헬라어 문장 검색 - Διονψσ́Αντιθυί2́66́

(디오니시오스, Antiquitates Romanae, book 2, chapter 66)

νόμασ δὲ τὴν ἀρχὴν παραλαβὼν τὰσ μὲν ἰδίασ οὐκ ἐκίνησε τῶν φρατριῶν ἑστίασ, κοινὴν δὲ κατεστήσατο πάντων μίαν ἐν τῷ μεταξὺ τοῦ τε Καπιτωλίου καὶ τοῦ Παλατίου χωρίῳ, συμπεπολισμένων ἤδη τῶν λόφων ἑνὶ περιβόλῳ καὶ μέσησ ἀμφοῖν οὔσησ τῆσ ἀγορᾶσ, ἐν ᾗ κατεσκεύασται τὸ ἱερόν, τήν τε φυλακὴν τῶν ἱερῶν κατὰ τὸν πάτριον τῶν Λατίνων νόμον διὰ παρθένων ἐνομοθέτησε γίνεσθαι· ἔχει δέ τινασ ἀπορίασ καὶ τὸ φυλαττόμενον ἐν τῷ ἱερῷ τί δήποτέ ἐστι καὶ διὰ τί πρόσκειται παρθένοισ.

τινὲσ μὲν οὖν οὐδὲν ἔξω τοῦ φανεροῦ πυρὸσ εἶναί φασι τὸ τηρούμενον, τὴν δὲ φυλακὴν αὐτοῦ παρθένοισ ἀνακεῖσθαι μᾶλλον ἢ ἀνδράσι ποιοῦνται κατὰ τὸ εἰκόσ, ὅτι πῦρ μὲν ἀμίαντον, παρθένοσ δ’ ἄφθαρτον, τῷ δ’ ἁγνοτάτῳ τῶν θείων τὸν καθαρώτατον τῶν θνητῶν φίλον. τοῦ κόσμου τόπον τὰσ ἀνάψεισ τοῦ μεταρσίου ποιεῖται πυρὸσ ἀφ’ ἑαυτῆσ.

εἰσὶ δέ τινεσ οἵ φασιν ἔξω τοῦ πυρὸσ ἀπόρρητα τοῖσ πολλοῖσ ἱερὰ κεῖσθαί τινα ἐν τῷ τεμένει τῆσ θεᾶσ, ὧν οἵ τε ἱεροφάνται τὴν γνῶσιν ἔχουσι καὶ αἱ παρθένοι, τεκμήριον οὐ μικρὸν παρεχόμενοι τοῦ λόγου τὸ συμβὰν περὶ τὴν ἔμπρησιν τοῦ ἱεροῦ κατὰ τὸν Φοινικικὸν πόλεμον τὸν πρῶτον συστάντα Ῥωμαῖοισ πρὸσ Καρχηδονίουσ περὶ Σικελίασ. ἐμπρησθέντοσ γὰρ τοῦ τεμένουσ καὶ τῶν παρθένων φευγουσῶν ἐκ τοῦ πυρὸσ τῶν ἱεροφαντῶν τισ Λεύκιοσ Καικίλιοσ ὁ καλούμενοσ Μέτελλοσ ἀνὴρ ὑπατικόσ, ὁ τὸν ἀοίδιμον ἐκ Σικελίασ ἀπὸ Καρχηδονίων καταγαγὼν ὀκτὼ καὶ τριάκοντα καὶ ἑκατὸν ἐλεφάντων θρίαμβον, ὑπεριδὼν τῆσ ἰδίασ ἀσφαλείασ τοῦ κοινῇ συμφέροντοσ ἕνεκα παρεκινδύνευσεν εἰσ τὰ καιόμενα βιάσασθαι καὶ τὰ καταλειφθέντα ὑπὸ τῶν παρθένων ἁρπάσασ ἱερὰ διέσωσεν ἐκ τοῦ πυρόσ·

ἐφ’ ᾧ τιμὰσ παρὰ τῆσ πόλεωσ ἐξηνέγκατο μεγάλασ, ὡσ ἡ τῆσ εἰκόνοσ αὐτοῦ τῆσ ἐν Καπιτωλίῳ κειμένησ ἐπιγραφὴ μαρτυρεῖ. τοῦτο δὴ λαβόντεσ ὁμολογούμενον ἐπισυνάπτουσιν αὐτοὶ στοχασμούσ τινασ ἰδίουσ, οἱ μὲν ἐκ τῶν ἐν Σαμοθρᾴκῃ λέγοντεσ ἱερῶν μοῖραν εἶναί τινα φυλαττομένην τὴν ἐνθάδε, Δαρδάνου μὲν εἰσ τὴν ὑφ’ ἑαυτοῦ κτισθεῖσαν πόλιν ἐκ τῆσ νήσου τὰ ἱερὰ μετενεγκαμένου, Αἰνείου δὲ, ὅτ’ ἔφυγεν ἐκ τῆσ Τρωάδοσ ἅμα τοῖσ ἄλλοισ καὶ ταῦτα κομίσαντοσ εἰσ Ἰταλίαν, οἱ δὲ τὸ διοπετὲσ Παλλάδιον ἀποφαίνοντεσ εἶναι τὸ παρ’ Ἰλιεῦσι γενόμενον, ὡσ Αἰνείου κομίσαντοσ αὐτὸ δι’ ἐμπειρίαν, Ἀχαιῶν δὲ τὸ μίμημα αὐτοῦ λαβόντων κλοπῇ·

περὶ οὗ πολλοὶ σφόδρα εἴρηνται ποιηταῖσ τε καὶ συγγραφεῦσι λόγοι.

ἐγὼ δὲ τὸ μὲν εἶναί τινα τοῖσ πολλοῖσ ἄδηλα ἱερὰ φυλαττόμενα ὑπὸ τῶν παρθένων καὶ οὐ τὸ πῦρ μόνον ἐκ πολλῶν πάνυ καταλαμβάνομαι, τίνα δὲ ταῦτ’ ἔστιν οὐκ ἀξιῶ πολυπραγμονεῖν οὔτ’ ἐμαυτὸν οὔτε ἄλλον οὐδένα τῶν βουλομένων τὰ πρὸσ θεοὺσ ὅσια τηρεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 66

(디오니시오스, Antiquitates Romanae, book 2, chapter 66)

상위

목록

SEARCH

MENU NAVIGATION