헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 34)

εἰπὼν δὲ ταῦτα καὶ δόξασ μέτριοσ ὀργὴν εἶναι καὶ διαλλακτικὸσ ἐπιστρέφει πρὸσ τὸν Μάρκιον παρεστηκότα τοῖσ ὑπάτοισ καὶ λέγει· σὺ δέ, τί οὐκ ἀπολογῇ πρὸσ τοὺσ σαυτοῦ πολίτασ, ὦ γενναῖε, περὶ ὧν εἶπασ ἐν τῇ βουλῇ; μᾶλλον δὲ τί οὐκ ἀντιβολεῖσ καὶ παραιτῇ τὰσ ὀργὰσ αὐτῶν, ἵνα μετριωτέραν ἐπιθῶσί σοι ζημίαν; ἀρνεῖσθαι μὲν γὰρ οὐκ ἂν ἀξιώσαιμί σε τοσούτων ἀνδρῶν εἰδότων οὐδ’ εἰσ ἀναισχύντουσ καταφεύγειν ἀπολογίασ, Μάρκιον ὄντα καὶ φρόνημα μεῖζον ἢ κατ’ ἰδιώτην ἔχοντα·

εἰ μὴ ἄρα τοῖσ μὲν ὑπάτοισ καὶ τοῖσ πατρικίοισ καλῶσ ἔχει πείθειν ὑπὲρ σοῦ τὸν δῆμον, σοὶ δ’ οὐκ ἄρα καλῶσ ἕξει ταὐτὸ τοῦτο περὶ σεαυτοῦ ποιήσαντι; ταῦτα δ’ ἔλεγεν οὐκ ἀγνοῶν, ὅτι μεγαλόφρων ἀνὴρ οὐχ ὑπομενεῖ κατήγοροσ ἑαυτοῦ γενόμενοσ ὡσ ἡμαρτηκὼσ ἄφεσιν αἰτεῖσθαι τῆσ τιμωρίασ, οὐδ’ εἰσ ὀλοφυρμοὺσ καὶ δεήσεισ καταφεύξεται παρὰ τὸν ἑαυτοῦ τρόπον, ἀλλ’ ἤτοι καὶ τὸ παράπαν ἀπαξιώσει τὴν ἀπολογίαν, ἢ τὴν ἔμφυτον αὐθάδειαν φυλάττων οὐθὲν ὑποθωπεύσει τὸν δῆμον μετριάσασ περὶ τοὺσ λόγουσ·

ὅπερ καὶ συνέβη. γενομένησ γὰρ ἡσυχίασ καὶ πολλῆσ ἐμπεσούσησ ὀλίγου δεῖν πᾶσι τοῖσ δημοτικοῖσ προθυμίασ ἀπολύειν αὐτόν, εἰ τὸν παρόντα θεραπεύσειε καιρόν, τοιαύτην αὐθάδειαν ἐπεδείξατο λόγων, καὶ τοσοῦτον αὐτῶν κατεφρόνησεν, ὥστε παρελθὼν ἔξαρνοσ μὲν ὑπὲρ οὐθενὸσ ἦν τῶν πρὸσ τὴν βουλὴν εἰρημένων κατὰ τοῦ πλήθουσ, οὐδ’ ὡσ μεταγινώσκων ἐπ’ αὐτοῖσ εἰσ οἴκτουσ καὶ παραιτήσεισ ἐτρέπετο·

ἀρχὴν δ’ οὐδὲ δικασταῖσ αὐτοῖσ ἠξίου χρῆσθαι περὶ οὐδενὸσ πράγματοσ, ὡσ οὐδεμίαν ἔχουσιν ἐξουσίαν νόμιμον·

εἰ δὲ βουλήσεταί τισ ἐπὶ τῶν ὑπάτων αὐτοῦ κατηγορεῖν εἴτ’ ἔργων εὐθύνασ ἀπαιτῶν εἴτε λόγων, ἔνθα νόμοσ ἐστὶν ἕτοιμοσ εἶναι δίκην ὑπέχειν. παρεληλυθέναι δὲ πρὸσ τοὺσ δημότασ ἔλεγεν, ἐπειδὴ καλοῦσιν αὐτοί, τὰ μὲν ἐπιτιμήσων ταῖσ παρανομίαισ αὐτῶν καὶ πλεονεξίαισ, αἷσ ἐχρήσαντο περί τε τὴν ἀπόστασιν καὶ μετὰ τὴν κάθοδον·

τὰ δὲ συμβουλεύσων ἐπισχεῖν ἤδη ποτὲ καὶ συστεῖλαι τὰσ ἀδίκουσ ἐπιθυμίασ. καὶ μετὰ τοῦτ’ ἐπιστρεφῶσ πάνυ καὶ θρασέωσ ἁπάντων αὐτῶν καθήπτετο καὶ μάλιστα τῶν δημάρχων.

προσῆν δ’ αὐτοῦ τοῖσ λόγοισ οὐχ ὡσ πολίτου δῆμον ἀναδιδάσκοντοσ εὐλόγιστοσ αἰδώσ, οὐδ’ ὡσ ἰδιώτου πολλοῖσ ἀπεχθομένου σώφρων εὐλάβεια πρὸσ τὰσ τοῦ κρατοῦντοσ ὀργάσ, ἀλλ’ ὡσ ἐχθροῦ προπηλακίζοντοσ ἀδεῶσ τοὺσ ὑπὸ χεῖρασ ἄκρατόσ τισ χολὴ καὶ βαρεῖα τοῦ κακῶσ πάσχοντοσ ὑπεροψία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 34

(디오니시오스, Antiquitates Romanae, Books VII-IX, book 7, chapter 34)

상위

목록

SEARCH

MENU NAVIGATION