γένησθε τῆσ ψήφου κατὰ τὸν νόμον κύριοι, τιμήσατε αὐτῷ ἧσ ἂν ἄξιον εὑρ́ητε ζημίασ. καὶ περὶ μὲν τούτου τοσαῦτα. τῆσ δὲ τοῦ σίτου διαπράσεώσ τε καὶ διαθέσεωσ, ἵν’ ἐκ τοῦ δικαιοτάτου γένηται, εἰ μή τισ ἔσται τούτοισ καὶ τῇ βουλῇ φροντίσ, αὐτοὶ ἐπιμελησόμεθα. ταῦτ’ εἰπὼν διέλυσε τὴν ἐκκλησίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 36

(디오니시오스, Antiquitates Romanae, Books VII-IX, book 7, chapter 36)

상위

목록

SEARCH

MENU NAVIGATION